كوش نيوز .. أخبار السودان بين يديك

سائق حافلة يقفز من حافلته ويحير الركاب


شارك الموضوع :

دون أي مقدمات قفز سائق حافلة تعمل في خط الخرطوم الحاج يوسف نهار أمس جوار صينية القندول وترك الحافلة بركابها تقبع في منتصف الطريق وهمهم للكمساري بكلمات غير مفهومة وانطلق بعدها عدواً الى إحدى أزقة السوق العربي وتسبب ذلك في تعطيل حركة المرور الى حين عودته بعد ربع ساعة وهو يتصبب عرقاً وكان الركاب قد طلبوا من الكمساري قيادة الحافلة الى جانب الطريق ريثما يعود السائق الغائب لسبب يعرفه هو ولكن الكمساري إعتذر بأدب عن عدم مقدرته للقيادة وسط زحمة السوق الشئ الذي جعل بعض الركاب يغادر من الحافلة ويقطعون بقية المسافة الى موقف الاستاد مشياً على الاقدام. بعد عودة السائق الى مقود العربة إنجلى سبب هرولته المفاجئة إذ أخبر بقية الركاب بعد أن قدم لهم اعتذاره بتعرضه لمغص حاد جراء تناوله لوجبة شعبية سالت على اثرها سوائل بطنه ولم يتحمل المكوث والقيادة أكثر مما تحمل وأبدى السائق الشاب تذمره من عدم توفر حمامات عامة على جنبات الطريق مما حدا بالكثير من السائقين العاملين طيلة اليوم في نقل الركاب للتعرض الى أعراض مرضية مستديمة جراء الامساكات التي يعانون منها وناشد المحلية بالنظر لأمرهم بعين الاعتبار.

صحيفة حكايات

شارك الموضوع :

8 التعليقات

إنتقل إلى نموذج التعليقات

      1. 1

        والله موضوع في غاية الأهمية ، الخدمات والمرافق العامة ، نشكر موقع النيلين على النشر.

        الرد
      2. 2

        ههههههههههههههههه ماقدرت تصبر ؟؟

        الرد
      3. 3

        قال حمامات على جنبات الطريق(بتطول)احسن شى تعمل حمام فى حافلتك وتريح نفسك

        الرد
      4. 4

        الله يكون في عونك يا بلدي حمامات مافي ده اسع لو مراة كانت عملت شنو وروني

        الرد
      5. 5

        والله دا ما حل لوا اتعملت دورات المياة حا نكون عاوزين كم دورة مياة
        لازم تكون فى حملات علي ناس المطاعم الشعبية والغير شعبية من قبل وزارة الصحة ومطالبت كل زول شغال فى مطعم بي شهادة طبية وخاصة مع تزايد الأمراض
        مع تخفيض تكلفة الشهادة الصحية

        الرد
      6. 6

        والله عفيت منك يا السايق انسان راقي في اسلوبك وخاصة الاعتذار
        ما كل الناس بتتحمل وبعدين دا مرض يعني بس كان ممكن تكلم الناس الا مافي مشكلة لانو فعلا المفروض تكون في حمامات في جنبات الطرق ولا المكاتب يا اخوانا اي مكتب سوداني ما فيهو حمامات في الخرطوم ودا غلط انشاء الله حتي يكون في مجموعة بتاعة مكاتب وجنبهن حمامات ، يا اخوانا نحنا عاصمتنا الناس لا مؤآخذه بتتبول في السوق العربي في النص وفي نفس الوكت في ناس قاعدة تحلق وفي الحيطه وما عارف ايه

        الموضوع دا طويل حبل بس

        ربنا يكتب شفاك يا السائق يا سوداني اصيل

        الرد
      7. 7

        عزرك مقبول والله . ده انا مجرب الحاجات دى( ) ( ) ( )

        الرد
      8. 8

        لازم ادارة المرور تلزم كل سائق بحمل قصرية له ولكمساريه مع تخصيص ثلاثة قصريات للسادة الركاب 😎 :lool: :lool:

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *

    This site uses Akismet to reduce spam. Learn how your comment data is processed.