الطاهر ساتي
المهندس مكاوي : .. كفاية ..!!
** المهم ،ان إدارة الهيئة تحطم الصناعة في بلادي ، وكذلك الزراعة والتجارة ، وأخيرا حطمت آمال فقراء بلادي بهذا العداد المصنوع – ربما – من الذهب والماس .. و… اليكم رسالة أحد مظاليم هذه الهيئة ، ليواصل ما بدأته ، علما بأن عنوان الزاوية لم يرد في الرسالة ، ولكن لم أجد عنوانا أصلح من ذاك .. نعم ، كفاية يا مكاوي ، وريحنا باستقالتك ، الله يريحك دنيا وآخرة .. و.. إلى النص ..!!
** « الاخ : الطاهر ..السلام عليكم ورحمه الله وبركاته..بحثا عن منفث لما بالصدور لم اجد الا الكتابه الى عمودكم الصحفي وارجو ان يجد الرضا « اليكم» .. رحم الله المهندس الشهيد / محمود شريف رحمة واسعه فقد اعلن قبل حوالي سبعه عشر عاما شعار« صيف بلا قطوعات»..وكان صادقا في وعده واوفى ما وعد .قضينا صيفا في ذلك العام جعلنا نترحم للشهيد في كل صيف تلاه ..« اللهم ارحمه واسكنه فسيح جناتك مع الصديقين والشهداء بالفردوس الأعلى .. آمين » .. !!
** كانت الرسالة من الشهيد مفادها الاتي : ان السودان به كوادر بشرية في مجالي الهندسة والادارة مؤهلة لذلك ، الاخلاص في العمل يجد الدعم من السماء ، ارحموا من في الارض يرحمكم من في السماء ..و منذ ذلك العام لم نر عاما ينقضي دون أزمة في الطاقة الكهربائية.. بل اكثر من ذلك لم تعد الأزمة في الصيف فقط ، بل في كل فصول السنة واليكم بعضا من الاعذار التي تساق في كل مرة ..
» .. ** الهيئة تعزو القطوعات لقلة منسوب النيل «صيفا» ..الهيئة تعزو القطوعات لكمية الطمي العالية «خريفا»..
الهيئه تعزو القطوعات لعطل في التوربينات بالخزان «شتاء » ..الهيئة تعزو القطوعات لحريق في المحطة « ربيعا » .. الهيئة تعزو القطوعات لعدم وجد اسبيرات الصيانة .. الهيئة تعزو القطوعات للصيانة «الاسبيرات جات » ..
الهيئه تعزو القطوعات لحادث في الشبكة..الهيئة تعزو القطوعات لتوقف مصفاة الخرطوم .. الهيئة تعزو القطوعات لعملية تجربة محطة التوليد الجديدة «دي ما مبلوعة » .. الهيئة تعتذر للمواطنين عن القطوعات « دي ساكت بس» .. وهكذا ..وما يحزن حقا هو عدم تقديم المشيئة في كل وعد بان يكون هذا العام آخر عام للقطوعات ..!!
** كم هو حجم التوليد الكهربائي بالسودان في اكثر الاوقات استقرارا..؟.. لا يتعدى الالفي ميقاواط ..أما في السعودية وبالمنطقة الشرقية فقط يتخطى التوليد العشرين ألف ميقاواط ..بالله عليكم اين الهيئة من هذا الرقم ..؟..
وكم يدفع المواطن او كل قطاعات الانتاج للكهرباء مقارنة مع اي من دول الجوار..؟..
** انا ادفع للهيئة مقابل الامداد بتعريفة تجارية حسب مسماهم ، وهنا من حقي ان اعرف من يتحمل الضرر المادي الذي يقع علي بسبب تذبذب التياروعدم استقراره «يعني تلاجتنا الاتحرقت دي منو البغرما..؟» ..ان الشعب السوداني ينحت الصخر ويتحمل مالا طاقة له به من اجل رفعة الوطن وشموخه ، لكن ان يستغل في تمويل الهيئة « دفع مقدم كاش» من دون ان يحس باي تقدم او انفراج ده «ظلم وظلمات يا ناس الكهرباء» ..
