الدخول | النسخة الكاملة
الرئيسيةالأخبارالمقالاتالفيديوزواجوظائفالطب البديلالعقاراتالمنتديات إتصل بنا


منوعات

بسبب الرقيص : عريس يرمي يمين الطلاق علي عروسته في ليلة الزفاف



almodeer


شارك الموضوع :

في حادثة غريبة شهدتها احدي الولايات السودانية رمي عريس يمين الطلاق علي عروسته في يوم الزفاف .. وتعود التفاصيل الي انه وبعد إنتهاء مراسم العرس وفي يوم الصبحية أرادت العروس ان ترقص ولكن العريس كان رافضاً وقامت بعض النسوة باداء دور الأجاويد لجعل العروس ترقص ووافق العريس وما اعتلت العروس المنصة الا واعتلت الهاتافات والصفافير فالعروس كانت ترتدي ملابس شبه عارية وعندها غضب العريس وأمر العروس بالنزول ولكن والدتها رفضت إلا بعد إنتهاء الرقيص ،وبحسب صحيفة الدار حدث شد وجذب بين العريس وام العروس وبعدها رمي العريس يمين الطلاق علي زوجته وبعد تدخل الأجاويد قام بإرجاعها بشرط أن لا تتدخل والدتها في حياتهما ابداً.

شارك الموضوع :

تعليقات الفيسبوك

تعليقات


  0 |

كتابة تعليق

ناصح | تم إضافته في ديسمبر 29th, 2008

الاخت صاحبت التعليق (مي) كل عام وانتي والجميع بخير بمناسبة العام الهجري الجديد
الفرحة مطلوبة في يوم الزواج ولاكن بصورة اكثر تعقل فلا يمكن ان تظهر العروس جسدها حتى ولو لا يوجد رجل واحد وذلك لعدة اسباب اهمها الحسد وثانيها التصوير بالجوال او اي شي لا يمكن رويته في هذه الايام ادعو لكي ولكل بنات بلدنا بالستر وربنا يكملهم كلهم بعقلهم

ابو محمد | تم إضافته في ديسمبر 29th, 2008

الناس فى شنو والحسانية فى شنو ، خلونا نخلص من رقصة اوكامبو ،بعدين شوفو المواضيع دى —

مي | تم إضافته في ديسمبر 29th, 2008

لي يعني بعمل العريس كدا ماالعرس مرة واحده في الحياة خلي العروس تفرح بي ليلتها بعدين هي بترقص قدام الرجل ماكلهم حريم ونسوان وبنات والعروس تعبت في تعليم الرقيص ودفع مال كتير عشان تتعلم يجي يقول ليها ما ترقصي والله زول معقد بعدين من اولها مشاكل مع النسية كدا الحياة حتكون كلها مشاكل ودي بتها برضو من اولها ماداير النسيبه تتدخل في حيتها اها لو حصلت مشكلة حتمشي وين ما حتمشي لي لي بيت ابوها وامها بعدين دا كوم ود كوم تاني هي العروس اكيد حتكون اتقفت مع العريس قي قصة الرقيص تاني يقول مارترقص 😡
بعدين احلا شئ في العرس ياهو رقيص العروس دا
😉

wwww | تم إضافته في ديسمبر 29th, 2008

مبرووووووووووووووووك شغلو نضيف بلا عرس بلا كلام فاضي … وماتقولي لي ماكلهم بنات البنات ديل ماعندهم موبايلات بتصور اشان بكره القي صور مرتو في النت والموبايلات …

دا كلااااااااااااااااام صح
:lool: 😉 :lool:

أسامة ساتي | تم إضافته في ديسمبر 29th, 2008

يا مي بقول ليك لابسة ملابس شبه عارية فيما علا صفير الحضور يعني الدعوى كانت مفتوحة للرجال !!!! وبعدين أنصحك (بعدما تلقي ليك راجل) ما تعملي كذا لأنه عيب 😡

عازف الرومانسية | تم إضافته في ديسمبر 29th, 2008

السلام عليكم – انا برد على تعليق مي عايز اسئلك سؤال يا مي انتي بترضي في عرسك او عرس بنتك عندما تقومين بعرض رقيصك وفي ملابس شبه عارية امام كاميرات الجوالات المخبأ عند البنات والنساء المعزومات في المناسبة – وتنتشر في الجوالات وعالم النت هل ترضي بذالك ؟؟؟؟؟؟؟؟؟؟ يامي الزمن اتغير خالص زمان وقبل هذه الامكانيات الحديثة مافي جوالات وكاميرات تصور دون ان يعرف احد ورقيص العروس داخل البيت وفي وسط النساء وعريسها فقط دون توصيل هذا المشهد خارج البيت عادي مافيها حاجه – بس تعالي شوفي حسي ايه الحاصل والعريس ليه حق يغضب ويرفض وهو غير معقد زي ما قلتي انتي حسب فهمك الحكاية حفظ وستر الحال وماتنسي نحن سودانيين مش خواجات —– حسبيها بالعقل وليس بالمظاهر – الله يهديكم يا بنات الزمن ديل 😮

bassem | تم إضافته في ديسمبر 29th, 2008

الدين بقى عندك عقد يا صاحبة التعليق الاول؟ اصلا شئ جايبنا ورا غير كلام الحريم البلا طعم ده ما فى 😡 😡

ابو محمد | تم إضافته في ديسمبر 29th, 2008

عافي منك والله

وانت يامي تفرح علي حساب كشف جسدها؟؟؟

دي الفلهمة بتاعتكم

الله يهديك

الجاغريو | تم إضافته في ديسمبر 29th, 2008

الله اعلم يا اخ ساتي تلقا ليها عريس بي حالتا دي..
الناس بتتكلم في الستره ..
الله المستعان..:mad:

ياسر سعد | تم إضافته في ديسمبر 29th, 2008

الله يكملك بي عقلك أختي مي

نسأل الله لك الهداية

mohamed nour | تم إضافته في ديسمبر 29th, 2008

this is good decision:lool: :lool: :lool: :rolleyes: :rolleyes: :rolleyes:

مهيد | تم إضافته في ديسمبر 29th, 2008

بالغتي يا ميو
حسي البيعرسك منو بطريقتك دي:cool: يا ميو

خالد | تم إضافته في ديسمبر 29th, 2008

يا ناس صحيفة حكايات

حكاية رمى يمين الطلاق دي شنو؟؟؟
تعبير غريب المفروض يكون معناه “حلف طلاق”
ولا رايكم شنو؟:eek:

mohmed ahmed abushama | تم إضافته في ديسمبر 29th, 2008

ليه مليون حق عريس الهنا دة هو من اصلوا وافق على الرقص ليه قيلها حا ترقص ليه لوحده ولا فاكرها حا ترقص بى عباية قبل كدة ما شاف ولا سمع كل الحكاية ما نظموها وخلوها ترقص امام الملأ (؟) :crazy: (؟) :crazy:

ابو وائل | تم إضافته في ديسمبر 29th, 2008

يا أهلنا ويا أخواننا ما تخافوا الله ده شنو البتسو فيهو ده ، انتو بتخافوا من كاميرات الموبايلات والفضيحة وما بتخافوا من الله العالم بكل شي .
رقيص العروس هذا تقليد قديم بعيد عن الاخلاق السودانية الاصيلة والدين ، غايتو نحن في اهلنا ما عندنا مثل هذه الترهات والعادات السيئة ، وحتى انا لما اتزوجت لم اقم بهذه الطقوس جميعها لاننا نبغي بالزواج التقرب لله بالعفة وتكوين الاسرة ، لا نبغي الفساد والافساد وفعل المنكرات .
على الجميع العمل حسب ما تملية نخوتنا ورجولنتا وسودانيتا واخلاقنا السمحة المستمدة من ديننا الحنيف .

