في ناس مرقو عشان سيد الشقة الكان مؤجرها بخمسين ألف يأجرها بمليون جنيه.. عارنا الذي لن يغفره التاريخ

الإيجار في مدني
كان في أرقى المناطق
ايجار الشقة المشطبة تشطيب تمام و موقعها تمام ما بفوت الشهر 100 و ده رقم بالنسبة لناس مدني قبل الحرب مبلغ عالي
اتخيل في ناس مؤجرين من أرباب بيوت ليهم سنين
لمن جاءت الحرب دي و حصلت مجزرة زيادة الأسعار في أسياد بيوت و شقق يسكتو لالا
طوالي يا مؤمن يمشو للزول المؤجر منو سنين و ممكن تكون علاقتهم طيبة
يقوليهو يا زول يا تزيد لي الإيجار يا تتخارج
اي و الله
ناس كتار للأسف حصل ليهم كده
و في ناس مرقو عشان سيد الشقة الكان مؤجرها بخمسين الف يأجرها بمليون “مليار” جنيه
لا حول و لا قوة الا بالله
عارنا الذي لن يغفره التاريخ

مصطفى ميرغني