وين القصيد ..؟
سألوني عن سرِ الغياب
عن الكلام في أُمنا
وين القصيد..؟
واليوم مُخصّص ليها عيد
مفروض يكون يوم مُختلِف
لا جُملة جاتنا ولا حرِف
لا لقينا منك مايفيد
ورينا إيه سر الغياب..؟
وين الجديد..؟
شُكراً صحاب
والله صادق بعترف
طار الكلام من راسي والابداع وقِف
أما الغياب..
ما عندي أبداً فيهو إيد
وللتراب الضمّ ست الناس أكيد
مُشتاق شديد
بس للأسف
مع إنّي كاتب مُحترِف
ما قدرت أبداً يا صحاب
أهزم القلم العنيد
واكتب حرِف
في الوالدة غالبني الوصِف
ودمعي أبداً ما وِقِف
بس المداد قبال يجِف
أسعفني شان أكتب وأقول
عيدكن سعيد
يا أمهات
عيدكن سعيد
يا أُمهات
مفروض يكُون يوم مُختلِف
بلا أقنعة – زاهر بخيت الفكي
صحيفة الجريدة
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة