فيسبوك

كلمة كوز بقت شماعة لتبرير ابشع الجرائم من هؤلاء القوم الذين لا يعقلون


واحد طلع لايف قال نتيجة لقفل الكبري معاي مريض في الاسعاف مات.
حدث جلل زي ده متعلق بروح مواطن سوداني الانسان الواعي طوالي بطالب بفتح تحقيق في الموضوع ويطالب بايقاع اقصى العقوبات على الجهات التسببت في الجريمة دي / ولو ثبت انه صاحب اللايف كضاب يحاكموه .
وما صعب انك تعرف عبر التحقيق هل الحادثة حقيقية وله كذب .
ده الزول الواعي الناضج البحترم روحه وبقدس روح ابن ادم ، تعال شوف ردة فعلهم :
١_ ده ياخ كوز .
٢_ ده شغال في قناة طيبة.
٣_ ياخ ده عنده اخوه اسمه محمد كوز .
٤_ ياخ الجهات الامنية فتشت الاسعاف لقت مافي مريض بل الواخ خشب ساي 😂.
٥_ ياخ ده داير يشوه حكومة الثورة .
انت متخيل البلد دي ممكن تمش لا وين ؟
ياخ انا مالي ومال اخوه يكون كوز وله يهودي ، وله هو ذاته يكون كوز وله اتحادي و دخل حكومة الثورة وله البطيخ هنا شنو تتشوه وله تتفسخ ، هنا في جريمة مدعاة من السهولة اثباتها او نفيها وهو ذكر اسم المتوفي و سرد وقائها من السهولة تتبعها .
فكلمة كوز بقت شماعة لتبرير ابشع الجرائم من هؤلاء القوم الذين لا يعقلون .

زول خلقه الله



اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *