جيب سكين يا مجدى شمس الدين

* فضيحه بجلاجل
* فضيحه شهد عليها الله
* وشهد عليها العالم كلو
* فضيحه تحكيمية حذرنا منها
* ولكن الوطنيه عند ناس مجدى
* تعنى ان يضيع المريخ بهذه الفضيحه
* قاعد تعمل شنو كرئيس للجنة الحكام فى الإتحاد الأفريقى يا مجدى؟؟؟
* وهل ارضائك لى ناس روراوه يعنى ان ندفع الثمن نحنا؟؟؟
* معقوله
* هدف لايوجد سبب يشكك فى صحته مجرد شك
* يلغى على عينك يا مجدى؟؟؟
* حذرنا من هذا الحكم
* وكنا نظن ان مجدى يمكن ان يوجهه بشدة
* يوجهه فقط ليعطى كل ذى حق حقه
* أيها الناس
* التحكيم طيلة التسعين دقيقه
* ضاغط المريخ بكل ما يملك من حيلة
* مطمئن جداً
* وأظن ان حافزه سيكون إختياره لنهائيات كاس العالم
* شفنا الحكام يا مجدى
* وشفنا حكم كورة الهلال ومازيمبى
* جنس ده ما شفناهو
* ولا المريخ ما وطن ياسى مجدى؟؟؟
* حكم يفترض ان يطرد لاعب الطرف الأيمن الجزائرى منذ الدقيقه عشرين
* حكم يفترض ان يحتسب حالات على الفريق الجزائرى بالهبل
* وكيف اوقفوا ديديه؟؟
* بالضرب والخنق والركل
* على عينك يا حكم
* ولكن الحكم موصى
* ومطمئن
* وإطمئنان زى ده لو ماجاهو من لجنة التحكيم

* مابعمل عمايلو دى
* يا مجدى
* حذرناك من هذا الحكم
* ولكن نظن ان ذبح المريخ لايعنيك
* بالله عندك وش تقابل بيهو حتى زملائك فى الإتحاد الأفريقى؟؟؟
* إنها فضيحه حتفضل مبارياك مابقيت الحياه
* أيها الناس
* ذبح حكام مجدى المريخ
* وذبحوا موهبة لاعب إسمو شيبون
* وذبحوا جمهور عريض إسمو الشفوت
* ولكن لن نتقبل العزاء حتى نأخذ بثأرنا يا مجدى
* ثأرنا من كل من تواطأ علينا
* من كل من سكت على التواطؤ
* من كل من تهمه المناصب ولا يهمه النصب علينا
* وبعد ان نشفى جرحنا الغائر
* عندها سنتلقى العزاء
* بعد داك بنفرش
* معقوله!!!!
* معقوله يا مجدى
* شلت معاك عبارتك المستهلكه محلياً
* التحكيم يخطئ ولا يظلم
* ورجيتنا بيها فى أفريقيا؟؟؟
* يعنى العمر كلو نقعد نشكى من ظلم حكام مجدى؟؟؟؟
* مجدى
* ما تعمل رايح
* كتبنا لك محذرين
* وعبدالله كمال ردح لمن عطش
* وإنت لاحياة لمن تنادى
* أطلع علينا بكره بى تصريح
* شجب وإدانة وحركة تلاتة ورقات
* لكن لن تقنعنا بشئ
* الفيك اصلو معروفه من بدرى
* وامس إنكشفت
* أيها الناس
* تهجدنا مبسوطين
* لأن المريخ أقنعنا بأنه كبير
* وان الجزائر التى شاركت فى كاس العالم
* تستميل الحكام ليهزموا لها المريخ
* كم انت كبير يا مريخ
* إتهجدنا مبسوطين
* ولكن فى سجودنا كانت دعواتنا على الظلمة يا مجدى

* سألنا الله ان يورينا حقنا فى نظرهم وعافيتهم
* فى عقلهم وجسدهم
* أى زول إتواطأ
* أو سكت على التواطؤ
* سألنا الله ان يقتلع لنا حقنا من نظره وعافيته
* أيها الناس
* المريخ كبير
* وهو البطل
* لو تواطأ الإتحاد الأفريقى كله
* لن يوقف زحفنا للمطار
* ونمضى فى مسيرتنا
* فقط على مجلسنا تحذير الإتحاد الأفريقى
* وبالأخص لجنة مجدى
* ومجدى شخصياً
* بخطابات رسميه
* تحذير شديد اللهجه
* لأننا يمكن أن نصل الحكم فى بلدو
* بنعرف كيف
* وحاتبقى سابقه يندم عليها الإتحاد الدولى ذاتو
* رضى المتآمرون أم أبو
* المريخ هو بطل هذه النسخه
* أيها الناس
* إستعان إتحاد الجزائر بالملعب السيئ
* وبالتحكيم الأسوأ
* لأنه يعلم جيداً

* ليس بإستطاعته هزيمة المريخ
* شكراً غرزة الذى أدار المباراة بإمتياز
* شكراً لجميع اللاعبين الذى أثبتوا أنهم كبار جداً
* شكراً لجمهور المريخ الذى وجه دعائه فى السجود للظلمة
* أيها الناس
* تعالوا نقولها
* جيب سكين يا مجدى شمس الدين
* ﺍﻳﻬﺎ ﺍﻟﻨﺎﺱ
* ﺍﻥ ﺗﻨﺼﺮﻭﺍ ﺍﻟﻠﻪ ﻳﻨﺼﺮﻛﻢ
* ﺍﻫﺎ
* ﻧﺠﻲ ﻟﻲ ﺷﻤﺎﺭﺍﺕ ﻭﺍﻟﻲ ﺍﻟﺨﺮﺗﻮﻡ
* ﺷﻔﺖ ﻳﺎ ﻭﺍﻟﻴﻨﺎ
* العملوها حكام مجدى فينا؟؟؟

ﺳﻠﻚ ﻛﻬﺮﺑﺎ

** ﻧﻨﺴﺎﻙ ﻛﻴﻒ ﻭﺍﻟﻜﻠﺐ ﺑﺮﺿﻚ ﺑﺠﻲ ﻗﺒﺎﻝ ﺍﻟﻌﺮﺑﻴﻪ؟!!
والللللللي لقاء
سللللللللللللللك