كوش نيوز .. أخبار السودان بين يديك

زعيم حركة شرارة مغترب بالمملكة العربية السعودية وشباب احزاب الشيوعي والبعث والامة والاتحادي يدعمونه



شارك الموضوع :
كشفت مجموعة اسرار وراء الاخبار على الفيس بوك ان زعيم حركة شباب لاجل التغيير والتى دعت للتظاهريوم الاثنبن21مارس
هو شاب سوداني مغترب بالمملكة العربية السعودية اسمه محمود عوض وتقوم شقيقته في السودان بالتنسيق مع شباب الاحزاب الذين يدعمون حركة التظاهر ضد الحكومة وهم على
ذمة محموعة اسرار وراء الاخبار
سارة تمثل الحزب الشيوعي وتعمل لدى الامم المتحدة
أحمد عبده ويمثل حزب الامة
حسام عبدالرؤوف يمثل الحزب الاتحادي اليمقراطي
أبو ذر عثمان ويمثل حزب البعث العربي
ومن جهة اخري اعلنت حركة شباب لأجل التغيير (شرارة)على صفحتها في الفيس بوك بتنظيم تظاهرات بهدف اسقاط النظام وحددت يوم 21 مارس 2011 للخروج في تظاهرات سلمية وكشفت مجموعة اسرار وراء الاخبار بعض الوثائق التى تثبت ان المظاهرات تم التخطيط لتكون غير سلمية للفت الاعلام وتاليب الرأي العام وكشفت المجموعة ان المنشورات واللافتات يتم تصنيعها بدار حزب الامة القومي بامدرمان . وسبق ان نظمت مجموعة شرارة تظاهرات يوم 30-1-2011 الماضي شارك فيها اعداد قليلة من طلاب الجامعات السودانية وقامت الشرطة بتفريغها.

ومن جهة اخري اوردت وكالة الخرطوم للأنباء على موقعها في الفيس بوك الحوار التالي :

في حوار حصري لوكالة الخرطوم مؤسس حركة شباب لاجل التغيير شرارة تظاهراتنا سلمية وكل من يبدر منه تصرف غير ذلك سيتم إبعاده عننا لا نريد تخريب .السودان بلدنا وليس ملك لاحد.

في حوار اجرته وكالة الخرطوم للانباء مع مؤسس ومدير صفحة حركة شباب لاجل التغيير شرارة رفض فيه الكشف عن هويته في الوقت الحالي وفضل التعامل معه باسمه المستعار الذي اشتهر به (حامي الوطن) . وقال انه لايسعي للشهرة بل هو مواطن سودانى تعب من الفساد وارهقه الغلاء ،واتعبه ما وصل اليه حال وطنه ،وقال ان حامى الوطن هو كل مواطن يريد اصلاح البلاد ،

وقال لوكالة الخرطوم ان اختيار يوم 21مارس للتظاهر لانه عيد الام وليس هنالك هدية للأم أغلي من حرية بلدي .وقال حامي الوطن من المتوقع ان تكون اكبر تظاهرة الى الان، وهذا بالرغم من التعامل العنيف والغير اخلاقى من جانب رجال الامن والشرطة مع تظاهرات سلمية. وقال ان القضايا والاصلاحات التى يطالب بها شباب التغيير تمس كل مواطن سودانى فى صميم حياته اليومية لذلك نتوقع مشاركة كافة المواطنين بمختلف فئاتهم

وقال ان الدعوة للتظاهر قاصرة على الانترنت بسبب عدم وجود اى هامش من الحريات مما يجعل الدعوات تتم بشكل سري.

ونفي مؤسس حركة شباب لأجل التغيير تبعيتهم لاي جهة سياسية واضاف لانقصى الاخرين من حق المشاركة فكلنا ابناء هذا الوطن. و تعاملنا مع قواعد الأحزاب في التعاون فقط لانهم شباب مثلنا.

وقال ان دعوتهم لمظاهرات سلمية وكل من يبدر منه تصرف غير ذلك سيتم إبعاده عننا لا نريد تخريب هي بلدنا وليست ملك لاحد.

