ساندرا: دا عشم ابليس في الجنة يا دعامة بإذن الله

اذا لحقتوا اديتو أي مستوى شرعية للدعامة حتكسورنا و حتذلونا وانتو ذاتكم معانا حتى لو جيش. وحنفضل مستعمرين استعمار قذر كمان وفيه تِفِشي.

الما عنده حل سلمي واضح ويمكن تفعيله احسن يخلي نفسه و أسرته من مناطق تواجد الدعامة و يسكت!! بدل يقعد يردد فوق راسنا لازم تقيف لازم تقيف كأننا مستمتعين بإستمرارها.

ابسط حاجه حميدتي دا اي زول عارف انو هو و مليشيتو اشتروا اراضي و بيوت قدر شنو. الخطة بتاعتو دي هي اللازم تقيف
دا عشم ابليس في الجنة يا دعامة بإذن الله.

التوقيع ما كعب كعب التوقيع قبل يطلعوا من بيوتنا و يرجعوا من المسروقات بناتنا على الأقل. لأنو أي كلام عن محاكمات بعد اي مساومة/اتفاق يحصل معاهم حيكون كلام ونسة ساي و ما حيحصل

..و دا من ضمن الجابرنا بعد الحصل على الحل العسكري

ساندرا فاروق كدودة