كوش نيوز .. أخبار السودان بين يديك

بين الهاوية..الهوى والهوية



شارك الموضوع :

بين الهاوية..الهوى والهوية


* أيها الناس
* المريخ يمر بمنعطف خطير
* وخطير جداً
* وما وصل اليه الحال فى المريخ
* جميعنا شركاء فيه
* ليس المجلس وحده
* ولا اللاعبون فقط او بعضهم
* ولكن الإعلام الأحمر
* والجمهور الشفت
* الأقطاب والمريدين و(البريدوهم) والحيران
* حتى أصحاب المصالح الخاصة
* الذين ولجوا ديار المريخ دون أوراق شرعية
* كلنا مشاركون فى ما وصل اليه الحال
* ولكن تختلف نسبة المشاركة فى هذا الحال
* ولأن المريخ عشقنا
* ولأنه يفتقد الهوية فى هذه المرحلة
* يجب ان يدفعنا العشق والهوى لإعادة الهويه للكيان
* فهوية المريخ هى القوة والفتوة والإنضباط والظفر بالكاسات والبطولات
الجوية
* قسماً إذا توحدت الصفوف
* وأبعدنا ضعاف النفوس
* لنعود الى مقامنا السامى سريعاً
* العترة ما كعبة
* بتصلح المشى إذا قصدنا أن نصلح مشيتنا ونقدل
* أيها الناس
* الطبقة الطفيلية التى نهشت جسد المريخ يجب أن تبعد فوراً
* من فشل فى أداء عمله ولو بحسن نية
* عجاج كرعينو أكرم ليهو و لينا
* بل وأفضل لو جات منو
* الخبز لخبازو
* وقبل كل ذلك نسأل
* لما ذا ينجح اللاعب فى ناديه ويفشل عندنا
* الإجابة بالتأكيد ستقضى على ستين فى المية من أسباب الفشل وفقد الهوية
* طواااااااالى طايرين
* ونشتاق ونتشوق لقرارات ولا نجدها
* نعتبر الطيارة وقعت بالفيها
* ونستبعد كل أسباب الفشل
* لمنضى فى مسيرة إعادة الهوية
* أيها الناس
* فئه جديدة ظهرت بين الجماهير وبعض الحيران
* إذا إنتصر المريخ يتباهون فى المجتمع ويستفيدون من ذلك النصر
* يرجعون ذلك الإنتصار للمريخ النادى القوى
* وإذا خسر المريخ
*كانوا أول الشامتين والمستهزئين بالكيان
* ويرجعون الفشل الى من تتعارض مصالحهم الشخصية معهم
* الفئة دى بالذات إذا تكاثرت سنبحث عن قبر لا عن هوية
* وإنسان عرفت أسنانه البسمة والمريخ مهزوم
* بالتأكيد يفترض أن يراجع مريخيته
* يراجع هويته قبل ان يشاركنا رحلة إعادة الهوية للكيان
* أيها الناس
* ياتو كورة خرجنا مبسوطين فيها غير مباراة النسور؟؟؟
* يبقى أوتوفيستر يحتاج للمراجعة
* أيها الناس
* صفوا النية لنعيد الهوية
* فالهوى يعيدنا من الهاوية لنستعيد الهوية
* بين الهوى والهاوية والهوية
* الإرادة لازم تبقى قوية
* المهم
* من أوجه التخبط الإدارى بالأندية
* ما حدث فى موضوع سيرجيو البرازيلى
* سجلوهوا اليوم
* شطبوهوا بعد تلاتة يوم
* وطبعاً سيسوق البعض من المبررات ما يخفف دقسة مجلس الهلال
* وما يبعد الشبهات عن السمسار
* ولكن الحقيقة
* الهلال طلع فى الصفقه دى رهينة
* دقسوهوا
* مجلس الهلال إتخذ قراراً شجاعاً بتصحيح الخطأ برغم ما صرفه من أموال فى الصفقة
* ولكن السبب الحقيقى الذى أجبر مجلس الهلال على هذه الخطوة
* هو إصرار قدامى اللاعبين على التخلص من هذه الماسورة
* بالذات وسيرجيو ليس بأول المواسير التى أتت بإشاراة من كامبوس
* فقبله كان الكثير والكثير
* والبلد دى صراحةً بقت سوق المواسير بالنسبة للاعبين
* ما يهمنا تدخل قدامى اللاعبين؟؟؟
* أين قدامى لاعبيننا يا والى؟؟؟
* وهل سيمكثون داخل الحفرة التى حفرها لهم أصحاب المصالح لإبعادهم يا والى؟؟؟
* أم ستعمل بمقولة من حفر حفرة لأخيه وقع فيها
* يمرقوا قدامى اللاعبين ويشتغلوا فى مريخهم
* ويدخل أصحاب الحفرة الى جوف الحفرة وندفنهم
* ندفن معهم كل إعاقاتهم للمريخ
* ندفن معهم اى شئ يخصهم
* إنهم فراعنة هذا الزمان
*والفرعون بيدفنوا معاهو حاجاتو كلها
* فهمتنى يا والينا؟؟؟
* أيها الناس
* الزنقة دى يجب ان تولد فينا حكمة وقوة عندالعلاج وللعلاج من أجل العلاج
* لاينفع البكاء على اللبن المسكوب
* ونحنا لبننا مكشح ليهو زمن
* يعنى يا لهوووووووووووى ما بتنفع
* والبنات غنن فى أحى أغانييهن
* ووب عليا والبكا ما بجيبو ليا
* يبقى نسيب الووب والرووب لستات الطرحة والتوب
* ونمسك فى الهوى والهوية
* صدقونى
* غيرنا مين يحرث أرضنا ويحرس أرضنا ويحافظ على تاريخنا وأمجاد مريخنا
* غيرنا مين شرف هذا الوطن؟
* غيرنا مين حايشرف الوطن والسرير التانى برد شدييييييييييد
* والوطن محتاج لتشريفه سريعاً
* يبقى ننهض وعلى منصات التتويج الأفريقية عدل
* بنعرف دربها كويس
* وأسأل مجرب يا روشا ما تسأل مجرب
* مجرب الأولى من التجربة
* ومجرب التانية هى مرض يصيب الجلد ويجيب الحكة
* وإتحكحكى
* أها
* نجى لى شمارات والى الخرتوم
* أكان شفت يا والينا
* أمس فى الجريدة لتصريح الصحة قرينا
* مخلفات ونفايات مصانع التبغ فى الخرطوم ألف طن
* ولو أضفنا اليها نفايات الكبنقة يا والينا
* يبقى مجموع نفايات ولاية الخرطوم عشرة الف طن يا والينا
* زمان البهار حته وأسى البهار أساى والملح حته
* وعشان المخلفات الخرطومية من التبغ الف ومية
* عمرنا ما حانشوف مخلفات خرطومية نووية
* لا للمخدرات يا والينا
* المخدرات إنتشرت فينا
* المخدرات بتهدم علينا
* بناء بكرة وبتطش بأولاداً لينا

سلك كهربا

* ننساك كيف ونفايات السجاير بالطن ونفايات الطشة بالكونتينر
والللللللللللللى لقاء
سلللللللللللللللللللك

في السلك – بابكر سلك

شارك الموضوع :

2 التعليقات

      1. 1

        اللاعب الماسورة ممكن يشطبوه لكن الاعلامى الماسورة البخارجنا منو ومن دماره شنو

        الرد
      2. 2

        الطبقة الطفيلية دي ما عندها اسم؟؟ مافي اشخاص يمثلوها؟؟ ام هي جسم هلامي لا اسم له ولا هيئة؟؟ هذا جبن منك. والا قل لنا هؤلاء بالاسم. هذه واحدة الثانية هو عدم تركك للهلال والاشارة للاعب سيرجيو. هل توجد ماسورة اكبر من “بابا جمال”. مثلك يترك الفيل والضل ويضعن في الاشكال الهلامية. اخيرا انت محامي وكمال الجزولي محامي؟؟؟؟ عجبي.

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *

    This site uses Akismet to reduce spam. Learn how your comment data is processed.