انقلاب المسيرية علي الرزيقات

🛑عرب الشتات عموما ومشكله المليشيا بتعتمد علي الملهم او القائد..او الزعيم الوهمي
🛑ف فتره 2015 ف الضعين كان فيها واحد صايع كدا اسمه خريف النقعه …عامل شعره بوب كدا معاهو القائد علي رزق الله السافنا…الناس ديل دخلو شريحه ف شباب الضعين لسي ماطلعت..اعتبروهم قدوه ومصدر الهام…القائد خريف ده كان همباتي كبير وف 2016 هجم عل بيت الوالي انس عمر ربنا يفك اسره …زي نوع من التخويف انه ولايه شرق درافور لي ناس الضعين فقط …انس عمر ماكضب زاتو حرك قوات وعمل ليهو كمين وجغموو…بعد انجغم هدأت الضعين واي واحد تاني قعد ف محله

وصلت لي درجه انه الوالي انس عمر بقي حايم ف الشارع…وكل سكان الضعين بحترمه
🛑شفنا كيف قيادات عرب الشتات كزعامه انتقلت من الناظر موسي هلال الي حمتي بعد معارك طاحنه وسجن …وبي دعم من الحكوومه….

🛑غياب حمتي عن المشهد ومحاوله تلميع عبدالرحيم دقلووو….محاوله ظهوره كقائد او كزعيم بدأت تشق الصف ..لانه مابمثل ايقونه الوهميه الدايرنها..حتي الادارات الاهليه مامقتنعه ..بيهو عشان كدا ظهر مهدد ليها ..انه ترجع للاستنفار تاني

مثلا هسي انسحاب الملييشي حبيب حريكه او مقتله بنسحبه معاهو الالاف المقاتلين
🛑المسيريه عندهم الملهم للشباب جلحه رحمه الله ..طبعا جلحه ايقوونه بالنسبه ليهم ..خطيب كويس …وجوود جلحه ماخلي فرقه لي اي مسيري ينافسه رغم وجود قادات كويسين زي العميد جودات والعميد درمود وغيرهم لكن جلحه بالنسبه للحكامات ماف زيه…
🛑لمن انجغم جلحه حصل فراغ كبير للمسيريه لي شبابهم منو الحيكون الايقونه الوهميه مثلا حاول حسين برشم مانجح خاصه انه جبان حاول ابو جود المسيري لكن مانجح….وغيرهم
🛑حاليا الفراغ ده بدا يتملئ بالناس الصح الجنرال حسين جودات والجنرال حسن درموود…كتير من حكامات وشباب المسيريه وابناء المسيريه بقوا ماعندهم مشكله انه جيش جودات يصل الفوله والميرم والمجلد….لا وكمان شايفين انه الرزيقات خانوهم وماسلحووهم…ده بمهد لي انه ماعندهم مشكله يخشو الضعين. …زاتو…هنا حيتم رد الخيانه وعدم التسليح …بي انتقام المسيريه من الرزيقات

🛑بدأت ف الميديا تختفي مصطلحات وعبارات نحن عيال جنيد ونحن عيال ود ابوك …كل التايم لاين بتاع الاشاوش تخوين ف تخوووين

○ دنيا زايلي