كوش نيوز .. أخبار السودان بين يديك

إستقبالات حاشدة للبشير بمطار الخرطوم – صور



شارك الموضوع :

وصلت طائرة الرئيس السوداني المشير عمر البشير إلى مطار الخرطوم مساء اليوم بسلام، وقد إحتشدت جموع المستقبلين من القطاعات المختلفة وهي تهتف: يا أوكامبو يا جبان .. البشير في السودان!
وكان البشير قد أدى اليوم مناسك العمرة بالمملكة العربية السعودية بعد مغادرته للعاصمة القطرية الدوحة عقب مشاركته في القمة العربية مؤخراً.
وقام باستقبال رئيس الجمهورية بمطار الملك عبد العزيز الدولي بجدة صاحب السمو الملكي الأمير مشعل بن ماجد آل سعود محافظ جدة ومدير المراسم الملكية ومدير شرطة منطقة مكة المكرمة وسفير السودان بالمملكة العربية السعودية عبد الحافظ إبراهيم وأعضاء القنصلية العامة بجدة.
وتشير متابعات (smc) أن الوفد المرافق لرئيس الجمهورية شمل كل من د. مصطفى عثمان إسماعيل مستشار رئيس الجمهورية، الفريق أول ركن بكري حسن صالح وزير رئاسة الجمهورية والأستاذ عبد الباسط سبدرات وزير العدل والأستاذ محمد يوسف عبد الله وزير الثقافة والشباب والرياضة والأستاذ علي أحمد كرتي وزير الدولة بوزارة الخارجية ومفوض العون الإنساني.

شارك الموضوع :

25 التعليقات

إنتقل إلى نموذج التعليقات

      1. 1

        اتمنى اكون اول المهنئين بوصولك والله جد رفعت راسنا فوق نهنئ انفسنا بميلاد تاريخ السودان الجديد ونقول للخونة والمارقين ديل اهلى البقيف فى الدارة واقول للدنيا ديل اهلى

        الرد
      2. 2

        الف الف على السلامه رفعت الراس اخرست السن الحاقدين والمرتزقه الله ينصرك ويقويك وتسلم البطن الجابتك .

        الرد
      3. 3

        اقول لقادة الحركة الشعبية وخصوصا السيد ادوارد لينو عليكم ان تراهنوا علي اقامة دولتكم الجديدة في الجنوب والعمل علي سحب كل الجنوبيين الي مناطقهم وبصراحة موقفكم من الحنائية كشف كل الحقائق وانتم واشكالكم لا ياتي منكم الا الشر

        الرد
      4. 4

        الله اكبر والعزة للسودان والله انها لشجاعة حقة ان يذهب الرئيس من بلد الي اخر غير ابه بقرار التوقيف ليقدم درسا مستافدا ويسجله التاريخ في سجل السودان باحرف من النور ونحن في بلد الغربة نسجي عبركم اجمل التحايا والتبريكات للرئيس بالعودة وكنا نتمني ان نكون بين اهلنا لنعيش فرحة وفخار الشعب الابي فهنيئا للشعب بهذا الفارس المغوار وعودا حميدا والله اكبر والعزة للسودان

        الرد
      5. 5

        الله اكبر الله اكبر الله اكبر – الف حمداً على سلامتكم فخامة الرئيس بالوصول الي ارض الوطن ونسأل الله ان يتقبل منكم … فقد كانت مشاركتكم في القمه محل فخرنا واعتزازنا فقد رفعتم رأسنا عالياً في ارض الغربه وكم كنا نتمنا ان يكون لكم لقاءاً مع الجاليه بالمنطقه الغربيه ولكن قدر الله وماشاء فعل . نرجو من فخامتكم الاستمرار في الاعمار والتنمية خاصه بالولايات ورد ولو جزء بسيط من وقفة هذا الشعب العظيم خلف قيادته … نسأل الله تبارك وتعالا ان يحفظ لبلادنا امنها واستقرارها وان يبعد عنا كل مكروه وسوء .. انه ولي ذلك والقادر عليه

        الرد
      6. 6

        سير سير يا بشير

        الرد
      7. 7

        الله اكبر على الاعداء و اثبت السيد الرئيس انه ارجل الرؤساء في العالم على الاطلاق و ما اختبأ و ادسى بدواعي امنية و غيرها كما نسمع و نرى من بقية الرؤساء و الله اكبر و العزة للسودان لا نامت اعين الجبناء

