قصائد سودانية

صباح يحي محمد عثمان : بتذكرك


في كل شيء بتذكرك
في خطوة لبيت الســــعد
في دمعة أفراح الأهل
في الإلفــة والوقت الصعب
في كل شيء بتذكرك
في لمسه منك والحنان
في كلمة كانت بالوئام
في نصيحة عن فعل الحرام بتذكرك
بتذكرك
بلبس وشاح ذكراك توب
وأقراك في كل الكتب
وأحفظ ملامحك ذاتا صـم
لمن تعود من البــعيد تلقاني ليك بلسم ألم
بتذكرك
بتذكرك وقتين تقول
يا ملاكــي ما تَرضى العزول
ما تسمعي الظن البيكون دايماً فراق و مرات جنون
بتذكرك..
سامعاك هسع زي تقول!!
شايفاك في نص الجداول والحقول
فاكراك زي وهج الصــباح
حاساك زي برد المجون
لمن أفوت منك بكون مشتاقة ليك
طوالي بحلم بعينيك
بتوســد الأحلام معاك
واتزكرك وأحن ليك
بتذكرك..
في كل يوم من الصباح وساعة العصير
ووقت المغيرب والرواح
وأقولا ليك يا روحي يا زولي الحنون أنا كل يوم زايد بكون وبعشقك
يا زول مهكـر فيني دوم بتذكرك

كلمات/ صباح يحي محمد عثمان
حوار مع الأستاذة صباح يحي مع عثمان