مهندس / طارق محمد شريف ، الأمين العام لغرفة البتروكيماويات والطاقة والتعدين »
إليكم – الصحافة الخميس 16/07/2009 العدد 5767
tahersati@hotmail.com
اخي الطاهر لايوجد فن استقالة في السودان بالله عليك اين الوزير او المسؤل المشكور من المواطن ؟؟؟؟؟؟؟؟؟؟؟؟؟؟؟؟؟
ينصر دينك باشمهندس طارق و .. نثني علي طلب الاستقالة فمن يفشل طوال هذه السنوات يحق لنا أن نطلب اقالته طالما أن أدب الاستقالة في السودان لامحل له من الممارسة وكأن المناصب يملكها حفنة من البشر ليس لهم غير ممارسة السادية علي شعب السودان الصابر ..و. لك الله ياوطن …
من حق الشعب معرفت أسباب القطوعات حقيقة ، ومن الظلم أيقاع اللوم الدائم على المسؤولين ، الا يكفى أنهم يحملون هموم توفير الخدمات للمواطنين !. كذلك من الجور مقارنة السودان ببقية الدول التي تمتلك رأس المال. جزاك الله خير أستاذ الطاهر ساتى واسمح لى بالتعليق على حسب فهمى المتواضع.
انتو ناس مجانين وبعد ما يستقيل الحيصل شنو مكاوى ده ما نجح في السعودية ذى ما قال واحد سياسي فلان ده ما لاعلاب واقف قون ليه حوا والده ولو مافي سودانيين خالص ممكن بقروش ناس الكهرباء دى يشتروا هنود من بره هسه ناس الخليج منو الشغال ليهم في الكهرباء كلنا شايفين هنود وباكستان يعنى الشغلانة محلولة بس كيف الناس تصرف الجمعته ده في محله ما يمشي كده ولا كده اه الفي يده الحلل منو فكروا براكم الحاية ما كيمياء ولا صعبة زمان كان العزر ضيق ذات اليد لكن كداب من يحتجه بالكلام ده تاني لان الشايفه العين ما يتكذب ………. بيعوعها وشوفو البقه فى الاتصارت في الاول دفعنا كتير لكن فى الاخر مع المنافسة بقت برخص التراب وتخفيضات ……………….. قول يا باسط
ياأخونا ساتي انت ماسمعته بالمثل البقول حقيرتي في بقيرتي؟ حقارتكم بس بالكهرباء شوفو غيرهامثلاُ اتكلم عن المرتبات الضعيفه للعاملين بالدوله .
انت ماتشوف المشاريع القام بيها مكاوى والله ده بس حقد ساكت أنحنا ماعايزين مدير غير مكاوى لانه مافي أحسن منو والله حتي عملنا إتطور والعافيه درجات والقطوعات البتحصل مع المطره لانه خايفين عليك يكون سلك عريان في بيتكم ماجايب خبره تضربك الكهرباء وتقوم تتلحس ساكت أنا أم مبارح في جريده حكايات الكلام ده برضه زعلني شديد والله ده حقد منكم ساكت والله مدير تمام وربما يديه الصحه والعافيه وان شاء الله إلي الامام ورربنا يغطيه من امثالكم والله في سلاطة لسانكم فتو هيثم كابو عديل :lool:
والله كلامك ده عين العقل وانتي يا البتقولي ما دايرين غير مكاوي دي تلقاك شغاله معاهو يا مشغل ليك واحد انتي ما بتحسي بي مشاكل الشعب التعبان في ناس ماتو من عدم الكهرباء دي استقيل وحقوق ما يدوها ليهو كمان كفايه انحنا وصلنا الحد وماخافو الله فيناالناس ديل كفايه اقل كتاحه ترمي سلك يا عمود وهاك يا قطع لمن يجوك ناس الكهرباء عازه تكون ولدة وكلنا السمايه كمان انحنا اقرب دوله لينا ما بتعرف حاجه اسمها كهرباء قطعت كمان حلات دايرين يصدروها قالو كفيه لعب بي الشعب الحر كان كتلتونل الله ينتقم منكم:mad:
أخي محمد
بالقته دى فيها ماأفتكر ناس بتموت من عدم الكهرباء والله بس إنتو عاملين هجوم ساكت علي الراجل ده بحراً وجواً وبراً والله يكون في العون ماسمعته بمشاريع الكهرباء ؟ الكهرباء في كل بقاع السودان ( الريف ) ماسمعته الكهرباء وصلت جنوب كردفان :confused: :confused:
أخي أحمد
القصه ماقصة أنحنا فرحانين بالكهرباء انا بس بذكر الناس ان الكهربا ومشاريع الكهرباء وصلت الريف وحالف مكاوى الكهرباء تعم السودان كله – وبعدين شنو انت ماشفته ليك كهرباء كضباً كاضب الكهرباء موجوده والناس منورين انا ما قلت ليكم انتوا ماعندكم غير الكهرباء وشوفوا المويه المافي وهي أهم من الكهرباء والله بس حقيرتي في بقيرتي ياناس هو …. قولوا الحمد لله لو حمدتوا الله الكهرباء بتكون تمام والله ياجماعه مكاوى ده رجل الإنجاز والإعجاز رضيتو ولا أبيتو
ياخوى أحمد
انا ساكنه امدرمان ودايره أسالك سؤال بتشترى لحم – بتشترى خضار – خلاص الكهرباء دى زى الأكل والشراب وبعدين يأخي التطور الحاصل في البلد إستهلاك الكهرباء من مكيفات وتلاجات وخلاطات ده كه إستهلاك قولوا الحمد لله :lool:
والله التعليق يضحك لكن في تصوري انو العجايز عندنا في السودان خاصة محتكري الوظائف الكبيرة ينقصهم الابداع وتوقعات ماسيحدث كان في صيف او خريف او ماحدث في العام الماضي مثلا من اخفاقات او تطورات ايجابية في مؤسسة انا مديرها ولازم يكون عندك شئ تصاعدي الى الامام يعني كل سنة احسن من القبلها..بعدين سؤال هل عندنا لجان محاسبة دقيقة كان في المؤتمر الوطني او خلافة لمحاسبة المقصر واكرام المجتهد المنجز المبدع..؟؟؟نصيحة لمكاوي(اعمل ليك لجنة من اربعة او خمسة مهندسيين اكفاء وبدون مجاملة ذي مجلس استشاري وماتخوفهم بسلطاتك عشان يقولوا ليك الحقيقة وتشوفوا انتو واقفين وين ؟وتجاوز الازمات صدقني في الشباب دائما حماسا وابداع واظنك فقدتة مع تقدم العمر!!!!!لكن انت ياحياة اما مستفيده من وضع معين!!!او شاربة حاجة!!!ويمكن شاي باللبن!!!!!!!؟؟؟؟؟؟
أخي طارق
والله ماشاربه شي ومامستفيده زى مابتقول انت لكن أنا بقول الحقيقه الأنت ماجايب خبرها والزمن ده البقول النصيحه هو المستفيد لكن من خلال المعايشه واديك مثال الكهرباء ضعيفه في أحد أحياء امدرنان يعني حي عريق اتصلوا بمدير كهرباء امدرمان والله طوالي عمل ليهم محول والكهرباء بقت تمام ولو ماكان مكاوى ده مدير تمام ده كله مابيحصل فاتقوا الله في حق الرجل ياطارق ولا مكاوى رجل عجوز زى ما انت فاكر والخبره كمان ليها أثر كبير لاتجحفوا في حق هذا الرجل :lool: ( ) 😉 😮 :lool:
حياة ماتخافي ياأختي الأمتيازات العملها مكاوي للعاملين في الهيئة حا تظل في محلها وماحا تتأثر بذهاب الرجل أطمئني …