الدعم السريع يرتكب مجزرة في منطقة المدينة عرب بالجزيرة
حسب ما وصلني الدعم السريع يرتكب مجزرة في منطقة المدينة عرب بالجزيرة —-
..
دي الخلفية جاتني من اكتر عشرة اشخاص هناك
انا من ابناء المدينه عرب، المدينه عرب قريه- جنوب الجزيره باتجاه طريق المناقل..
يبدو ان الدعم السريع اصبح يستخدم تكتيك جديد للنهب واخراج السكان… عن طريق ارسال مايسميه متفلتين ( الاغلب بيكونو لابسين ملكي والثابت بي مواتر).
بدت حملات نهب من قبل المتفلتين ديل، وعييينك ياتاجر حايمين بين قرى الجزيره والدعم السريع بقول ماتبعنا!!!
سكان القريه اتكلمو مع الدعم السريع، الدعم انكر تبعيه المتفلتين ديل ليهم وقال للناس انو اهل القريه ليهم الحق في التصرف معاهم.
قبل ثلاثه ايام، وصل عدد اتنين مواتر واشتبكو مع السكان واولاد من الحله وقامو بقتل اتنين من المتفلتين .
بعد كم يوم بين يوم الاتنين والتلات عادت عصابه اكبر وحاولو يشتبكو. يوم السبت ٣٠ ديسمبر رجعو مره تانبه ونتيجه للاشتباك استشهدو اتنين من أبناء القريه:
علي محمد العاقب
معتز الدفيع
وهناك اخبار انو في شهيد تالت لكن من انقطاع الشبكه ماقادرين نعرف منو.
الان اغلبيه السكان طلعو للقرى المجاوره نتيجه للتهديد الحاد بالامس بانو سيتم معامله القريه زي قرى دارفور ..
في نهاية الأمر جاء الدعم سريع بنفسه ليقتص للجنجويد القتلوهم ناس المنطقة ،،
أصبح الدعم السريع المرتزق يحاصر منطقة المدينة عرب لقتل المواطنييين ونهبهم !
انقذوا المدينة عرب من الجنجويد
عائشة الماجدي
