نصيحة من مصرى للسودانيين عن الحياة فى مصر

السلام عليكم ورحمه الله وبركاته
انا اخوكم مصرى واعز اصدقائي سودانيين لى نصيحة للى مش عارف الحياة فى مصر
اولا انتم مش ضيوف ولا لاجئيين انتم اصحاب بلد وخدوا بالكم من الكتائب الالكترونيه اللى بتحاول توقع بنا

المهم نرجع لكلامنا ياريت اللى يجى مصر يسكن فى اماكن متوسطه ، انتم علشان مش عارفين الاماكن كويس بتروحوا ل اماكن غاليه جدا ، اماكن 90% من المصريين ما دخلها اصلا ،
عيشوا فى اماكن متوسطه علشان الفلوس اللى معاك لا تضيع بسرعه الله اعلم الازمه فى السودان تخلص امته

نتمنى من الله تخلص بسرعه ويرجع السودان افضل مما كان ان شاء الله

بدل ما تروح التجمع الخامس او مدينة نصر او المعادى او العجوزه وايجار الاماكن دى غالى جدا ،، بدل ما تاخد شقة مفروشه ب 20او 30 الف مصرى فى الشهر وطبعا تحتاج 15 الف جنيه مصرى للاكل ، شوف ب 7 مثلا
علشان ما تجلس شهرين وفلوسك تضيع

كمان الرجال ابحث عن عمل صحيح العمل فى مصر صعب لاكن موجود لان مهما كان معاك فلوس لو مش شغال هتصرف اللى معاك
واخيرا نتمنى للسودان وجميع الدول العربيه السلامه

شريف ممدوح