النيلين
فيسبوك

الصديق: اي تحرك عسكري او انقلاب الاسلاميين ما حيدعموه على الاطلاق

اخر حاجة ممكن يفكرو فيها الاسلاميين بكل تياراتهم وتبايناتهم في اللحظة دي هي الانقلاب العسكري او دعم انقلاب عسكري وبرضو قبل سنتين ماف اسلاميين بيفكرو في حكم وهذا للعلم فاي تحرك عسكري او انقلاب الاسلاميين ما حيدعموه على الاطلاق لا الليلة ولا بكره ولا بعدو …

البيان بتاع تجمع الضباط الشرفاء ده وهو بيان ما عندي علم عن مدى صحتو هو بيان لافي الميديا انا متاكد انو ماف ضباط اسلاميين وراءه بالاضافة لي انو نفوذ الاسلاميين في المؤسسة العسكرية حاليا” ليس كما سبق ..

شخصيا ما عارف جهة واحدة من جهات الاسلاميين لا تنسيقية القوى الوطنية لا تنسيقية الاسلاميين لا الشعبي لا الاصلاح الان لا تيار نصرة الشريعة لا تنسيقية الزحف الاخضر ماف جهة واحدة من ديل داعية لي تفويض القوات المسلحة او لي مليونية مساندتها بتاعت يوم 15 دي وده موقف الاسلاميين اللهم الا لو في حاجه تانيه حصلت صباح الليلة .. الاسلاميين طريقهم الان هو العمل المدني والرهان على الجماهير والشارع دي خياراتهم الان ..

الصديق محمد احمد

شارك الموضوع :

اترك تعليقا