هل تؤيد أن يترشح الرئيس البشير للرئاسة في 2020 ؟ تعرف على نتيجة الاستفتاء في صفحة القيادة
كتب يوسف عماره أبوسن مدير صفحة القيادة العامة للقوات المسلحة السودانية التطوعية على فيسبوك (أنتهي زمن إستطلاع الرأي الذي أجرته الصفحة قبل أسبوع ..
وقد كان السؤال فيه:
هل تؤيد أن يترشح الرئيس البشير للرئاسة في 2020 ؟؟
شارك في التصويت 84922 شخصاً ..
وأجاب 92% منهم ب (لا) وعددهم 78128 شخصا.. بينما أجاب 8% ب (نعم) وعددهم 6794 شخصا ..
وقد حاز الإستطلاع علي 1216 تفاعلا و 1943 تعليقا و 2849 مشاركة ..
وبحسب إطلاع محرر النيلين على صفحة القيادة فقد كتبت (تنوه الصفحة إلي أن هذا الإستطلاع لا يمثل مؤسسة القوات المسلحة ولم يصدر من أي من مؤسساتها ، بحكم أن الصفحة تطوعية مستقلة وغير رسمية ولا تمثل جهة حكومية ولا حزبية ..
وعليه فإننا نعرض نتيجة هذا الإستفتاء للجهات المختصة السياسية والتنفيذية ومراكز التخطيط الحكومية والمستقلة والدوائر الحزبية (موالاة ومعارضة) وغرضنا أن تستخدم نتائج هذا الإستطلاع كمؤشر لقياس إتجاهات الرأي العام )..
الخرطوم/معتصم السر/النيلين
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
هذا المتطفل غير مرغوب فيه …
الاهبل ده هو بفهم…الله يشيلو يريحنا منو
الترشيح ترشيح حزبو ..باقي الناس لو ما عاوزنو يسقطوه في الانتخابات ..لو فاز الناس تسكت معناها الشعب عاوزو ..طبعا واحد حيطلع يقول لي لكن الانتخابات حتكون مزورة و ما نزيهة اذا فاز فيها قبل ما تتعمل..طيب نعرف كيف الناس دايرنو ام لا ..نمشي وين؟؟؟
دي نتيجة قريبة من الواقع هذا الشخص لا توجد له أدني ڜعبية ، شعبيته صفر ، ندعو الله أن يرينا فيه عجائب قدرته
بالله عليكم اضيفوا ليهم اربعه لااااااااااااااااااا عنى وزوجتى وباتى الاثنين وكمان للضمان احدى عشر لااااااااا عن امى وابى واخوانى واخواتى……حضرنا معه ١٦ سنه وتركاه خلفنا ١٤ سنه ولم نرى ولم نسمع ولن نسمع خير عن بلادنا فبالله عليكم بلغوه يرحل كى نعود
الف لا وكمان مليون لا لا يستحق ان يجلس بعد 30 سنه ضياع وفساد ودمار وجوع
والله العظيم البشير اسوء رئيس يحكم السودان حتى المستعمر كان احسن
منو بمليون مره
حكم التكو ….عمرك يضيع بين رءيس او رءيسين 30+30=60 سنه شمار في مرقه وفي الاخير يقول داير يصلح … غايتو عزارايل انشاء الله م يقصر ويعمل الواجب ونرتاح من الكج
لا أدري ما الذنب الذي اغترفناة حتي يبتلينا الله بهذا الحاكم
اكتر شى محيرنى فى هذا الخبر هو ال 8 فى المائة ديل منو . . . . هل معقول يكون فى زول بكامل قواه العقلية ويصوت بنعم للبشير .
هو اطرش مابسمع المعتوه الاهبل دا؟؟؟
ال 8%ديل الكيزان تبعه مستفيدين من وجوده بسهل ليهم تجارتهم على حساب معاناة باقي الشعب عشان كدا لازم يصوتوا ليهو.