        الرد
      8. 8

        يافارس الالوف الانت كفيتن كبست الدروع وشلعت خولاتن كابخاف فارسنا البخيت التم شكراتن وصديت الخيول وقمحت ركباتن ومابخاف فارس الحديد ان حمى من قومت الجهل ليه الخوف ولاقسمو فى الجود كتر عشمو وركز البخيت الفال والنصر ختمو وما بخــــــــــــــاف فارس الحديد

        الرد
      9. 9

        الله أكبر الله أكبر الله أكبر

        أهنئي نفسي أولا والشعب السوداني الأبئ بوصول قائد الركب والمسيرة المجهاد البطل بن البلد الأصيل السيد الرئيس عمر حسن أحمد البشير لوصوله لأرض الوطن الحبيب

        والله أكبر والعزة للسودان

        الرد
      10. 10

        الف حمد لله على السلامة يا ريس لك منا كل التقدير ونحن من وراك ورفعة رأس كل الشرفاء فى العالم

        الرد
      11. 11

        الله اكبر والعزة للسودان
        رجاله كاملة الدسم … تسلم البطن الجابتك

        الرد
      12. 12

        ا نها مسألة وقت يا جماعة

        الرد
      13. 13

        والله الف الف حمدا لله على السلامة يا ريس وربنا يحفظك ويحفظ السودان وبالجد رفعت راسنا بين الدول والله اكبر والعزة للسودان

        الرد
      14. 14

        الله اكبر ، الله اكبر ، اللهم احفظ السودان وشعبه وحكومته من كيد الاعداء والحاقدين بالله يا جماعة الصور دي براها ما رد لكل الواهمون والحاقدين على السودان والبشير ، ما آن لهم ان يسمعوا صوت العقل وبعودوا لحظيرة الوطن ، وللزملاء في الباب السياسي اسالكم اوكامبوا دحين ما ماص ورقته وشربها ، ولسه كمان لما تنسحب الدول الافريقية من المحكمة الزفتية ستسقط ورقة التوت وكل واحد في حاله يفوت ، واكامبوا حيمشي لاسرائيل وامريكا اها تاني اعمل شنو ؟ ماخلاص صغرتوا وشي في العالم وفضحتوني والكان كان

        الرد
      15. 15

        أرفع رأسك انت سوداني ارفع راسك رئيسك البشير الله يعطيك ألف ألف عافية والله أعطيتنا عزة وفخر لم نشعر به من قبل مع حكومات الضعف والهوان والإذلال جزال الله عنا ألف خير والله كنا قبلك نتوارى من الناس ونشعر بدونية جزاك الله عنا الف خير اليوم في بلاد الغربة بفخر نقولها أنا سوداني

        الرد
      16. 16

        والله انا طول عمري بكره الانقاذ لكن بعد الموقف الرجولي والبطولي القام بيه رئيسنا افتخرنا باننا سودانيون الله يحفظك ويدمك فخر لنا ولسوداننا الله اكبر والعزة للسودان وللاسلام علي الكاهلي الرياض السعودية

        الرد
      17. 17

        من داك القرار ي أكامبو أولي رجوعك ***** والله العظيم مابنعترف لنوعك

        شوف لك شيء مفيد أنساه تب موضوعك ***** ياضال الكلاب جربت لحست كوعك

        قائدنا الهمام بالله ردك زيدو ******* والكلب الجبان مابهمنا تهديدو

        خليه الخسيس الدش يموت في ايدو ****** وقرارو الطلعويبقالو شوربه تفيدو

        يأكامبو ياجابان ليه تسقصد السودان ***** الطلبه والطالبات في الميدان

        سير سير يا باشير نحن معاك للتعمير

        الرد
      18. 18

        حمدا لله على سلامة الوصول اسد العرب وعمرة مقبولة باذن الله وحرم تانى ان ماشى لى شافيز فى دياره فنزويلا مانا خايفين عليك لأنك ساير فى درب الله ربنا يقويك ويغطى عليك

        الرد
      19. 19

        ألف حمد لله على السلامة بوصول سعادتكم إلى ر{ض الوطن الحبيب بعد أن رفعت رأس كل سوداني عالياً، كما عهدناك وعرفانك من قبل.. ونسأل الله لك التوفيق والسداد فى دفة الحكم طويلاً.. والله أكبر والعزة للسودان.. والله أكبر والعزة لقائدنا ورمز عزتنا الذى أعاد لنا سيرة أجدادنا من أهل السودان الذين قاوموا المستعمر..

        الرد
      20. 20

        الله اكبر الله اكبر
        سكت الخونة والمرتزقة والعملاء

        الرد
      21. 21

        تعدو الذئاب على من لا كلاب له ***** وتتقى مربض المستأسد الضاري

        لانامت اعين الجبناء ، لا نامت اعين الجبناء ، لا نامت اعين الجبناء

        الله اكبر والعزة للسودان والموت للخونة والمارقين :lool: :lool: :lool:

        الرد
      22. 22

        شدوا لك ركب فوق مهرك الجماح
        ضرغام الرجال الفارس الجحجاح
        تمساح الدميرة الما بيصده سلاح
        المال ما بيهمك إن كتر وإن راح
        بطناً جابتك والله ما بتندم
        ويا أسد الكداد الفي خلاك رزم
        ويا رعد الخريف الفوق سماك دمدم
        عينيك يالصقر في الحارة ما بتنوم
        صدرك لي الصعاب دايما بعرف العوم
        لا بتنلام ولا بتعرف تجيب الللوم
        في وسط الفريق للفارغة ما بتحوم
        ود ناسا عزاز جمعوا المكارم كوم
        تفخر بيك بنات البادية والخرطوم
        بابك ما انقفل ونارك تجيب اللم
        وما بتحلف تقول غير استريح حرم
        أبواتك جبير بيسدوا للعوجات
        ومطمورتك تكيل للخالة والعمات
        وفي الجود والكرم إيديك دوام بارزات
        ويا أب قلباً حديد في الحوبة ما بتنفات
        عينيك يالصقر في الحارة ما بتنوم
        صدرك لي الصعاب دايما بعرف العوم
        لا بتنلام ولا بتعرف تجيب الللوم
        في وسط الفريق للفارغة ما بتحوم
        ود ناسا عزاز جمعوا المكارم كوم
        تفخر بيك بنات البادية والخرطوم

        الرد
      23. 23

        الف مليون حمد لله على سلامة العودة للوطن الغالي .. وعاش السودان حرا مستقلا ولا نامت اعين الجبناء .. والله اكبر ولله الحمد .

        الرد
      24. 24

        حمداً لله على سلامة الوصول ، الرئيس كما عرفه الشعب السوداني ومحيطه العربي والافريقي صاحب قراءة سليمة للاحداث مما يجعله يتخذ القرار الصائب بتوفيق من الله و انه جرئ في تنفيذ ما يتخذه من قرارات ، جسور في إشهار تلك القرارات للصديق وللعدو ويملك شعبه الحقائق ويصدقهم القول ويربط القول بالعمل ، وكم قرأنا وسمعنا كم من مرة أتخذ قراراً صائباً ونفذه بكل فدائية وجسارة ، وهذه الصفات مشهودة له منذ ان كان ضابطاً في الجنوب والكل يعرف الحصار والكمين الذي وقعت فيه فرقته في الجنوب وعلى ما أظن “معركة ميوم” وقد روي ان الفرقة بقيادة البشير وقعت في كمين واشتد عليها الحصار وكانوا امام خيارين لا ثلاث لهما اما الوقوع في الاسر او الفناء ولكن ثبات الرئيس وجسارته ألهمته بعد توفيق من الله اتخاذ القرار الصعب وابدعت عسكريته السودانية الجسورة عن احداث خيار ثالث ألا وهو الاشتباك بالسلاح الابيض لفتح ثغرة في جسم ذلك الحصار ، وبتوفيق من الله خرجت الفرقة من ذلك الموقف والتاريخ يحفظ لها ذلك ، ويحفظ كثير من المواقف والاحداث الجسام التي مرت بالسودان ولكن بتوفيق من الله وجسارة القيادة وإيمانها العميم بربها وبشعبها تخرج دائما منتصرة وما النصر الا من عند الله ، ونبارك للرئيس ولانفسنا وللشعب السوداني البطل الذي انجب البشير وغيره من القيادات التاريخية نبارك للجميع سلامة الوصول والتوفيق والنجاج الذي احرز في مؤتمر الدوحة.

        الرد
      25. 25

        هل يعلم هولاء بان الرئيس البشير سيظل مطارد طول ما هو عايش , يعنى جوكم جوكم للابد

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *

    This site uses Akismet to reduce spam. Learn how your comment data is processed.