كوش نيوز .. أخبار السودان بين يديك

توقيف تنفيذ حكم الإعدام على سودانيين أدينا في قضية مخدرات بالسعودية


شارك الموضوع :

[JUSTIFY]تتبادل السلطات العدلية بين حكومتي السودان والمملكة العربية السعودية المذكرات للتنسيق في قضية سودانيين اوقعت عليهم السلطات السعودية حكماً بالإعدام في قضية مخدرات ، بيد ان السلطات السودانية توصلت الى ان المحكومين وقعا ضحية لاحد مهربي المخدرات سلمهما طردا فيه ( طلح ودلكة ) بمطار الخرطوم لتوصيله لأحد أفراد أسرته بالسعودية ، وان السلطات هناك عثرت على كميات من الحبوب مخبأة في تجاويف داخل الأخشاب ، ونجحت وزارة العدل السودانية في توقيف حكم تنفيذ الإعدام على المدانين والذي كان مقرراً له الثالث والعشرين من فبراير الماضي . فيما جددت سلطات التحري حبس المتهم الذي ضبط داخل السودان من قبل رئيس الجهاز القضائي بمحلية الخرطوم لمواصلة حبسه لحين الوصول لرؤية مشتركة بشأن اعادة محاكمة السودانيين بالسعودية على ضوء المستجدات الجديدة ، وكان احد ذوي المدانين قد لجأوا لديوان النائب العام واوضحوا من خلاله ان ابنهم كان مغادرا للمملكة العربية السعودية واثناء مغادرته اوقفه المتهم المضبوط وطلب منه توصيل الطرد معه واوضح والده ان ابنه رفض في بادي الامر ولكنه أنّبه بإعتبارها من المروءة وكشف اثنان من العاملين بمطار مشاهدتهما للمتهم وهو يسلم الشابين الطرود وادليا بإفادتيهما امام التحقيق .[/JUSTIFY]

الاهرام اليوم

شارك الموضوع :

15 التعليقات

إنتقل إلى نموذج التعليقات

      1. 1

        الحمدلله
        اللهم فك كربهم وأرجعهم لآلهم وذويهم سالمين غانمين

        الرد
      2. 2

        مسالة التوصيل ولمشاركة فى الوزن هذه صفة ازلية للسودانيين لكن السودانيين زمان ليسوا هم اليوم فقد تبدلت سلوكياتهم فاصبحوا ياكولونك وانت مفتوح العينين وحسبنا الله ونعم الوكيل فيما الت اليه اخلاقهم وعلى الجميع فى المطارات عدم حمل حقيبة لشخص او مشاركته فى الوزن.

        الرد
      3. 3

        والله العظيم قبل كم سنة حصلت لي نفس الحكاية ( إمرأة كبيرة معي في نفس الطائرة قالت لي ما عندك وزن يا ولدي شيل لي الكرتونة دي معاك .. ولما جيت عند ضابط الجمارك قالي فيها شنو ؟ قلت ليهو دلكة وبهارات سودانية موصلها لي جماعة معرفه .. لكن بحدسه الأمني لم يفتح الكرتونة وقال لي تاني ما تشيل ليك حاجة لأي شخص وأي كان )وفعلاً كان موقف صعب جداً لأنه لحظتها دارت برأسي أفكار كثيرة ومن ضمنها قلت إمكن فيها مخدرات واللا مصيبة انا الموديني أتفاضل شنو .. ومن ديك وعيييييييك

        الرد
      4. 4

        كيف مره المخدرات من الفحص في مطار الخرطوم هذا الامر يحسب علي السلطات الامنية في المطار ويجب معاقبتهم علي ذلك الامر الخطير حتي لا يتكرر مرة اخري

        الرد
      5. 5

        برضو كان في واحد سوداني مغترب (قرب يروح فيه) زي اخونا (الـ الله مرقو دا)، فقصتو.. انو فقبل إجازته فقد دفتر (اقامته) ولهه سرقو منو ما عارف، المهم..لم يبلغ بفقدان ضياع اقامتو وراح استخرج بدل فاقد وسافر ، أتاري بوراءه لمو في (الاقامة) اولاد حرام وأجروا بيها شقة مشبوهه، طبعاً باسم اخونا داك الضاعت منو الاقامة عشان يبعدوا التهمة من انفسهم اذا انكشف امر الشقة ، وفعلاً دا الحصل السلطات السعودية اكتشفت الشقة ولمن رجعوا لبتاع العقار لقوا ان الشقة مؤجرة باسم اخونا الضاعت منو ولمن رجع من الاجازة كانت السلطات منتظراه في المطار وفعلاً تم إلقاء القبض عليه باعتباره صاحب الشقة المؤجرة ، وبدأ يحلف انو ما اجر شقة ولا يعرف شيئا عنها، وبدأ يتذكر انه اقامته ضاعت قبل سفره فحكى قصة ضياع الاقامة للسلطات فقالوا له هل لديك اثبات بفقدان او بلغت بفقدها وهنا سقط في يده ولم يستطع ان يجاوب لانه اصلا ما انتبه انو سيجل بلاغ فقدان ويأخذ معه ما يثبت انو بلغ المهم لبث في السجن بضع شهور ، وربنا جاب الفرج عندما اخذوه لصاحب العقار ليتعرف عليه ، فعندما احضروه امام صاحب العقار وقالوا له هذا الشخص صاحب الاقامة التي تم تأجير الشقة بها فهل هو نفسه الذي سلمك الاقامة وقام بالتأجير منك؟ فقال صاحب العقار لا ليس هو من اتى واستأجر مني وان كانت الاقامة باسمه ولكنه ليس الذي احضر الاقامة واستأجر منى ، فجاءت هذه الشهادة لصالحة وعرفت السلطان انو الرجل برئ ولكن غلطته انه لم يبلغ بفقدان الاقامة ليستلم اصل البلاغ ويحتفظ به ، والحمد لله تم الافراج عنه،نسأل الله ان ينجي كل برئ ويظهر الحق ويردع الظالمين.

        الرد
      6. 6

        [B]الزول الأسمه الحلــو دا شوفوا ليه طلح ودلكة ورسلوه للسعودية يمكن يعمل عُمـرة وزوغة [/B]

        الرد
      7. 7

        [frame=”7 80″]
        ربنا يفك اثرهم ويظهر براتهما.
        لكن بالجد ده بيخلى الانسان السودانى يتخلى عن مرؤته ويعيد النظر فى معاملة بنى البشر ….
        حسبنا الله ونعم الوكيل؟حقيقة قصة هؤلاء السودانيين تفطر القلب .فما بال اهلهم
        الله لن يضيع حقكم توكلو على الله والجاو اليه بالدعاء فالله حتا مع المظلوم فهو العادل عليكم الجبارالمنتقم من الظالمين.
        [/frame]

        الرد
      8. 8

        الله يرحم بحالهم و يعودو للوطن سالمين مصيبة و نزلت عليهم لكن الله عالم بحالهم ابرياء والله رحيم بعباده..نتمنى تكون هذه المحنة عظة و عبرة لبقية المغتربين و المرتحلين فى كل بلاد الدنيا للأخوة السودانين عدم أخذ الامر بباسطة بأنه نوع من الشهامة او المساعدة والطيبة او بالأصح فى الزمن ده تسمى سذاجة و القانون لا يحمى المغفلين ..

        الرد
      9. 9

        معليش اتحملوا تكرار تعليقاتنا ، لانوا اكثر فئة يهمها الموضوع وتحتاج للتوعية فيه هي فئة المغتربين فالينتبهوا لنظم البلدان التي يعملون فيها، وحسن النية دا فالتركوه وراء ظهورهم لانو هنا ما في حاجة اسمها (والله اصلي أنا ما عارف…)، وقديماً قيل بعض سوء الظن من حسن الفطن، والقانون لا يحمي المغفلين والامثال كتيرة ولكن البذكر منو؟
        ولتفادي مثل هذه الحالات وحتى يقبضوا على الفاعل الاصلي او العصابة ينجو البرئ، لابد اذا اكتشف بتاع الجمارك في اي مطار اي طرد به مخدرات او اشياء ممنوعة عليه ان يعمل نفسو ما شايف شئ ويتصرف طبيعي جداً حتى لا يشعر الذي ينتظر استلام الطرد وطبعااكيد تلقاهو يتابع ويراقب حركة الطرد فاذا مر الطرد بسلام ودون ان يفطن بتاع الجمارك لما بداخله فسوف يأخذه الذي ينتظره من الذي أتي به، اما اذا لقى المنتظر انو الطرد انكشف فعندها طوالي سوف يزوغ ويقنع من استلام الطرد ولا يهمه ان يتورط احد الابرياء او غيره ..(شفتو درجة الدناءة عند بعض البشر تكون لحد وين؟) ، المهم نرجع للطرد وهو الآن امام بتاع الجمارك والفكرة انو بتاع الجمارك يسيب الطرد يمر بسلام كأنه لم ينتبه له وكأن شيئاً لم يكن ولكنه في الخفاء يجري اتصالاته بالمباحث التي بدورها تظل تتابع الطرد لتعرف من الذي سوف يستلمه وتقبضه وهو متلبس وبهذا الاجراء تكون استطاعت ان تمسك بجميع الخيوط والبرئ سوف ينجو والمجرم سوف يقع. نسأل الله السلامة

        الرد
      10. 10

        كان من اجمل الاشياء في هذا السودان الثقه بين اهله وان كان غريبا لا تعرفه , لا يطعنك سوداني من الخلف ولا يخذيك ان كان هنالك موقف يستدعي المروءة ..آما الآن فاشياء كثيره بدآءت تنخر في نفائس وصفات جميله كانت حكر علي السودانيين من بين جميع آهل الدنيا .
        فآولا..1)
        قد ضاع الفضل بين الناس.
        …..
        …..
        …..

        الرد
      11. 11

        يا جماعة اعذروني اذا كررت نفسي اكثر من اللازم، لانو مسألة الامن دي عاملة لي هاجس في الغربة والمفروض تكون هاجس لك واحد مغترب يريد ان يستر نفسه، مش قبيل الكابل قال (… والغربة سترة حال)، لذلك اذا فقدت لوحة سيارة ارجو ان تبلغ عنها فوراً وتأخذ صورة من البلاغ ، لانو يمكن ناس الارهاب يضعوهافي سيارة أخرى للتمويه وتقع انت في المشكلة، واذا ضاعت اقامتك بلغ عنها واحتفظ بما يثبت انك بلغت، واذا شاهدت جريمة فلا تبلغ براك لازم تحضر معاك شهود لتبلغوا كمجموعة ، واذا غاب صديقك وقلقت عليه وحضرت ووجدت شقته مقفولة وظننت انه ميت، لا تفتحها بنفسك بل استدعي السلطات واشرح لهم الموقف، ولا تتدخل فيما لا يعنيك وسيب كثرة الفضول والتطفل والزم دارك واهلك واترك كثرة الاختلاط والكلام ليكم يا ناس الاستراحات والبهجة، وربنا يعيدنا الى ديارنا سالمين غانمين ويغطي على الوليدات في كل مكان

        الرد
      12. 12

        انتو ناس السعودية ديل اية اجنبى عمل حاجة طوالى يقصوا رقبتوا من غير ما يتحروا عن القضية ولا اذا كان برىء ولا عاملين فى مقلب والله حرام عليهم من ما انا قريت عن السودانى المسكين العمل حجاب لى واحد سعودى وبى سببوا قطعوا ليهو رقبتوا وكمان منزليين المقطع فى الانترنت وكاتبين اعدام ساحر سودانى وهو المسكين عمل ليهو حجاب صغير جاب ليهو قطع الرقبة والله حرام عليهم الله بيسألهم اولاد عبد العزيز ديل

        الرد
      13. 13

        [B]والله كنت متشوق شديد لمتابعة هذه القضية منذ أن قرأتها في هذا الموقع قبل أربعة أشهر أو اكثر ، والحمدلله أن دعوات الكثيرين لهؤلاء الأبرياء لم تضيع سدى وربنا يتم جميله ويفرج عنهم
        وإن شاء الله تكون عظة وعبرة للباقين
        نحن للأسف الشديد شعب حسن النية لدرجة العباطة
        ما في حاجة مضيعانها غير حسن النية
        اذكر ان احد اعز اصدقائي كان قادما من الخرطوم للرياض عن طريق جدة وفي الشنطة التي كان يحملها كانت هناك مجموعة من الخطابات وضعها له احد جيرانه في الحي حتى يوصلها وللأسف لم ينتبه أن في أحد تلك الخطابات كان يوجد حجاب او عمل
        وكان حينها التفتيش يدوي فتم تحريز ذلك الظرف بعد ان شك في امره وعندفتحه وجد بداخله ورقة فيها كتابات غريبة فتم القبض على صديقي المسكين ومكث في السجن فترة حتى حضر احد السعوديين واقر بان الظرف يخصه وقد أرسله له شخص من السودان وفيه علاج من أمر يعانيه وتم الإفراج عن صديقي وطبعا السعودي كتب إقرار فقط بعدم العودة لهذا الأمر ولو كان صديقي ادين في هذا الأمر لكان اعدم بقطع رقبته بالسيف
        عشان كدا بنقول يا جماعة الخير بطلوا حسن النية [/B]

        الرد
      14. 14

        كلامك صحيح 100ال100 يا هاشم وكلام النصيح حديدو سواقه سودانيين في المجالس كان في السعوديه وبيدخل باي كلام يسوق بيهو الجماعه

        الرد
      15. 15

        ابقي هندي تاني لو شلت حاجة لي زول في مطار :lool:

        المروءة انتهت يا حليلها …

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *

    This site uses Akismet to reduce spam. Learn how your comment data is processed.