كوش نيوز .. أخبار السودان بين يديك

مقترح لجعل طريق الخرطوم مدني إتجاه واحد


شارك الموضوع :

[JUSTIFY]كشفت الإدارة العامة للمرور عن إتجاهها لتخصيص طريق الخرطوم مدني كإتجاه واحد ذهاباً على ان يكون الطريق الشرقي مخصصاً لعودة المركبات السفرية ، وذلك بالتنسيق التام مع إتحاد غرف النقل والجهات المختصة .
وقال اللواء ” عبد الرحمن حسن عبد الرحمن ” مدير عام المرور أن الإدارة عقدت إجتماعاً امس ضم المرور السريع وشرطة مرور ولاية الخروطوم وغرف النقل بشأن مناقشة مقترح إستخدام طريق الخرطوم مدني كإتجاه واحد للذهاب والطريق الشرقي للعودة ، مؤكداً انه تم التأمين على المقترح المشار إليه الذي سيتم تنفيذه عقب توصيات اللجنة التي يتم تشكيلها بهذا الشأن .


المجهر السياسي
[/JUSTIFY]

شارك الموضوع :

30 التعليقات

إنتقل إلى نموذج التعليقات

      1. 1

        مستحيل ، إلا بعمل كباري على النيل الأزرق قبالة كل قرية من القري الواقعة على الضفة الغربية لربطها بطريق الشرق ” الذي يمر بشرق النيل الأزرق ” لا يوجد أي حل آخر غير أن يصبح الطريق طريق مزدوج ” بإتجاهين ” والفلوس موجودة والسودان بلد واعد وخيره كثير ولكن الفلوس رايحة في أشياء فارغة ” يعنى تكلفة مؤتمر واحد ماليه أي لزوم كفيلة بتوفير المال اللازم لعمل مسار آخر على طريق مدني ويتم إنقاذ آلاف الأرواح التى تزهق كل عام من جراء الحوداث المرورية “

        الرد
      2. 2

        اها والناس الدايرين ينزلو في المدن والقرى في النص بين مدني مثلا والخرطوم يعملو شنو؟؟؟؟؟؟؟؟؟؟؟؟

        يتموها عوم يعني والا ايه

        غايتو قرارات وافكار جهنمية ما بتطلع الا في سودانا العجيب دا

        الرد
      3. 3

        صحي حكومه عساكر.والفهم قسم يالجنه …!!فرضنا قبلنا بهذا المقترح

        القري الفي الطريق يرحلوها برضو ؟ولا حيعملو جسر طااااير

        (انزلو في مدني واركبو الخرطوم ياناس الجزيرة)

        الرد
      4. 4

        طيب أفرض انا طلعت من الكاملين … اصل الحصاحيصا واطلع بالكبري حتي اجي الخرطوم ؟؟ وناس جياد ووبتري والمحلات القريبة دي كلها .. يعني من وين مثلا يكون انجاة واحد ؟؟

        الرد
      5. 5

        مشكلة الطرق مشكله سهله الحل ، أين مهندسو السودان الا يقل ان يكون لنا كفاءات تجوب العالم وغير قادرين على وضع آى خطط استراتيجية ، الحل في توسع الطريق وعمل طرق مزدوجة أى حلول اخري تبقي ضياع زمن ومال ومأكله للناس الماعندها ضمير و يأكلون مال البلد بسبب ومن غير سبب متناسين حساب الىخرة و نهارها

        الرد
      6. 6

        بسم الله الرحمن الرحيم

        ممتاز اتجاه واحد من الخرطوم الى السعودية راسا

        بدون خط راجع ..

        احسن كلهم يغتربوا فى السعودية ..

        وطنـــــــــــــــــــــى

        الرد
      7. 7

        سبحان الله ما هذه الفكرة السخيفة ولا يوجد طريق بديل يا كافي البلى للمدن والقرى على الضفة الغربية اذا ما شين الخرطوم؟لابد من مسار تاني لهذا الطريق وتوسعة حرم الطريق القومي وازالة اي اعتداء عليها التي تمت قبل سنوات كان هدفها مسار تاني من الخرطوم لمدني وكانت الامكانيات موجودة والجنوب لسع ما انفصل ترى ما السبب الذي عطل التوسعة؟لو لم يكن الفساد ليخبرني احدكم عن السبب؟اخيرا ارجو ان يكمون هذا المقترح السخيف اذا تم ان يكون سببا كافيا في ازالة هذه الحكومة الكارثة على مواطنيها وحسبنا الله نعم الوكيل….الصابر ابو ايوب….