عمر بن الخطاب | تم إضافته في ديسمبر 29th, 2008

يا اخوانا لو واحد صور العروس بكاميرة جوال(صور مكان التعري) ممكن تكون فضيحة ولو بعد 20 عاماً
إِنَّ الَّذِينَ يُحِبُّونَ أَنْ تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالْآخِرَةِ

mukh mafi | تم إضافته في ديسمبر 30th, 2008

والله البنات والشباب او الرجال الذين يؤيدون هذن العادة اقول عليهم متخلفين ومتخلفين بشهادة ايه يعني رقيص عروس وليه العروس ترقص للناس هو اتزوجها لتفسه ولا للناس ؟ بعدين انتوا الدين وين وديتوه خلاص نسيتوا الحلال والحرام . اذا واحدة رقصت بملابس تكاد ترى ملابسها الداخلية امام جمع من البنات واصحاب العريس ايه المانع بعدين تكون ماشة في البيت امام الجميع بقميص النوم الشفاف الذي يرى ما تحته .
وهل تصدقون اني تزوجت ولم اقوم حتى بوضع الحناء ولم يسمع صوت زغاريد او غناء كما اني لم اعمل صبحية ولن يدخل الى مكان النساء غير ناس البيت والاقارب من العائلة ؟ فماذا نقصني .. لا شيء بل كنت احترم اشد الاحترام من النساء والرجال وكانت النساء يتعجبن من شخص فرض رغبته على الجميع واثبت قوة الشخصية للجميع .
ومع هذا وذاك لم تتضايق زوجتي بل جاء ذلك وفق رغبتها وعدم تكشفها اما حتى النساء .
يقولون ان هناك صحوة دينية طيب ماذا يعني هذا الذي تفعلونه يا اهل السودان
اتقوا الله في محارمكم .. والله الراجل بفعلته دي اكتسب حاجات كثيرة منها عدم ترك اي فرصة للام تتدخل في حياتهم تخيلوا لو انها نجحت في في فرض رأيها وسطوتها هل ستترك هذا التصرف كلا فانها سوف تفعلها في كل الحالات الاخرى وتخرب بيتهم ..
ثانيا والاهم عرفت الزوجة مدى غيرة زوجها عليها وعدم رغبته ان يرى منها ماهو محرم للغير ..
لاكنه اخطأ في ان يضع الام والعروس بين خيارين قبل ان يرمي يمين طلاقه هذه ، اما الرقص او الفراق .. وهنا اقول للاخ الذي يتساءل عن رمي اليمين اقول هذا التعبير لا غبار عليه فحتى العلماء يقولون وقع الطلاق ورمى برأيه ورمى هنا معناها اظهرها وهي ليست بيمين لان اليمين هي اللف بالله فقط .

تحاميد | تم إضافته في ديسمبر 29th, 2008

عادة الرقيص هذه من العادات الضاره والهدامه التى يجب محاربتها ومحاصرتها إجتماعياً وسلوكياً وحتى قانونياً لأنها لا تتماشى مع المعتقد ولاتشبه مجتمعنا المحافظ الذى ينظر للمراءة كدرة رقيقة لا سلعة تجارية سهلة التداول ، وهذه العادة من الظواهر الهدامة التى تندرج فى إطار عادات أفراح الزواج وإن كانت لا تغطى كل أرجاء المجتمع السودانى العريض فرغم محدوديتها إلا أنها خطرة ربما مستقبلاً ستساهم فى خراب الكثير من البيوت الجديدة خاصة والأن هنالك تكنلوجيا رقمية متوفره لدى العامة ممثله فى الهواتف الرقمية الحديثة وكمرات الفيديو التى تحمل فى الجيب كالهواتف المحمولة والتى يمكنها التصوير وبدقة وحتى الدبلجة الفورية للجسم الملتقط وكل ذلك دون أن يعلمه سوى حاملها ، هذا الشاب الذى نبارك له من القلب زواجه الميمون إنه شاب مدرك تماماً لروح العصر وربما أيضاً ذو إلتزام دينى وأخلاقى لذلك قدم مبادئه على مجاملة النسيبة الجاهله فله منا الإحترام والمباركه ونتمنى له حياة سعيدة فى مشواره الجديد ونسأل الله أن يهدى عروسه ويجعلها من الثابتات 0

nabeel | تم إضافته في ديسمبر 29th, 2008

والله يا اخوان موضوع رقيص العروس من العادات المتخلفه هل سمعتم انو الصحابيات كانو برقصو في عرسم دي الواحده ما كانت بتقدر ترفع عينا في عين راجلا من شدة الحياء …. لكن الزمن دا البت ما عندها اي حياء وبترد وبتناقش راجلا كمان (نسوان الزمن العجيب) وانتي يا اخت مي انا بس بدعو انو ربنا ينور بصيرتك عشان الجهل دا مصيبه والله

جولى | تم إضافته في ديسمبر 29th, 2008

بنات ما فاهمات خالص بس نفسى اعرف البنت بتستفيد شنو وهى بترقص

ودالشايقي | تم إضافته في ديسمبر 30th, 2008

ياخوانا انا مستغرب في الحاصل ده …بس حلاص بقت علي رقيص العروس يعني متشوفو البنات المطلوقات في شوارع الحرطوم يجن جاريات باشارة واحدة …شوفو المحدرات البقت في كل شارع شوفو البنات وشراب الشيشة بشراهة ..امشو مصر وماليزيا وشوفو فلل وعمارات اععضاء حكومتكم…تجي تقولي رقيص عروس

ابو منذر | تم إضافته في ديسمبر 30th, 2008

ياسر سعد الجعلى ولا اسم على اسم وبعدين العريس كان يرجع بعد يومين تلاته

ريما | تم إضافته في ديسمبر 30th, 2008

كل زول حر في تصرفاتو …. والله يهدي الجميع

أسامة ساتي | تم إضافته في ديسمبر 31st, 2008

لأ يا أخت ريما للحرية حدود :confused:
في حكاية أردت أن أشارك فيها الأخوان وآمل أن لا يكون فيها ما يخدش الحياء … كان في عرس في حلتنا وطبعاً العروس رقصت وفنجطت وبعدين وقعت (يعني جابت قون) ولكن للأسف في وقعتها بانت ملابسها الداخلية واضحة وعرف جميع الحاضرون لونها وبعد الزواج بفترة طويلة كلما مرت العروس في الشاريع ترى الغمزات والهمزات واللمزات والضحكات بل وأحياناً العبارات من بتاعين الشمار وساكنو أركان الشوارع تطارد هذه البنت حتى زوجها لم يسلم مما سبب لهم تعب وقلق شديد حتى اختفوا من الحارة وما عادوا يحضرون إلا متخفين …
شفتي يا أخت ريما وأخت مي ليه السترة زينة !!!!!
وسامحوني ولكم وافر الود والتحية :lool: :lool: :lool:

land | تم إضافته في يناير 10th, 2009

رقيص عروس طبعا عادة سودانية و ليست دنيية
طيب لماذا وافق العريس في الاول مروض يستحمل نتيجة تصروفاته
و هو عارف الرقيص بكون كيف
طيب يا جماعة ما شوفت فستان الزفاف بكون كيف كلو عريان
العريس غلطان من اولها مشاكل يعني كل يوم حايكون في مشكلة و طبعا لا يمكن ان يمنع امها من الحضور الي بيت ابنتها
ياعريس الهنا ارجي الراجيك مع النسيبة:crazy:

حمدنا الله العبادى | تم إضافته في يناير 15th, 2009

يا اخوانا كدى اسمعوا منى التجربة الشخصية دى

حضرت عرس فى سنار وكان فيهو رقيص العروس وانا عمرى وقتها 17 سنة -مراهق-
خلصت الحفلة بى جاى والى اقرب عشش
طبعا تبت الى الله والحمد لله من يومها ماحضرت شئ زى كدى
والله لازم ناس النظام العام يمنعوها ولا رايكم شنو;(

رقصت شبه عاريه | تم إضافته في يناير 16th, 2009

دقس والله لانو امها حتتدخل كلو مره والاجاويد قاعدين

محمد علي عز الدين | تم إضافته في يناير 16th, 2009

و الله يا جماعة خلينا نكون واضحين مع بعض و ما في داعي نلف و ندور كتير اصلا البنت البتقبل تقلع هدوما قدام الرجال و تظهر فخديها و ملابسها الداخلية دي ما بتنفع زوجة لأنها عندها الكشيف عادي و ما شي غريب و الموضوع ما عنده اي علاقة بأنه العريس معقد لأنه كلمة معقد دي هي كلمة بيستغلوها النسوان لإيجاد طريقة لتحليل الحرام و القيام بما يريدون القيام به و الما عاجبو كلامي ده يقلع و يمشي عريان عشان الطبع بيغلب على التطبع

أبوخالد | تم إضافته في يناير 18th, 2009

الله يأذي الأجاويد الرجعوها

Dalya | تم إضافته في يناير 21st, 2009

بلا رقيص عروس بلا كلام فارغ.
عادات سودانية مافي ليها داعي تجيب الفقر و المصائب.
اهل العروس يصرفو ملايين الملايين في فساتين الرقيص و في قسمة
و النسوان قاعدات يتفرجو في جسم العروس و عريس الهنا واقف جمبها مبسوط.
ربنا حيسألكم من كل قرش صرفتوه في الفارغة.

علي الادهم | تم إضافته في يناير 22nd, 2009

العريس راجل وعند غيرة على عرضة.وكان من المفروض الا يتنازل اول مرة ويحلف قبل ماترقص.باخوانا رقيص العروس مسخرة وحرام أن ترقص أمام الرجال.أرجو ان نشهد نهاية لهذه العادة القبيحة والعريس الشايل القرمصيص خيخة

hassan | تم إضافته في يناير 23rd, 2009

لبت المطرطشه دي ماكان تصبر شوية لغاية مايمشوا اوضتهم ولافندقم وبعداك ترقص
بهدومها ولاعريانه وتقع وتقوم طول الليل مع راجلها حلالها – في مثل مصري شهير
بيقول اكفي القدره علي فمها تطلع البنت لأمها

حسن عبداللطيف محمود | تم إضافته في يناير 23rd, 2009

😡

هى عادة … ولكنها قبيحة جدا ومشينة …. وان كان لا بد منها فليكن الامر والحضور للنساء فقط ….

أنا سوداني أنا | تم إضافته في يناير 31st, 2009

قال الله تعالى;(( إِنَّ الَّذِينَ يُحِبُّونَ أَنْ تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالْآخِرَةِ )).. صدق الله العظيم .
اللهم حوالينا ولا علينا .

ايمان | تم إضافته في فبراير 21st, 2009

ربنا يهدي الجميع!!!:mad:

MOSAB EZALDEN ALKANZY | تم إضافته في فبراير 22nd, 2009

الله اكبر والله دا كلام صاح رقيص العروس دا تجلف اكثر من انو مظهر تحضر والله والله العيون والسحر بين كل زوجين كان نتاج للكلام المابرضي ربنا وكمان انا متاكد انو الشباب كامو متفقين علي اي حاجه لاكين الاهل مرات بكونو عوارض

ود الشمالية | تم إضافته في فبراير 24th, 2009

مالكم ومال الاخت مي
وبعدين تعالي هنا وقولي لي المدارس بتاعة تعليم الرقيص دي وين عشان نمشي نتعلم ومصاريفها كم وياتري بالتقسيط ولا خليها بالنية

توته | تم إضافته في مارس 18th, 2009

مش خلاها ترقص يبقي خلاص يتحمل نتائج الرقيص ده …مش يعمل بطل وحامي في نص الرقيص …………..
بعدين الواحد فيهم كانو شاف البت دي وعرف افكارها يوم العرس !!!! ما من زمان
افكار البنات دي عاجباهم مالهم فجاة الموضوع بيوجعهم:rolleyes: