💙 الأسطورة بتقول إذا إحترت ما بين إتنين يبقى سيب الإتنين..!

ودا بينطبق بالضبط علي علاقاتنا العاطفية .

الحيرة البتبقى موجودة وبتخليكي مترددة في إختيارك لي حبيبك ولا اللي وصل البيت .

لما ترددي ولو لحظة في حاجة زي دي يبقى الإتنين ما خياراتك .

عشان المفروض لما تقرري إنك تعرسي ما تعرسي عشان دا وصل ودا م وصل ودا فرصة م بتتعوض ودا زول رهيب .

لا

عرسي عشان لقيتي نصك التاني

البيناسبك في كل تفاصيلك

عرسي عشان لقيتي الشريك الإنتي بتفتشي ليهو فعلاً .

العرس م فزورة بنختار حلها إنما رحلة أبدية حتستمر طول العمر بتتطلب منك ثقة لا متناهية في الزول الحتختاريه .

لانو وقت الخصام م حتفكري في رهابتو وغيرا ..

بس كمان دا برضو م معناه إنك تفضلي دايرة في عجلة الحب الما بتقيف وأي حب م فيهو خطوة واضحة ورسمية دا أبعدي منو ..

وأختاري دائما الزول اللي لو لفت بيك الدنيا ودرات حترجعي تختاريهو تاني في كل مرة

آمنة الشيخ

رصد – “النيلين”