        الرد
      8. 8

        انا اقترح ان يكون اتجاةواحد فى الصباح من مدنى وفى المساء من الخرطوم

        الرد
      9. 9

        [SIZE=3][B]يا سعادة اللوا
        نهارك سعيد
        اجتمعت مع ادارتكم وغرف النقل ونسيتو المواطن هل ستنقلون بهائهم.
        هل يعقل اذا كنت انا اسكن جياد مثلاً ومسافر للخرطوم انتقل اولاً الى الحصاحيصا لكى اعبر كبرى رفاعة لكى اصل الخرطوم…من سيدفع تكلفت سفرى لانها ستتضاعف بدل ان اسافر للخرطوم مثلاً بجنهين سادفع ما يفوق اضعاف ذلك وهذا بالاضافة لضياع الزمن
        اننى ارى ان هذا الاقتراح لا يصلح وستواجه بالمواطنيين الذين لم تشركهم او تشرك ممثليهم فى هذا الاجتماع…وبنفس طريقة تفكيركم هذه نترك الطريق اتجاه واحد الى بورتسودان ماراً من مدنى بالقضارف وكسلا وطريق التحدى يكون للاياب…اتقوا الله فى حق المواطنيين واحفتفظو بافكاركم الجهنمية دى لنفسكم وكفانا تنظير… اتمنى ان تخطط ادراتكم للطرق الداخلية للخرطوم وذلك لفك زحمة المواطنيين ونحن فى الولايات لم نشتكى من زحمة الطرق القومية[/B][/SIZE]

        الرد
      10. 10

        ادارة المرور لا علاقة لها بالمرور ما دامت بتفكر في مثل هذا المنهج الساذج…ألا يوجد مهندسين عقلاء يردوهم الى صوابهم….البلد خربت والتفكير خرب معاها…اعملوا طريق موازي(اتجاهين) او اطلعوا منها يا ناس المرور…وخلوا الناس تمشي بالطرق البرية وتهلك العربات وترهق خزينة الدولة المنهكةالمنهوبة…اتقوا الله فينا يا ناس

        الرد
      11. 11

        وانا بقول البلد دي المشاكل الفيها سببها شنو

        الرد
      12. 12

        أعتقد ان هذه الفكرة الالمعية تتم وفقا للخطة “الاصطراطيجية” القومية ربع القرنية الشاملة للحكومة الالكترونية لجمهورية الانقاذ الثانية .. انها ذات العقلية التي جاءتنا بلجنة الماعز في بواكير الانقاذ “غنماية لكل موظف” ونظرية البكور والغاء الجنية واعتماد الدينار الاسلامي اللى طلع اغريقي والاستعاضة عن الدولار لتركيع امريكا والتوالي السياسي اللي انتهى بنهاية شخص الترابي واليوم كل ده في الزباله .. نعم في الزباله، على الرغم مما انفق على تلك السياسات الفطيرة والفاشلة من ميزانيات مهولة ومخصصات بل ان هنالك من نال من ورائها الحوافز التي ابتنى بها شواهق العمارات. اسرائيل تضرب يمين وشمال ووزير دفاعنا الباسم (اللنبي) لا يرى طائراتهم حتى وهي عائدة بعد ان تضربه في نص راسه ولا زالت الميزانيات السرية تعتمد لوزارته ليبني بها عمارات الخمسة نجوم. أجزم بان ميزانيات عمارات الجيش العاطلة في قلب الخرطوم لكفيلة بتوفير اضعاف المطلوب لانشاء مزدوج طريق الخرطوم – مدني وانقاذ الالاف الارواح سنويا. أما سعادة اللواء بتاع المرور فعليه الاعتذار للشعب السوداني عن اهدار امواله في هكذا اجتماعات لمناقشة الافكار الفكاهية .. بالله كم كانت حوافز هذا الاجتماع البوليسي؟

        الرد
      13. 13

        الاختراحات كتيرة ..
        بس نحنا دايرين تنفيذ كفاية وعود وضياع نفوس ونظريات من الولاء والمحافظين
        ارجوا التنفيذ ثم التنفيذ
        ولكم جزيل الشكر

        الرد
      14. 14

        خليكم زي بقية دول العالم ووسعوا الطريق واعملوه يتحمل اكثر من 4 سيارات / سيارتين في كل اتجاه ودا مش كثيير على السودانيين والحفاظ على ارواحهم التي تزهق كل يوم بمختلف انواع الحوادث

        لو حسبتوها صاح وبنظرة وطنية ح تلقوا التكلفة بتاعة توسعة الطريق افضل من البتشنة والجهجة وصرف بترول اكثر عشان ناس الجزيرة يقطعوا بالشرق والخرطوم منهم مرمى حجر

        الرد
      15. 15

        احسن حاجة رحلوا مدنى جنب الخرطوم وطبقوا الشارع دة واحتفظوا بيهو يمكن تحتاجوه فى مكان تانى ما معروف !!

        الرد
      16. 16

        بطلوا التأويل يا ناس قريعتى راحت انتو بلدكم ما عارفنها الطريق الشرقى وهو الطريق القديم الحالى اما الغربى هو الآن تخطى سوبا ودالبر بقليل وموازي للسكه حديد فهمتم ها ها ها قريعتى راحت طوالى فكرتوا فى العوم اها بتعرفوه

        الرد
      17. 17

        ياخي دي اغبى وابلد فكرة اسمع بيها في السنوات الاخيرة وزير المواصلات الايام دي منو؟ حمارويه
        قروش تذاكر وفنادق تركيا والنثريات والاموال السيادية والمجنبة دي اصلا مفروض يوسعوا بيها الشوارع بدل الافكار الحمارية دي دايرين تعملوا لينا شوارع تجري من بينها الانهار
        على الاقل تدخلوا موسوعة جنيس ولو في الغباء بعد ان دخلتموها اول مرة بالفشل
        حكم اخر زمن

        الرد
      18. 18

        الحل كالآتي :
        كل حافلة تحمل ركاب أربعة أو خمسة قرى بالكتير … مثلاً ركاب التكينة والبشاقرة وفضل والتكلتين يركبوا في حافلة واحدة من الخرطوم تقطع البحر ببنطون ( أو كبري ) ود راوة لتتجه الحافلة في إتجاه الخرطوم وتنزل الركاب بدءً من التكلة وهكذا … شعارنا أن تصل متأخراً خير من أن لا تصل … والشرطة في خدمة الشعب

        الرد
      19. 19

        دة اقتراح جنونى من ناس المرور عايزين يلهفوا من الطالع والنازل

        الرد
      20. 20

        تانى البكيات والفواتح موبايلات بس – الواحدة تمسك الموبايل وهاك يا كر على وووب على- اما الرجال الواحد يفتح الاسبيكر ويرفع يديهو يقول الفاتحة الفاتحة.
        والله ريحوكم من تلتلة الفواتح الكتيرة دى زاتها.

        الرد
      21. 21

        دي في الدنيا ما شفنا طريق مقسوم لاتجاهين المسافة بين الرايح واللجاي بحر وفي لعض المناطق تصل الي اربعين كيلو متر,,,,,,,, دي مهزلة وضرب من ضروب تخطيط البصيرة ام حمد ,,,,,,,, ثم انها مضحكة علي شعب الجزيرة الغلبان والمسكين الذي لا بواكي له ,,,, لماذا لا تتم توسعت الطريق الذي تم ازالة المباني وتكسرت المنازل منذ العام 2000م وتم تحويل الميزانية لطرق في الشمالية وتوسعة طريق عطبرة ,,,,,, هبوا ياشعب الجزيرة واصحي من النوم العميق دا ,,,

        الرد
      22. 22

        تكون اللجنة دي متمثلة في الكمساري والسواق والكبسنجي عشان كدا يا أخوانا ما تزعلوا نفسكم …. مع إنه لو فعلا هي تكونت من المذكورين أعلاه بالتأكيد سيكون عندهم رأي صائب غير ما ذكر ..

        الرد
      23. 23

        سعادة اللواء ” عبد الرحمن حسن عبد الرحمن ” مدير عام المرور :لك التحية ألا توافقني بأن 60٪من الحوادث المتسبب فيها المقطورات المزدوجة الطولها أكثر من 100م وعشان تجاوز وتتخطاها تحتاج أقل شئ 3دقائق هذا لو كان السائق حريف وذوخبرة والمصيبة لوكانت ترلتين في نفس المسار . وأنظر للصورة الصاحبة للمقال لتعرف صدق كلامي .ثم هذه التريلات ماموجودة في اي بلد بهذا الشكل وحتي إن وجدت تكون في الطرق الدوليه الهاي وي الطرق السريعة منفصلة المسارين .
        اعانكم الله وحفظ الله الجميع بعينه التي لاتنام ،،،، 

        الرد
      24. 24

        ودي فكرتوا فيها كيف يا إدارة المرور ؟تعيش كتير تشوف كتير علي العموم الكلام ساهل منتظرين التنفيذ .

        الرد
      25. 25

        [SIZE=3][B][SIZE=2]السلام عليكم ورحمة الله وبركاته=/ الامر سهل ولايحتاج لكل هذا العناء اعملو طريق اخر موازى للقديم بالغرب / حتقلو من وين التمويل ,اقول لكم من رسوم عبور السيارات والشاحنات طيلة ال23سنه الماضيه شوفوها وين ياناس الشرطه وخلو المهندسين يشوفو شغلهم وتتفوغ الشرطه لمهامها بدل الحلول الا بتقدم ولا بتحل لمعضله عمرها اكثر من 30 سنه وكفاية معناه لهذا الشعب المغلوب على امره وجزاكم الله خير[/SIZE][/B][/SIZE]

        الرد
      26. 26

        المبالغ المحصلة من هذا الطريق منذ عهد النميري تعمل 4 مسارات رايح جاي في هذا الطريق الذي لا يتعدى طوله 200 كم// من أكل هذه المبالغ ياكل سم هاري

        الرد
      27. 27

        المصيبة هي اننا مختلفين في كل شيء عن خلق الله.. كيف طريق بالشرق واخر بالغرب يرتبطان في التشغيل .. والكل يعرف حال التواصل بين القرى والمدن التي على الشاطيء فمن كان في في الوسط هل تمت دراسة وضعه وكيف يتم تامين وصوله الى مبتغاه .. ان شرقا او غربا للنيل وبما ان ناس الشرق مافي كباري غير واحد او اتنين لابد ان ياتو الخرطوم وهذا يزيد من كمية العربات في مداخل او اطراف الخرطوم او كبري المنشيةاو اي كبري يكون وسيلة للعبور للجهة الغربية
        و حتى يصل اهل الشرق الى مدني او الحصاحيصا ..فهل يعقل لكل المناطق التي تقع شمال رفاعةان يمشواعشرات الكيلومترات عشان يجو الحصاحيصا ..
        دائما نتخبط ولا يترك اي مساحة للاستشاريين بس يجي واحد يقول كلام وقبل التروي يقدم كمقترح ويامن عليه .ز
        والسؤال الاهم اسالكم بالله في اي دولة ان كانت في افريقيا او الخليج او اوربا رايتم شاحنة تقطر مقطورتين بطول اكثر من خمسة وعشرين متر من الذي وافق على هذا الغباء وهذا الخطأ الذي كان سببا في موت العشرات .. اذا كان هناك شح او ان ذلك يساهم في عملية النقل لم يجلب مستثمرين لديهم المقدرة في تشغيل اساطيل وبترلة واحدة و بسرعة وجودة اكثر ..
        كثيرة هي الامور العشوائية او الغير مسئولة والتي اقترحها او بدأ مسؤول ورحل وظلت تبعاتها تضر الناس الى اليوم

        الرد
      28. 28

        ياخي ناس الحكومة ديل عندهم افكار عجيبة يعني ما تصعب عليهم أي مشكلة ففعلا حل جميل و يا ليت لو خلو الطريق لغاية بورتسودان اتجاه واحد عشان البطلع من الخرطوم ما يرجع نهائي و مافي داعي لطريق آخر للعودة
        كفاااااااااااااااااية مهازل يا وطني !!!!!!!!!!!!!!!!!!!!!!!!!!!!!!!!!!!

        الرد
      29. 29

        اذا كان الطريق اتجاه واحد هل هذا يعني ان موطني الكاملين عليهم عبور كوبري رفاعة والالتفاف حتى الوصول الى الخرطوم(والسؤال نفسه لمن هم اقرب الى الخرطوم من سكان المناطق قبل الكاملين)؟؟؟

        الرد
      30. 30

        [COLOR=#FF004D][SIZE=7]فقعتو مرارتناالله يفقع عيونكم، يا عالم اختشو وبلاش فضائح. بتاع المرور دا ما شغلو. اذا ما عارف شغلو نوريهو ليهو وهو تحديد السرعة بالتنسيق مع وزارة الطرق – مراقبة الحركة في الطريق وتنظيمها بما لايخل بانسيابها. تدوين المخالفات. ووووو…… لكن كون الطريق طريق هاي وي يقوم يخليهو اتجاه واحد!!؟ أكيد زولنا دا داير يكشفو عليهو هل كان شارب حاجة لما صرح بالتصريح دا والله لا؟ ما كفاية المآسي التي سببتها خططكم الاستراتيجية العجيبة وأذكر منها مواقف الكودة وترحيل الاكشاك قبل كدة في ولاية الجزيرة وبلاوي كثيرة كل يوم يجينا كوز بي نظرية”خطة قرنية، خطة قزحية، خطط ماأنزل الله بها من سلطان والظاهر نحنا مبشرين بخطة كوزية اخوانية قريبا انشاء الله. الله يكون في عون السودان من هؤلاء.[/SIZE][/COLOR]

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *

    This site uses Akismet to reduce spam. Learn how your comment data is processed.