وقال لدينا خطط للتعامل مع كل الإحتمالات وسنخرجها سلمية بإذن الله بدون تخريب وبدون دماء نريد بناء لاخراب ومطالبنا عادلة وواضحة العدالة للجميع ورفع الظلم عن الشعب بمختلف فئاته.

السودان الخرطوم.

وكالة الخرطوم للأنباء

السبت 19 مارس 2011

النيلين … حماد ابراهيم

شارك الموضوع :

24 التعليقات

إنتقل إلى نموذج التعليقات

      1. 1

        في السعودية وتعب من الفساد؟؟؟؟
        وكمان يقولوا ما عندهم جندة ولا يتبعون لجهة ..
        يا وليدات يا مغرر بيكم لو طلت الشمس مش حتغيروا النظام لا بسلمية ولا ما سلمية .. انتوا لموا الناس بعدين قول باقي الكلام سلمية وغيره

        الرد
      2. 2

        ياناس النيلين انا اعلم انكم تعملون بمبدأ الراى والراى الاخر لكن هنا انتم تعملون بمبدأ الراى الواعى والراى الهدام ( معذرة )…اسمحوا لى بان انقل لكم رايى وبصراحة اولا . فى بلادى شباب مؤمن وثاب مفكر ومتعلم وواعى ومدرك وشجاع وهم والحمدللة الاغلبية العظمى من شباب بلادى وكل صفة زكرتها فى هذا الشباب احفظ فى زاكرتى موقف مثلة امامى هؤلاء . فى حرب الجنوب ( اللة لا اعادها ) رايت بعينى كيف يضحون بانفسهم والايمان باللة ورسولة يشع من اعينهم واذا سردت لكم هذة المواقف فساحتاج لكل هذة المساحة للدروس التى تعلمناها من شباب بلادى فى هذة الحرب اللعينة التى حصدت ارواح شباب زى الذهب حيوية وايمان وروح وطنية وشجاعة اقسم باللة العظيم شجاعة هؤلاء الشباب لا يستطيع قلم ان يسطر دقيقة واحدة من الليالى الطويلة التى خاض هذا الشباب غمارها … سقت هذة المقدمة لاخاطب هذة الفئة القليلة جدا جدا من ( شباب ) عندما كان شباب الوجعة يقاتلون فى احراش الجنوب بايمان وصبر وقوة وجلد ويضحون بانفسهم اين كانوا هؤلاء القلة .. اكرر اين كانوا..؟؟؟ والسؤال بفهم اخر اين كان ابناء من يدعون المعارضة اليوم والسؤال اكثر وضوحا اين كان ابناء البعثيين وابناء الشيوعيين العلمانيين واين كان ابناء من يدعون الوطنية من ابناء الفنادق والشاليهات وعبدت الدولار وحب الدنيا . كانو وين ؟؟؟؟؟؟؟؟؟؟ دعكم منهم وامضوا فى طريقكم الاصلاحى وضرب المفسدين وتنقية الاجواء للابداع والعلم والبحث وكل ما يرفع ويعلى هذا البلد الحبيب ولا تلتفتوا لخفافيش الظلام وازرع دول الاستكبار وبعض من خائنى الوطنية والدين واختم بشعارنا ايام الحرب اللعينة ( وللاوطان فى دم كل حر يد سلفت ودين مستحق ) اكرر كل حر … واللة اكبر والعزة للاسلام والمسلمين ….

        الرد
      3. 3

        شرارة
        ضارب كنادش الرياض
        وعايزينا نضرب
        بهراوات الشرطة

        انزل الميدان ياراجل

        الرد
      4. 4

        يااخى انحنا شعب قائد وليس تابع كالارجوز يعنى حاكو حاكو والله كيف اذا كنت انت مبادر ولديك افكار وين كانت زمان يعنى زى الاطفال شاف لعبة عند الاخر لازم يمتملك مثلها يااخى كبرو عقلكم وماتبقوا ذى الشفع الصغار نخوض مع الخائضين ماقريت ماكتبة الكاتب السعودى ولا كنت مع ناس حزبك بتراسلهم وما سمعت قائدك نقد قال (حضرنا ولم نجدكم )

        الرد
      5. 5

        السلام عليكم ورحمة اللة تعالي انا كمواطن سوداني وااعيش في الخارج اتمني انو الشعب ان يصمد في كل وجة موامرة تاتي من الخارج اي ان كان من الملوك ولا من القرب …. فاما الناس البقوموا بلتحرشات من الخارج انهم خونة وكلا ب ملوك قاعدين كلهم برة وعايزين بس يدمرو السودان …. واللهم دمرهم علي سواد قلوبهم واححفظ بلدنا واهلنا في السودان والسلام عليكم

        الرد
      6. 6

        الزول قاعد في السعودية واختو تتولى الامر في الميدان ولا عشنا وشفنا زي واحد صاحبنا زمان كان ايام الجامعة يقول انا واختي وبت جيرانا مشينا وسوينا. وبعد سنين من اشتعال الرأس بالشيب ذهبت ووجدته بنفس الحال مصبغ الشعر وشاكي كانه ولد عمر 18 -20 والله مهزلة بالله عليكم بس مايسمعك واحد من جهابزة المظاهرات واصحاب الاركان نحنا ما صدقنا ان البلد استقرت وبقت لينا كلمه في المجتمع الدولي وانت يا وليد امشي اقيف في ميدان الامم المتحدة ولا حتى قدام القصر الجمهوري وقل العايزه حتى في الرئيس زي ما عايز وشوف اذا واحد قالك عينك في رأسك . واكتب في الجرايد او امشي التلفزيون وقول رأيك وخليهم يسمعوك وبعدين طالب بتطبيق نظرياتك ، بس على شرط ترجع هناك مع الغبش ، مش وانت قاعد الراحات .

        الرد
      7. 7

        شبابنا لا يغركم راكبين الموجة و التظاهر ..سودانا يتقدم الى الأمام
        والأصلاحات قادمة لكل نوأحى الحياة .. لا شك الفساد موجود فى النظام و المحسوبية و كثير من الأخفاقات صاحبت مسيرة النظام ..و لكن حقيقة اليوم أفضل من الأمس ونتمنى ان يكون الغد أفضل من اليوم ..سودانايحتاج منا للتكاتف و الوقوف صفا وأحدا فى هذه المرحلة الدقيقة من تاريخ السودان .. كل الأحزاب التى تعارض النظام و الله لا نأمل فيها أي خير للسودان همها فقط الوصول للسلطة و التجربة خير برهان و عرفناها فى الفترات السابقة عند وصولها للسلطة.. المواطن يسعى لحياة أفضل و هذا حق من حقوقه و الطرق كثيرة لتحقيق تلك المطالب و لكن اياكم و الأنحراف و السير خلف المنتفعين من طلاب السلطه أوتدمير ما لدينا من انجازات تحققت بجهد و شقاء هذا الشعب العظيم ..
        الشرارة سوف تحرق كل جميل لدينا لو غيبنا عقولنا و اتبعناما تسعى ا ليه و اشك ان تفعل شئ و من يدعى أنه حامى الوطن فليعد للوطن و يساهم فى تقدمه و ليس الكتابة من خلال الغرف المكيفة…

        الرد
      8. 8

        اولاً عاش السودان حراً عاليا يرفرف فوق هامات العوالي ، ثانياً احب ان اشكر الاخ / الرائع الكردي علي هذا الكلام الجميل وهذا الوفاء الطيب ، ولابد ان نعرف وندرك ان الموتمر الوطني ( الانقاذ ) الذي انقذ السودان من براكين الديون وابعاد المفسدين الضالين ، اتي الانقاذ في الوقت المناسب والخير بعود الي اهله الكرام ( ويستاهلون الانقاذ) فكل انسان يريد الخير لبلادهـ ان يعمل المقارنه بين الحكومات وحكومة الانقاذ حتي يدرك ما هي الفوائد والفروقات الواضحه والبينه ، يجب بأن لا ننكر الجميل وان نحترم كل من له علينا حق ، ختاماً ليس كل من اشترك في الفيس بوك هو من يغير النظام ، وليس كل نظام يغير بعبر الفيس بوك ) تحياتي