والله الاستطلاع دا هو أقرب إلى الحقيقة بس لو أخذنا ما حصل لشعب السودانى بعد موازنة العام 2018 من ضنك ومعاناة وانهيار كامل للاقتصاد السودانى وعدم جدوى كل المحاولات التى قام بها النظام كله بقيادة البشير دا سبب كافى يجعل البشير ترك السلطة فورا ناهيك من أن يتقدم لترشيح للعام 2020 والسلام
المشكلة والمصيبة الكبرى انو هو شايف نفسه صاح هو وحزبه وانه فعل وفعل انجازات عظيمة خلال فترة حكمه وانه يرى اعادة ترشيحه بانه القائد الهمام الذى قاد البلاد نحو التقدم والازدهار …والله دى مصيبة علينا
تعم
نعم لترشيح المشير البشير
نعم
الشعب السوداني حكيم
اعتقد انه كان يستطيع بفضل الله قلب الانقاذ ف ثوان لكنه حكيم وينظر دائما من حوله والي قدام
اعتقد نحن وكثير من الشعب السوداني كنا قلبا وقالبا مع البشير وليس لنا اي توجهات حزبيه وكانت الوقفه من اجل التراب الوطني
لكن الان تغير الولاء نسبه لضعف الريس عن فعل اي شئ جيد للشعب وللتراب
المهم
ف نقاط مهمه
الجيش والامن والشرطه خط احمر ف اي تغير قادم نسبه لما تعانيه المنطقه من ملاحم وفتن وحفر وهلاك ودمار وعماله وطابور
ونؤيد بشده خليفه البشير اذا ربنا اراد اكون مكحل بالشطه ومن ابناء المؤسسه العسكريه الحربيه ولا جدال ولا نقاش ف ذلك
وف نقطه اخيره
لا بد لنا ان نؤمن ونحترم ونلتزم بامر الله انه ياتي الملك لمن يشاء وينزع الملك من من يشاء جل جلاله وعلي اي شخص كاره اي ملك ان يتوجه بالدعاء اولا لملك الملوك
الناظر للواقع السوداني نجد ان اي شخص يجي بعده شخص يكون البديل افشل الا من رحم ربي وده امر مخيف جدا ……….
عن نفسي
لا احب ترشيح البشير
لكن اتمني رغم ذلك ان يلعب البشير ف الوقت بدل الضائع لاحراز اهداف
من اجل فوز فريق الشعب السوداني
وليتذكر البشير نقصد بشعب السودان مواطن السودان التعبان فقط من غير الحاشيه والخدم والعملاء والطابور والقطط والكلاب السمينه
تذكر
لم تفعل لشعبك اي رفاهيه له ولا ف عهدك تم ترخيص اي سعر لاي منتج
ومن يوم رجلك دخلت الحكم الاسعار كل يوم زائده الي الان،، ولم تشهد عاصمه البلاد او عواصم الولايات طفره ف البني التحتيه والتخطيط والجمال والنظافه الا اليسير جدا
ولا ننسي كذلك العلاج والدواء والمواصلات وقفه الملاح والاتصالات
ووووووووو كلها زياده ف زياده ف زياده وكمان معاها عدم تجويد
الوقت بدل الضائع اذا قدرك الله ع فعل
الانحياز الكامل للمواطن
الغاء طابور الدستورين والبرلمانات والحكومات الولائيه ومئات الوزراء الاحزاب والحركات و ووووالخ
فك الارتباط باي حزب وبالحركه التي تسمي نفسها اسلاميه
فك الارتباط باحزاب خارجيه ك الاخوان نهائيا
حسم قضايا مصيريه ك حلايب والفشقه وابيبي والمنطقتين لصالح التراب الوطني
عندها ربما رضي عنك الشعب
اللهم ولي علينا اخيارنا
وابعد منا اشرارنا
اللهم اجعل بلاد النيلين مؤمنه مسلمه امنه غانمه مطمئنه سالمه غنيه قويه
عاليه حكيمه رخيه كريمه
امين!