كوش نيوز .. أخبار السودان بين يديك

( بائعة شاي ) ترشد الشرطة على عصابة لتزييف العملات


شارك الموضوع :
[JUSTIFY]ارشدت بائعة شاي اجنبية على عصابة تعمل في تزوير العملات ، ذلك بعد ان تناول افرادها سته اكواب شاي منها مقابل مبالغ مزورة . وحسب الاتهام المقدم لمحكمة جنايات الخرطوم وسط فإن المتهمين الثلاثة حضروا الى مكان البائعة وطلبوا منها اعداد الشاي لهم ، وبعد تناولهم دفعوا لها مبلغ 50 جنيه مزورة ، وطلبوا منها باقي المبلغ واخبرتهم بأنها ليس لديها (فكة) للمبلغ وعند عرضها المبلغ لصاحب بقالة لفكه ، وجدها مزورة فأبلغ رجال الشرطة الذين طلبوا منها ارشادهم لصاحب المبلغ ، ووصلت الشرطة للمتهمين وتم اقتيادهم الى قسم الشرطة ودون في مواجهتهم بلاغ تحت طائلة المادة 117 من القانون الجنائي ، واستجوبت المحكمة المتهمين الذين إعترفوا بأنهم أخذوها من المتهم الثالث الذي قال للمحكمة بأنه وجدها ملقية بالشارع العام عليه حددت المحكمة جلسة لمواصلة اجراءات محاكمة المتهمين .[/JUSTIFY]

الأهرام اليوم

شارك الموضوع :

4 التعليقات

إنتقل إلى نموذج التعليقات

      1. 1

        [B][SIZE=5][FONT=Arial Black]خلاص صدقناك
        أي لقيتها في الشارع العام
        إنت قايل في راسنا في قمبور
        يا خ إنت من زمن بيلقوا قروش في الواطة في السودان
        وكمان خمسين جنيه
        وبعدين دي قروش مزورة يستحيل العصابة التي زورتها ترميها كدا في الواطة ح تستفيد هي شنو
        قلتوا ما في طريقة نوزعها إلى عند ست الشاي الما بتعرف حاجة
        لكن ربك رب الخير المسكينة ست الشاي ما كان عندها فكة كانت الخمسين بقت حقتها وعلى ما بال ما تكتشف تزويرها يكون أولاد الحرام إختفوا من السودان وتقع المسكينة فيها وما في واحد ح يصدقها[/FONT][/SIZE][/B]

        الرد
      2. 2

        ههههههه (الحكومة دقست) خبر زي ده المفروض ما كان يطلع نهاااااائي وده مؤشر يا ناس انو ستات الشاي ديل (مخبرات) تبع الحكومة — والمؤتمر الوطني بسيوها والله — اعملوا حسابكم

        الرد
      3. 3

        بكره ح يكسروا ليها الكفتيريا بتاعة الشاي في راس هل يقدر جهاز الامن او غيره يوفر لها الحماية او يدفع لها تعويض ؟

        وإذا انتقمت العصابة بتفجير انبوبة الغاز في راس المسكينة بتاعة الشاي هل للامن المقدرة على مساعدتها ؟؟؟؟؟

        الرد
      4. 4

        انتو البلد دي اهلها مشو وين؟؟ كل اجنبي واجنبية اجنبي واجنبية يا ساتر الخاذوق نرجع نلاقي بيوتنا اتملكوها الاجانب

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *

    This site uses Akismet to reduce spam. Learn how your comment data is processed.