القحاتة تقول لهم عاوزين الجنجويد يطلعوا من بيوتنا ويشوفوا مشكلتهم مع الجيش (..)
القحاتة تقول ليهم عاوزين الجنجويد يطلعوا من بيوتنا و يشوفوا مشكلتهم مع الجيش بعيداً عن إستخدام المواطنين كدروع بشرية ، يقولوا ليك يعني إنتا ما عاوز الحرب تقيف ؟ إنت من ناس بل بس ؟
تقول ليهم مرحلة إيقاف الحرب بالكامل دي ما طمعانين فيها و شوفوا مفاوضاتكم و هدناتكم و مقترحاتكم بينما المواطن و داره و ماله في مأمن من عصابات الجنجويد ، يقولوا ليك و الله دي الحرب و دي الإنتهاكات المصاحبة ليها ، و دي حرب ولعوها الكيزان ، يعني إبتزاز بالأمن و الأمان و سلامة الروح ذاتا …
ناس بل بس تقول ليهم القصة دي نهايتا شنو ؟ و الجيش ده هل عندو خطة لإيقاف الحرب دي أو حسمها ؟ يقولوا ليك الحرب دي ولعوها القحاتة و الجيش ما مطالب بإنو يفصح عن خططوا و حا نبل الجنجويد و القحاتة …
و في الحقيقة المبلول الوحيد هو المواطن ، فالقحاتة و الجنجويد شايفين البحصل ليهو ده ضريبة الديمقراطية و الحكم المدني و إجتثاث الكيزان .
و ناس بل بس شايفين الجيش بريء مما يحدث للمواطن على يد عصابات الجنجويد .
و بين هذا و ذاك بقينا نحنا قدام القحاتة بلابسة
و في نظر البلابسة قحاتة …
و في نظر الكيزان نستاهل عشان ثرنا على نواب الله على الأرض …
و المؤسف أن جميع الفرقاء ليس لديهم حلول …
لا حل عسكري …
و لا سياسي …
جملتين مبتورتين :
بل بس
لا للحرب
كمال الزين
إنضم لقناة النيلين على واتساب
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة