تحذير من أحدث طريقة للسرقة في الخرطوم

ظاهرة ما بتشبه أهل السودان متفشية بصورة عجيبة اليومين دي لو إنت واقف طرف الشارع وجا واحد صدمك بالموتور ما تتشاكل معاه هههههه 🤣😅🤣 بجازفوك ركز في تلفونك الشغل ده فنياتو كترت قريبي واقف بتكلم بالتلفون في طرف الشارع والشفاتة مراقبنو وكل ما يقربو منو بتكون المكالمة إنتهت حاولوا مرتين وفي المرة التالتة إتفقوا بتاع الموتور يجي يصدموا ويتشاكل معاه ويجي التاني يجازف التلفون من الجيب وفعلا طبقوا النظرية وجا صدموا وعمل نفسوا سكران بترتح وقريبي زول قلبو حار شرب المقلب وقبقب ليك بتاع الموتور ودورها معاه شكل وجا التاني نفذ المهمة عمل نفسو حجاز ونشل التلفون وبعد ما إستلم عصر صاحبو في يدو والناس في الشارع يعجبوك إفتكروا الحكاية مشاجرة ودخلوا في النص فرقوهم وديل ركبوا الموتور وغسلو وقريبي ما إنتبه إلا بعد ما دخل للحلاق وقعد داير يحلق هبش لقى التلفون جازفو 🤣 اعملوا حسابكم 🤣

اخوكم شيخ ونسة 😊