كوش نيوز .. أخبار السودان بين يديك

بالصورة والقلم : هروب زوجة مع طفليها بأمدرمان



شارك الموضوع :

[JUSTIFY]اصدرت محكمة امدرمان شمال للاحوال الشخصية اعلانا بالنشر في مواجهة المذكورة منال عثمان مصطفي عثمان وذلك بعد اختفائها برفقة اطفالها حيث تم صدور امر قبض بحقها .

وتعود تفاصيل القضية الكاملة التي سردها عم الاطفال عند زيارته لمكاتب الدار والذي روي قصة زواج اخيه من فتاة مصرية تزوجها في القاهرة ورزق منها بطفلين هما انس ياسر وتبيان ياسر وبعد فترة من زواجهما قدمت الزوجة المصرية الي السودان بصحبة اطفالها واقامت مع اسرة زوجها بامدرمان وبعد حوالي خمسة عشر يوما ذهبت الي القاهرة لحضور زفاف اخيها وتركت ابناءها مع اهل زوجها وبعد عودتها الي السودان اصبحت تتردد علي زيارتهم من وقت لاخر وظل الطفلان تحت رعاية واهتمام اسرة والدهما. وبعدها تقدمت الزوجة المصرية برفع دعوي تطالب فيها بضم طفليها الي حضانتها وبالفعل اصدرت لها المحكمة حكما بذلك ولكن اسرة الطفلين استأنفت الحكم وبموجب هذا الاستئناف اصدرت المحكمة العليا قرارا قضي باسقاط حكم حضانة الام لاطفالها وجاء نص حكمها بان ام الطفلين ليس لديها الحق في التقاضي بالسودان وانها اجنبية وان الزواج لم يتم في السودان وبعدها تم تسليم الطفين الي اسرة والدهما وسمحت المحكمة للزوجة المصرية بزيارة اطفالها. ولكن الزوجة تمكنت من الهرب برفقة اطفالها وظلت مختفية قرابة العام.

ومن جانبها باشرت اسرة الطفلين بفتح بلاغ باختفاء الزوجة مع اطفالها حيث صدر في مواجهتها امر قبض صادر من النيابة الجنائية العامة كما اصدرت محكمة امدرمان شمال للاحوال الشخصية امرا اخر في حق المتهمة واصدرت المحكمة ايضا قرارا قضي بحظر المتهمة وطفليها من السفر الي خارج السودان وتعميم نشرة بصور الزوجة وطفليها الي جميع الموانئ برا وبحرا وجوا.

ومازالت اسرة انس وتبيان تواصل مسيرة بحثها الدؤوب لمعرفة مكان وجودهما. وذكر عم الطفلين انهم قلقون علي مصير ومستقبل ابنيهم وعبر عن مدي الحزن والالم الذي يعانيه والد الطفلين والاسرة بكاملها لغياب انس وتبيان .. ومن خلال (الدار) تناشد اسرة الطفلين مباحث ولاية الخرطوم بتكثيف جهودها في البحث عن الزوجة المختفية واطفالها كما ناشد عم الطفلين جميع افراد الشعب السوداني المساعدة في عملية البحث وعلي من يتعرف علي هذه الزوجة او راها في اي مكان الاسراع بتبليغ اقرب قسم شرطة او الاتصال علي هذه الارقام 0122220101 0912191267

صحيفة الدار
ميادة علي القراي
ع.ش[/JUSTIFY]

شارك الموضوع :

8 التعليقات

إنتقل إلى نموذج التعليقات

      1. 1

        [SIZE=4]كلام عجيب
        اول حاجه المره بتشهنا وما بتشبه المصريين
        تاني حاجه كيف هربت بالطفلين وهم كانو مع ابوهم
        تالت حاجه كيف يعني ما بحق ليها رفع دعوى عشان هي اجنبيه
        يعني الاجنبي ما عندو حق ينضرب بالجزمه ولاشنو!! [/SIZE]

        الرد
      2. 2

        [SIZE=4]هذا هو الذي قصدته من الزواج من غير جنسك
        بنحب ونتزوج من بلدنا مابرة البلد
        سودانية تهوى عاشق ود بلد
        **
        حدث قبل سنوات أن تقدم لأسرتنا رجل بوسني يطلب الزواج ….رفضنا في هدوء[/SIZE]

        الرد
      3. 3

        ايه الاخبار المبتورة دي؟؟؟؟وايه حاصل للاب الدلدول دا كنا فاكرين الاب ميت وكدا علي الطلاق لو شايف المسكينة دي قدامي اساعدا وما ادل على مكانا حرام عليكم ليه متفقين على كسرها كدا؟؟؟؟

        الرد
      4. 4

        اجنبيه ما مسموح ليها بالتقاضي ؟؟ ما تقاضي في السودان عشان العقد من بره؟؟؟؟؟
        ده شنو جادين ولا غلط في الكتابه ولا ناقلين من الدار

        الرد
      5. 5

        الان الاولاد عائشين في مصر طلعوا عن طريق مطار الخرطوم الدولي في بلد اقل ان يقال عنها زيطة وهيصة وشوية عساكر حايمة ادي أي واحد فيهم مليون جنية بالقديم اجيب ليك تاشيرة الخروج وانتة بتشرب الشاي وامشي معاك الى باب الطايرة واقوليك سلمي على الي بره ولو محتاج أي حاجة ابقي كلمني هذا هو السودان

        الرد
      6. 6

        ببساطه عنوان صغير ان الراجل دا جاتو ورثه معتبره من قريب له غير معروف وتقدر بالملايين.. المراه واهلها والقنصليه المصريه في ساعات حيكونو قدام باب بيت الاخ السوداني. وماقصه جوانا مع النميري ببعيده

        الرد
      7. 7

        هسي لو كانت دي سودانية ما بعرضوا ليها اي صور ولا اسم

        الرد
      8. 8

        سنة ؟؟؟

        دي لو قريبة في القاهرة ، وممكن عن طريق السفارة السودانية بالقاهرة تدوها عنوان ومكان أقامتها وطبعا زوجها يعرف كل هذا ، يعني حيكون لقاها تحت كبري من بنات الشوارع وتزوجها وجابها السودان ..
        وأكيد بعد أستعلام السفارة بالقاهرة حيلاقوا الزوجة موجوده مع أهلها ، بلو تعميمكم في المواني البرية والجوية والبحرية وأشربوا مويته ..

        سنة يا رآجل وتجي وتقول زوجتي هربت مع أولادك ، والله أنت ما رآجل …

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *

    This site uses Akismet to reduce spam. Learn how your comment data is processed.