كوش نيوز .. أخبار السودان بين يديك

إمرأة أعمال سودانية حسناء تبيع الفحم واليخوت ، واللوحات


شارك الموضوع :

قفزت سيرتها .. وصارت ذكراً على لسان العالمين .. بعد حكاية اليخت الرئاسي .. فمنى قاسم قبل ذلك كانت تتفرغ للرسم وإدارة شركة للنظافة ، محدودة الشهرة .. كلما كان اليخت يقترب من الخرطوم وهو يمتطي الطريق القومي من بورتسودان الي الخرطوم يسير في بطء شديد ، كان الحديث ينساب أكثر عن منى قاسم ،، إنبسط اليخت على سطح ماءه وصار يمخر في العباب وما سكت الحديث . صحيفة حكايات أجرت هذا الحوار السريع مع منى قاسم
** منى قاسم .. لنبدأ من عصر ما قبل اليخت ؟
منى .. بنت عادية لها أحلامها وطموحاتها في الحياة .. والدتي اسهمت كثيرا في التأثير على مكونات شخصيتي اسمها ( مسكة ) شوف الإسم دا جميل كيف ؟
– أمي كانت معلمة أجيال تنقلت في كثير من مدارس الخرطوم والاقاليم .. مدياني حريتي .. ما كنت زي الأطفال العاديين بتوبخ وانضرب .
** ميلادك كان وين ؟
– في بحري .. لكن من عمري خمسة سنين تنقلت بين جدة والقاهرة بحكم عمل والدي .. لكن صلتنا بالسودان متصلة
** الدراسة ؟
– درست هندسة ديكور في القاهرة وديكور بالممارسة من امريكا .
** الديكور .. بيأكل عيش ؟
– المسألة ما كده .. أنا بحب الرسم من بدري .. لذا إتجهت للديكور .. فالديكور علم وفن
** الحشرك في مسألة التجارة دي شنو ؟
– لمن كنته في ثالثة ثانوي بجدة .. عقدت أول صفقة في حياتي عبارة عن فحم
** كنتي بتبيعي فحم ؟
– أيوا بس بكميات تجارية .. والصفقة كانت مجزية شديد ، شجعتني على المداومة في التجارة .. وبفهم كويس في فحم المسكيت والسنط .. والفحم دا ما هو اول طاقة في الحياة عيبو لي ؟؟
** ما كدا … بس من فحم لي يخت ؟؟
– قبل اليخت حيث استقريت في السودان .. عملت شركة نظافة . . ولي حسي شغاله ، بعدين ناس بن لادن والشيخ صالح كامل بتاع ( ايه ار تي) رغم انهم اثرياء جدا .. عندهم شركات نظافة بقت علي أنا ..!!
** الشغل دا على السودان مش صعب ؟
– صعب كيف .. المرأة عندها قوة تحمل اكثر من كدا .. فهي تحمل في بطنها تسعة اشهر وعشرة ايام ما تقدر تشيل ليها مسؤولية شغل
** واليخت ؟
– صفقة إضافية لي إعلامياً أكثر من مادياً .. القريشات المرقت بيها ما قدر البقولوا .
** بقولوا شنو ؟؟
– أنها صفقة ملياردية .. واليخت غالي .. هم عرفوه غالي كيف .. في بخت أوناسيس سعره 37 مليون دولار ، قاسوهو بيهو ..
** جبتيهو من وين ؟
– دخلت في عطاء وفزت .. تلكفتو ما كتيره مبلغ معقول .. لكن طموحاتي اكبر من اليخت .. عندي شغل قريب حا تسمعوا بيهو .. روقوا بس
** الرسم ؟
– هواية منذ طفولتي .. فزت بجوائز كثيرة بمصر على مستوى الجمهورية
** أغلي لوحة بعتيها ؟
– ما بوريك .. لاني ما ببيع بطاطس

شارك الموضوع :

9 التعليقات

إنتقل إلى نموذج التعليقات

      1. 1

        المهم ياحاجة مني انتي مرتبطة ؟ مخطوبة؟ فلوس في زيادة؟
        واهم شئ السؤال الثالث!!! اذا كان اوكي طالب القرب منك
        وبالمناسبة انا عندي رخصة قيادة اليخوت من اليونان
        وكل عام وانتي بالف خير وربنا يحفظك لينا.

        الرد
      2. 2

        يختي بي جازك ما تورينا وانتي قايلة نفسك صلاح ادريس والا بت داوود عبد اللطيف ؟ ما تفكيها فينا عليك الله نحن ما ناقصين قرضمة ووهمة اكتر من الموجودة تقعدي تتفاصحي كدا لمن يقع فيك واحد يلبع قريشاتك العاجباك دي ونسمع بيك في السجن. بعدين ربنا قال لإن شكرتم لأزيدنكم. وشايف الآية دي ما مرت عليك. أنزلي أنزلي لينا في الواطة دي عشان نعرف حجمك الحقيقي لأنو الزول الطالع فوق بيتشاف صغييييييييييييييييييييييييييييييير.:rolleyes: 😡 😀

        الرد
      3. 3

        نعم المرأة ونعم العلم والفن والذوق والاحساس
        عمرأحمد

        الرد
      4. 4

        عدم موضوعيه فكله للزوال الانسان /الجاه /المال الا صالح الاعمال

        الرد
      5. 5

        يختي بي جازك ما تورينا وانتي قايلة نفسك صلاح ادريس والا بت داوود عبد اللطيف ؟ ما تفكيها فينا عليك الله نحن ما ناقصين قرضمة ووهمة اكتر من الموجودة تقعدي تتفاصحي كدا لمن يقع فيك واحد يلبع قريشاتك العاجباك دي ونسمع بيك في السجن. بعدين ربنا قال لإن شكرتم لأزيدنكم. وشايف الآية دي ما مرت عليك. أنزلي أنزلي لينا في الواطة دي عشان نعرف حجمك الحقيقي لأنو الزول الطالع فوق بيتشاف صغييييييييييييييييييييييييييييييير. 😉 😉 😉 😀 😀 😀 ,معاك في كل القلتو والله ناس فاضية شغلة وشايفا روحها علي الفاضي اعملوا لاخرتكم وخليكم من الدنيا 😮

        الرد
      6. 6

        ya am tsnim hrkk hrkh thats so hart to you why why ent malk wmalh alkrosh btaath de edynth mnk gns hsadh ht alnswan yasudan ykfina shrkm ya hsad hasdh wma endk dmir wla endk hart bs bkol lik etmne wkony zyha ana aarfek dayrh tkone zyha bs de alkhirh cilling you hhh :crazy:

        الرد
      7. 7

        يعنى الببيعوا فحم ديل ليهم اربعين سنة ما طلعوا من زريبة الفحم ولا قدروا حتى يجيبوا مركب صيد سمك من بحر اب روف – فعايزينك تعلميهم كيف يطوروا امكن بكرة نسمع بالدومة ادم جديد بياع الفحم فى زريبة الفحم بامدرمان دخل مناقصة وجاب طيارة رئاسية

        الرد
      8. 8

        اسأل الله لك التوفيق والنجاح بعملك وفنك ويختك وبختك وبعدانا سوري اعمل بتجارة الفحم من مصر الى سوريا وارغ بالعمل بنفس المجال من السودان ان كان بالامكان المساعده بالامر ومشكوره رقمي في السعوديه 0096655215049

        الرد
      9. 9

        كلام سوقي وبلدي لحد ما عبارات بلدية

        ديكور بالممارسة من امريكا

        روقوا بس

        لاني ما ببيع بطاطس

        بالمناسبة عبارات ما بتشبه حواء السودانية

        علي كدا عرفنا كل حاجة شكرا ليك بدل الفكك بتاعك دا

        عالم فاضية ما عندها شغلة ولامشغلة بلا الكذب والنفاق

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *

    This site uses Akismet to reduce spam. Learn how your comment data is processed.