أطراف جنوب السودان توقع علي اتفاق السلام

هم الناس ديل بيوقعوا إتفاق السلام كم مرة ؟؟
دي المرة الثالثة وفي كل مرة يقولوا ده الإتفاق النهائي لكن في نقاط إختلاف.

يا عالم إتفقوا .

دي اتفاقية والا شهر عسل ؟! كل ما يوقعوها يوقعوها تاني لانه في شهر العسل يتم توقيع الاتفاقيات مرارا و تكرارا
ناس سلفاكير و مشار ديل سطلوا و علقوا والا شنو ؟ اصله المساطيل بعلقوا كدة
كان معانا في بيت عزابة واحد مسطول يواظب على البنقو اكثر من مواظبة الشيوخ المولانات على الصلاة يعني اصطباحية و ضحوية و الضهر بجي من الشغل يضرب واحدة بشيشة كرستالة و عصرية و مغربية و حقة العشاء والغريبة هو زاتو زول مولانا كثير الصلاة و لا يصلي الا بعد ان يضرب البنقو مباشرة المهم مرة جاء واحد صاحبنا اريتري و اصر يسطل معاه بتاعة المغربية و دي بالزات قوية شديد زي حقة الضهر ريحتها بتوصل لي سابع جار وما بلفها لكن عندو مصيبة زي الشيشة بعملها بي كرستالة ببسي و بجيب معاو شلتو والمغربية دي قوية لدرجة مرة في واحد مسكين قعد جنبهم ساي كتم و هلوس و ودوه المستشفى المهم الحبشي شال نفس و كان في اغنية شغالة و كان بحرك رقبتو للامام والخلف مع ايقاع الاغنية و بعد الاغنية وقفت صاحبنا رقبتو علقت مع الحركة و في وشو ابتسامة زول مستمتع للغاية قدر ما حاولنا معاه يقول دقيقة بس و يواصل قالوا سافر السويد واموروا ظبطت واخد الجواز لكن الابتسامة و هزة الرقبة لسة ما فكت منو
لقيت مقطع في اليوتوب لعادل امام من مسرحية الزعيم مرفوع باسم: توقيع الاتفاقية مع الرئيس الضيف هههههه حتموت من الضحك والمقطع محتاج دبلجة مع البشكير و الدينكاوي ابو برنيطة والنويرابي الاعور و شوية مقاطع من توقيع طرمبيطة مع كيم جنقون
……….
نكتة حقيقية مع المساطيل العزابة:
مرة واحد فيهم لاقيتو في استوب زحمة في الخرطوم الضهر سايق والعربية في سقفها لابتب شغال و ظرف هدايا كبير وقفتوا قلت ليو ده شنو يازول اتخلع شديد لانو الكيس فيهو مليون جنيه بالجديد يعني مليار قديم تخص الشركة الهو شغال فيها قام بتحصيلها ومشى ضرب البتاعة و حسب القروش و كتبن بالكمبيوتر وطلع ختاهن في سقف العربية وركب دور نساهن هههه و الآن بعد سنين سمعت انه هارب بسبب قضايا متهم بالاختلاس و خيانة الامانة طبعا هو ما حرامي وحسب كلامه هو زاتو ما عارف القروش مشت وين لكن البنقو السمح اكعب من البنقو الكعب اعملوا حسابكم
انشاء الله اكون نفست الضحكة في زراعتكم
زي ما بقولوا أبلى الضحكات ما يشرشر
…….
في واحد في سودانيز اونلاين اسمه محسن خالد شكلو البنقو قام بيهو بكتب حاجات غريبة جدا اعملوا حسابكم البتاع ده خطير والناس قايلنو حاجة خفيفة خصوصا قالوا انه لما يتعدم في السوق يقوم تجار المخدرات ببيع نبات قريب منه في الشكل مرشوش بمواد كيماوية تؤدي لهلوسة مستديمة و تلف مزمن في المخ و يسمى k2 فتش يوتوب عن k2 weed
في واحد ضرب منو اغتصب حبوبتو في احدى ولايات السودان