ناس المعارضة ووليدات فاروق ابوعيسى اكدوا لي الليلة إنهم ما بفهموا التكتحم….وحتى بعض الكنا بنظن فيهم الرجاحة والفهم الصحيح خاب فألنا فيهم…يعني بالفكاكة كدا يافكيكين إنتو كنتو منتظرين البشير في خطابو يفصل ليكم كل مضامين (وثيقة الإصلاح الشامل) نقطة نقطة وبند بند ومحور محور ومرتكز مرتكز…دي وثيقة شغال فيها الحزب منذ يوليو ٢٠١٣وكون ليها ١١لجنة لصياغة رؤيتو( سياسية وإقتصادية وفي الحريات والعلاقات الخارجية والخدمة المدنية وتفعيل هياكل الحزب وتغيير السياسات والوجوه في المركز والولايات والقطاعات المختلفة للحزب وغيرها من القضايا قدمت فيها اوراق وقتلت بحثا …وإنتو دايرين كل دا يقولو ليكم الرئيس في خطاب .طيب كدا يكون داير سعادتو يوم كامل يخطب فوق ريسينكم المقعرة دي…البشير عمل إعلان للوثيقة ذكر ملامحها الأساسية…إعلان لمرحلة جديدة بإختصار وخير الكلام ماقل ودل…
وبعدين إنكم مابتفهموا دي مامشكلتنا يعني..إشترو فهامة من سوق سعد قشرة-بخمسين جنيه فقط لاغير-…بعدين هل الحزب وعدكم بشي وما جا في خطاب الرئيس؟مامسؤولين عن الخزعبلات الكان بتقولوها في الأيام الفاتت وصدقتوها.
حسن عبد الحليم[/SIZE]
-
-
-
-
-
-
-
-
