نزار العقيلي: (نفس الزول)

قبل فترة كان في ناس متخصصة في نشر الرسائل البتقول ليك انشر الرسالة لعشرة اشخاص عشان ربنا يرزقك عشرة مليون .. او تلقاهو ناشر التطبيق بتاع شوف شكل طفلك المستقبلي .. هسسه ظهروا نفس الناس تاااااني لكن بعد اخدوا ليهم جرعات وعي زائف فاصبحوا يقولو ليك ( البرهان خائف .. البرهان كل شوية بيبلع حبة ضغط .. حميدتي راقد فوق راي .. خالد سلك قدوا ليهو عينو الشمال .. الوزراء السابقين بعذبوا فيهم .. وجدي صالح قطعو ليهو شلوفتو ) و هكذا .
و الناس البنشروا في الاشاعات ديل ما ناس جاهلين او من العوام .. ديل ناس واعين جدا و عندهم الآف المتابعين و قاصدين تمااااما انو يضللوك و يعيشوك في واقع كاذب و مضلل تماما” و نجحوا في الحاجة دي تماما بسبب ثقتك فيهم بانهم مناضلين و ثوار كبار .. و اكبر خدعة مرروها عليك طواااال السنتين الفاتو هي انو حمدوك ضد العسكر و مع القحاطة .. الخدعة دي لحدي هسسسه ماشة فيك لانك عايز تصدق انو حمدوك معتقل و حمدوك لو فكوهو ح يبل العساكر و يرجع ليك عصابة الاربعة تاااني .
تاني بكرر كلامي الزمان و بقول ليك انو حمدوك متناغم تماااااما مع العسكر و متفق معاهم لابعد حد ممكن تتخيلوا .. لازم تعرف انو حمدوك نجح نجاح بااااهر في تدمير شلة الاربعة طويلة و لو جاك راجع تاني كرئيس وزراء اوعك تتخيل انو ح يرجع معاهو باقي الشلة .. ابدا والله .. ح يرجع معاهو كفاءات مستقلة .. واذا ما رجع لرئاسة الوزراء فحيكون اكمل مهمته باحترافية عالية لازم نشكره عليها .
اعمل مشاركة للبوست عشان تعرف شكل حكومتك المستقبلية و اذا ما شاركت البوست ح تخسر عشرة الف و تفقد حبيبتك
نزار العقيلي