البرهان من راستات الجيش وشٍفت من شفوت المؤسسة ..ملك ملوك اللولوة وزعيم الجرجرة

أصلا البرهان هو (تكنو) الجيش وراسته من راستاته وشٍفت من شفوت المؤسسه وسان من سانات اللجنه ملك ملوك اللولوه وزعيم الجرجرة وسيد الرصه ومؤسس المنصه كتال الكُتلا

وصاحب الجغمات ونجم الملمات لو مات ياهو السواها عرس قحت طلقها وعرس الحركات وهجرها

وعرس حميدتي ويتموا وعرسنا نحن كلنا وخلانا منتظرين الزفه ،، موته قاسي وحياته أقسى من موته ،،

زول مكنه شرقانه بدوٍر وبقطٍع مصافي بنزينوا وسخانه وإنجكشناتوا تعابه عادي ممكن يقطع ليك في نص الفتيحاب الساعة ثلاثه مساء والناس راجعه بيوتها من الشغل ،،

راسته زي ده ماتهبشوه كتير خلوهو على كيفوا وكيفوا زاتو مستورد بحب الجرجره بيشتغل بعد زمن الحفله ينتهي !!
#كلو_زي_ده

تبيان توفيق