سوداني
(سوداني) الاسم يا كامل الأوصاف..
يا زينة الشباب نفسك ملانه عفاف..
ود ناساً كرام..ود خلفا..ود أشراف..
لا بتنسى الجميل ولا بنقول خواف.
***
(سوداني) وأخوي ..يالباقي نور ومناره
ستار العيوب..عنوان لكل جساره
ياما كتير شعوب حددتا ليها مسارا
وريتم علم ..وبنيت صروح وحضاره
ما إنتا الهميم…الفيك نبوغ وشطاره
لا بترضى الهوان..ولا بتسوى حقاره
بيتك بيت ضيوف..بيك الرجال تتضارا
وفى عز المحن ..لا بتشكي لا بتتجارا
****
ليك (العمة) تاج…والعفة سترة حال
حاشاك الخيانة…لا خاتي لا قوال
بتمناك تفوت…وتحقق الآمال
يبقى وطنا عالي…ورضانا يبقى منال
****
معروف بالكرم..لي كل قاصي وداني
فيك الطيبة توب..ساعة الحزن غتاني
ليك الهيبة كون..يا سيد هواي وحناني
يا غالى ونبيل…يا حاني…يا (سوداني)
#تلويح:
ويبقى الرجل السوداني ملاذنا الآمن كلما راودنا الحنين والقلق…ونرجو أن يظل كذلك..(وبنحب من بلدنا
اندياح : صحيفة اليوم التالي [/SIZE][/JUSTIFY]