        الرد
      9. 9

        كنت اتابع هذا الموقع بالفيس بوك و وجدت تقريبا 75 فى الميه من مؤئسسى هذا المنتدى يقومون فى بلاد الغربه مش غريبه بنادون بتغير النظام ويحرضون الناس على الخروج وهم فى الخارج تعالوا الاول للوطن و شوفوا على ارض الواقع التنميه والاعمار والفسادة البتقولوا عليهو دى موجود فى اعظم دول العالم مثل امريكا والمانيا وفرنسا نحنا ما عايزين تغير ولاشئ كل اتركوا السودان فى حالوا يمضى الى الامام اللهم احفظ السودان واهله و اكسر كل اجنحت و جوارح من يريد الدمام للسودان امييييييييين

        الرد
      10. 10

        شرارة يعني شنو يا البتقول انك حامي الوطن علاقة الشرارة بالسلمية شنو ثم ثانيا” هنالك فيئة مسمية نفسها قرفنا متزعمها حبشي أظهرته العربية وقال لابد من اسقاط النظام انتو قايلين بتغيرو النظام بمجموعة مغتربين مشتركين بالفيس بوك ينطلقون من أحقاد على هذا الوطن
        هوي يا مغتربين انتو ضاربين الراحات ماتجهجهو الناس بشعاراتكم الفضفاضة دي قال شنو قال تغيير

        الرد
      11. 11

        ياأخى خلينا من الدعوات للمظاهرات ايه عاجبك فى الناس الحوالينا وشوف الحاصل عندهم ديل ناس عندهم امكانيات اليوم ليبيا تضرب وسوف ترجع الى 50 سنة للوراء ونحن تعبنا من تجارب الحكام ديمقراطية عسكر وكل مرة نحتاج الى عشيرين سنه عشان نحصل الناس وانت ما عندك وطنيية وافضل من النظام ده ما حيجى ادانا مكانتنا واحتلرامنا بدل التبعية انت كنت وين لما الواحد عاوز يكلم اهله فى السودان يحتاج الى اكثر من اسبوع عشان يكلم اهله الان الجوال فى كل قرية وراكوبه وما تركب الموج مع الراكبين ادعو الله ان يوفقهم ويكفينا شر الامريكان وزمرتهم وما تفتكر اذا حصل حاجه فى السودان سوف يكون فى انتظار وطلب تنحى وتحانيس من اول يوم ضرب وديل اهلى واهل]

        الرد
      12. 12

        اللهم جنبنا شرهم….بعد ماقنع كبار المخربين من الشيوعيين وبواقي الحركة الشعبية وطلاب السلطة من الستينات من اشاعة الفوضي عايزين يقومو بيها شباب والله ماعارفين انو عملم دا ممكن يضر بالامن بكل اهلنا في المدن والقري..وراي لو مافي حرية حقو تخاف علي اختك {او اقل حاجة تعال اقيف معاها }…..الحرية والتهميش ووو بقت مابتمشي علي زول…
        حركة {جردل موية}

        الرد
      13. 13

        [FONT=Comic Sans MS][B]والله ماشاء الله ردود تسر البال وتوضح أن الشعب السوداني شعب واعي ومثقف ويعرف متي يتظاهر ومتي ينتفض الله يكملنا بعقولنا ويكفينا شر أنفسنا والله لن يستطيع أحد أن يمسنا بسوء ولو تكالبت علينا كل دول البغي والإستكبار مادمنا متمسكين بوحدتنا وموحدين راينا نعم هنالك بعض الهفوات في النظام ولكن لا تعني عدم وجود إشراقات وأشياء محسوسه وتنميه في البلاد وفوق هذا وذاك الأمن خير لنا من الرفاهيه كفانا حروب وكفانا جري من دفار الخدمه الإلزاميه [/B][/FONT]

        الرد
      14. 14

        ياخى الناس الطلبين الخروج جلهم خارج السودان وعطالة وماعارفين الحاصل عندنا كل يوم افتتاح كبرى ومحطة مياة والله انت تخرجو نخرج ليكم نحن المواطنين ونحن زاتو نكون شرارة وطنية

        الرد
      15. 15

        [CENTER]بسم الله الرحمن الرحيم [/CENTER]

        أدعوا الشباب للعمل للتنمية للانتاج بلاش كسل بلاش كلام مافى محلو بالبلدى كدة خلونا نعمل من أجل هذا البلد . وشراره هذا دعوه وشأنه ربنا يصلح حاله وحال أمثاله

        الرد
      16. 16

        مسؤلية الاحزاب القومية:

        الضفط المستمر ( اصلو صبرو 20سنه – فاضل بسيط)علي الانقاذ لترك مقاليد الحكم باسرع فرصة- عبر رموز وحكماء السودان من السياسين الذين لاخيار لنا غيرهم – وذلك عبر التجرد والقبول حالياحتي بادني عرض من الوطني للمشاركتهم السلطة ومن ثم تزيد النسبة ومعروف

        البلد خيرها كتير وديل علي الاقل ماسكين حاجات لو طارو فجاء ما بنقدر نلمها ولا حتي نحاكهمم لودايرين- إتكاتفو يا عقلاءنا وخلونا من الثورات الوهمية والمزعزة لامن البلد والامهات ماديرين شرارة ولا انقاذ دايرين اولادهم يكونو في استقرار حتي ولو بعد حين ….

        يااخوانا الفساد الحاصل في البلد دي في لانو مافي دستور ولا نظام ولو جو ناس تانيين بنفس الوضع ( عدم المنهجية) برضو ممكن ياكلو. الناس مفروض تسعي لوضع دستور راقي يحمي موارد البلد وليس التخريب .

        دفاع عن الانقاذ:
        رغم الفساد والاكل الفاحش الناس ديل ورثو بلد بدون بنية تحتية وقدرو يحققو في نظري إنجازات من جذب المستثمريين وغيرها معروفة(طرق وسدودوانفصال)بالاضافة للتوطين الخبرات السودانية في الصناعة.

        الرد
      17. 17

        ربنا يحمي بلادنا من شر الشرار ناش شرارة واسأل الله انها تولع في راس القائم عليها واتباعة قبل ما تولع في وطنا الحبيب ، مقيم في السعودية وعاوز يغير الحكومة عميل وخائن، الشعب السوداني الضايق المهانة من حكومات الاحزاب الفكة التي لا تساوي نصف جنيه التي دمرت السودان في العهود البائته خلينا منكم ومن قرفكم نحن الشعب قرفنا منكم شوفوا ليكم وطن وخلونا نرتاح منكم ومن افكاركم الدسيسة السامة نحن اوعى شعب،
        يا عبدو عسلاية انت الغير متعلم وغير فاهم الشعب السوداني معلم الشعوب الثورات، اطلع من محيط الذي انت فيه وشوف الشعب السوداني الظاهر انك عوادم مصنع عسلاية عامياك وضجيج المصنع مسدد اذنيك والله عامي بصيرتك.

        اللهم احفظ بلدنا من كيد الاعداء …. الله أكبر والعزة لله وللوطن

        الرد
      18. 18

        لا يغير الله ما بقوم حتى يغيروا ما بأنفسهم

        لو الناس نفوسا ما اتصلحت البلد دي عمرها ما تمشي خطوة لي قدام
        اثيوبيا وارتريا اتطورت ونحن لسة زي ما نحن
        انا لا اشجع التظاهر والتخريب في تلك الفترة الحرجة لكن لا الوم هذا الشاب المغترب (ان كانت البيانات صحيحة) على مبادرته … فربما هو ممن اكتوى بنار الغربة وراتفاع الاسعار وربما هو كفيل الاسرة واهلكته الديون والمصاريف (غذا وتعليم وعلاج) وغيره

        اخي الجيلي … الكبري عمرو ما أكل الناس عيش
        والناس البتركب الكبري ديل كلهم اصحاب العربات والحافلات
        واللي بيركبوا الكبري ديل طلبة بيعانوا من غلاء حق تذكرة المواصلات
        واللي بيركبوا الكبري ديل امهات واباء جاريين ورا لقمة العيش وبعد دا ما قادرين يوفروا ابسط المتطلبات …

        ما تعاين للكبري … عاين تحت الكبري تلقى الاف المشردين
        تلقى المدمنين … الفقرا المساكين

        والموية !!! وينا الموية ؟؟؟ الموية المليانة عكر وتراب … وكل يوم زايدين في سعرها ؟؟؟ دي محطة الموية الفرحان بيها ؟؟؟

        لك الله يا وطني …لنا الله يا شعب السودان المغلوب على امره … فعلا اشعر باحباط من جهل من يظن نفسه واعيا

        الرد
      19. 19

        [CENTER]بسم الله الرحمن الرحيم[/CENTER]

        عاش السودان حرا وابياً ولانامت اعين الجبناء والخوناء والماجورين. نحن سودانيين ومابغرنا الكلام المعسول . ومافى اى حكومه احسن ما الحكومه الحاليه بصراحه نقولها مع انى غير حزبى . السودان الى الامام

        الرد
      20. 20

        [HIGHLIGHT=undefined][SIZE=4]الشعب السوداني يغير الحكومات متي ما اراد ذلك وبدون فيس بوك وخلافه وهو اول شعوب العالم الذي غير انظمة عديدة من قبل
        الشعب السوداني دائما رائد وهو ملهم الشعوب ومعلمها
        اول دولة تسلم حكومتها العسكرية المؤقتة الحكم في الموعد المحدد للشعب
        بقيادة انذه من انجبتها الارض في التاريخ الحديث البطل سوار الدهب
        اوائل الدول التي اسست الاتحاد الافريق
        اوائل الدول التي اسست الاتحاد الافريق لكرة القدم
        اول دولة ادخلت التلفاز الملون في الدول العربيه وربما في افريقيا
        ثاني دولة ادخلت التلفاز بعدمصر في الدول العربيه وربما في افريقيا
        اول دولة ادخلت نظام الاستقبال عبر الاقمار الصناعية في الدول العربيه وربما في افريقيا(( الاقمار الصناعية ابو حراز))
        اول دولة ادخلت نظام الحاسب الالي في الدول العربيه وربما في افريقيا
        (( الادارة المركزية فواتير الكهرباء))
        وهناك الكثير والكثير
        نتمني ان نعود لذلك الزمن الجميل
        علاء التهامي[/SIZE][/HIGHLIGHT]

        الرد
      21. 21

        اننى الوم وكالة الخرطوم للانباء الذى اعطى اهمية لهذا الجبان الذى يترك اخته فى الميدان ويدعى قيادة حركة تغيير فى السودان فوالله امثال هؤلاء لا يستطيعون قيادة قطيع غنم

        الرد
      22. 22

        يا جماعة انتو عشان لصوص الانقاد برمو ليكم فتات تنافقوهم لايمكن انظرو الي حالهم ياكلون اموال الناس بالباطل ويدعوون الاسلام اي سودان الزى اضحت النساء لا يوجد شي يباع لهن الى الشرف والرجال يهاجرو حتى لاسرايىل

        الرد
      23. 23

        [SIZE=4]السلام عليكم ياشراره الفتنه نائمه لعن الله من ايقظها والله عاوزين التغير الى الافضل والاحسن ولكن خايفين من فتره انتقاليه سالبه وناهبه ثم انتخابات مره اخرى فالله الله الزم سعوديتك ولو مضايق عليم بالعمره والدعاء فى الحرمين اضل وانسب من الفتن ثم فيها اجر لك وخلى الناس دول يكملوا هذه الفتره ونكون بكده ثبتنا ورسخنا الديمقراطيه التى ننشدها الله يصلحك بلا ش فتن [/SIZE]

        الرد
      24. 24

        لا شباب تغيير ولا شباب تعبير ولا شيوعيين ولا احزاب سوف تقوم على مصلحة الوطن والمواطنيين , ثم ان هده الثورات والفتن التي تحدث في الوطن العربي لن نشاهد ثمراتها وحسناتها الا بعد عشرات السنوات , فلا يمكن بين ليلة وضحاهاان يحدث التغيير وفي خلال هده الفترة سترجع البلاد التي هبت فيها الثورات لمئات السنون , لمادا يا اهل السودان لا تجتمعون على شكل حزبين كبيرين او ثلاث وتقوموا بدور افضل في تنمية هدا السودان الدي عانا كثيرا وتاخر كثيرا بسبب خلافات وتحزبات لا تخدم الا امال وطموعات الاعداء المتربصين بارضكم ودينكم وثرواتكم .

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *

    This site uses Akismet to reduce spam. Learn how your comment data is processed.