🔴 قادر تتخيل منظر سلك وعرمان وهم راكبين في الشريحة وبيقولوا لعبد الرحيم دقلو (يا عبدو انت متاكد انو بيتكم فاضي ؟)

حاكم اقليم دارفور اركو مناوي في روايته للساعات الاخيرة قبل الحرب قال معلومات مثيرة جدا و كل معلومة كشفها مناوي في روايته مفترض نفتح ليها بوست منفصل .. لكن خلونا نمسك معلومة واحدة بس في البوست ده .. مناوي قال انهم حاولوا يعملو موعد مع حميدتي لكن كان بيتزواغ منهم فقاموا قرروا انو يفاجأوهو و مشوا ليهو البيت بالمساء على اساس انو يختوهو قدام الامر الواقع و يطلعو منو بي نتيجة و لامن ما لقوهو قرروا انهم ينتظروهو في حديقة البيت بره و قعدوا زمن طويل جدا لحدي ما جات الساعة ١١:٤٠ مساء و فجأة ظهرت حافلة هايس ( شريحة ) و نزل منها عبد الرحيم دقلو و نزل وراهو خالد سلك لكن بي حركة سريعة كده رجع جوة الشريحة تاني .

رد المدعو خالد سلك على تصريحات مناوي و قال فعلا كنا ماشين نجتمع مع حميدتي لكن عبد الرحيم قال ليهم بسبب ظرف طارئ تم تغيير مكان الإجتماع فقامو ركبو كلهم في عربية واحدة مع عبد الرحيم .

من خلال اقول مناوي و اقوال خالد سلك ممكن نستنتج الآتي :
اركو مناوي بي حسن نية او بي خباثة خرب على القحاطة اجتماعهم مع الدعامة .. مناوي و جبريل من الراجح جدا انو يكون عندهم معلومات عن الاجتماع و مكانه فقرروا انو يكونوا حضور عشان كده قرروا انو ينتظروا حميدتي .. و عادي جدا ممكن حميدتي يكون كان موجود في البيت و عايز يخارجهم عشان يجتمع مع القحاطة .. المهم مناوي و شلته خربو الحفلة .. ما كان في طريقة انو يتم اخطار عبد الرحيم و القحاطة بانو في ( عوارض ) في البيت لانو من الطبيعي جدا” إنو كل منظومات الاتصالات تكون مراقبة .. و وارد جدا إنو الإجتماع بين الدعامة و القحاطة يكون تم داخل الهايس ( الشريحة ) اساسا الاسلوب ده بتاع العصابات و جماعات المافيا .. اجتماعاتهم بتتم داخل الحافلات و العربات الكبيرة و ده اسلوب تأمين ناجح للاجتماعات السرية جدا” .. مافي سبب واحد بيخلي مدنيين يركبو مع عسكريين في حافلة ركاب مظللة في انصاص الليالي .. ده اسلوب بتاع عصابات المافيا بيضللو بيهو الاجهزة الامنية .. مافي سبب منطقي للواقعة دي خاااالص .. ده اكبر دليل على انو القحاطة هم الجناح السياسي للمليشيا الإرهابية .. ده اكبر دليل على إنو القحاطة شركاء اصيلين في الحرب و محاولة السيطرة على الحكم بالسلاح .. الجماعة ديل ركبو الشريحة مع بعض عشان يحققوا واحد من هدفين .. تنفيذ إجتماع متحرك و مأمن تماما و بعيد عن الانظار و الشكوك .. او .. الذهاب لموقع الإجتماع في سرية بعيدا عن انظار الجيش .. و في الحالتين ده اكبر دليل على انو القحاطة شركاء في جرائم المليشيا الإرهابية .

الشغل بتاع العربات المظللة ده العاهرات خلوهو … مافي سبب بيخلي خالد سلك يتضاير و يرجع يدخل جوة الهايس لامن شاف جماعة مناوي و جبريل .. عملية شينة و ما بتاعت رجال والله .. قلت ليكم دي حركات العاهرات .. الواحدة تركب العربية و لامن تصل للموقع و تكتشف إنو في رجال تانيين بتقوم ترجع للعربية و تحلف ما تنزل .. والله يا جماعة اعفو لي بس .. ده ما اسلوبي .. لكن اقسم بالله حركات سلك وعرمان دي ما حركات رجال .. ولا حركات سياسيين .. هسه حركة سلك دي كان ممكن يعملها المرحوم نقد ؟ ممكن يعملها المرحوم الصادق ؟
إحنا السودانيين والله راجعين لوراء بي صورة مخيفة جدا” .. يعنى بعد كانوا ساستنا امثال الشريف زين العابدين الهندي و منصور خالد و المحجوب وصلنا لمرحلة تافهة جدا” و اصبحوا ساستنا ناس سلك و منقة و عرمان .

قادر اتخيل منظر خالد سلك و عرمان و هم راكبين في الشريحة بي وراء و بيقولو لعبد الرحيم دقلو ( يا عبدو انت متاكد انو بيتكم فاضي ؟ )

نزار العقيلي