عيب عليكم يا رفاق.. دا مستوى بالله.. ما تغشو رقبتكم و تغشو الشعب السوداني

ما معني العصيان المدني
Civil Disobedience
هو مصطلح سياسي يعني خرق متعمد لقواعد و قوانيين العمل بغرض الاحتجاج السلمي على سياسات الحكومة ، ويقوم به موظفو الخدمة المدنية (هنري ديفيد ثورو 1849) ..

اعتمادا على التعريف أعلاه فإن توقف الموظفين في قطاع من القطاعات الحكومية قد يحدث ضغط شديد علي الحكومة مما يؤدى الي تغيير سياساتها تجاه قضية محددة ..

? العصيان المدني و حسب التعريف ليس له علاقة بتعطيل مصالح القطاع الخاص لأنها لا تشكل اى ضغط علي الحكومة و عليه فإنه إذا توقف عن العمل :
? فرن الدوحة البلدي في حي العرب أمدرمان ..
? مطعم البحر الاحمر في السوق العربي ..سوق ام دفسوا في نيالا يقفل
? بنشر الأصدقاء في امبدة ..
? محمد أحمد سباك و أعمال حرة ..
? روضة الأمل و مدرسة المنار بالصحافة ..
? شركة الوردة البيضاء للتجارة والاستثمار ..

? كل هذا يا اخوانا لا يعد عصيان مدني لأن فيه ضرر لمصلحة المواطن و لا يشكل ضغط على الحكومة ..

? كان وقف عن العمل .. عمال السكة حديد .. أو ناس الكهرباء .. أو المعلمين .. أو بنك السودان .. أو قطاع حكومي مؤثر .. يبقي ياهو دا العصيان المدني ..

? العصيان المدني ما بقيسوه ب الشوارع 7 ص كانت فاضية .. و لا أميرة بت خالتي بتها ما مشت الروضة .. ولا بنات MTN اليوم ما جو الشغل ..

? عيب عليكم يا رفاق .. دا مستوى بالله .. ما تغشو رقبتكم و تغشو الشعب السوداني ..

? انتو يا رفاق الماضي ما عارفين العصيان المدني بيعملوه كيف .. تعالوا امسكوا النقابات و وقفوا حال البلد و حركو الشارع .. دا الشغل السياسي الكنا شطار فيهو زمان و كانت الحكومات بتخاف مننا

? لكن راحت عليكم خلاص يا رفاق .. و بقيتو رأسماليين و قاعدين في امريكا و أوربا ماسكين الآيباد و اللابتوب و عاوزين الشعب السوداني يناضل ليكم ..

? عيييييييييييب عليكم .. دا ما العصيان و لا النضال .. تضيعو حقوق الناس و انتو مرطبين في امريكا .. و كان عندكم عداء تاريخي مع الإسلاميين ارجو ان تصفو حساباتكم معهم بعيد من الشعب السوداني ..

? اتشعبطو في كل زول .. حزب الأمة .. و التجمع في مصر .. و الجنوبيين .. و النوبة ..و حركات دارفور … كلوا ما جاب نتيجة و لا قلب الحكومة .. و حقو تعرفو أن لا مكان للشيوعية في السودان .. هو الاتحاد السوفيتي راح في شربة موية والصين الان كل اصدقئها وناسها مسلمين وغيرت من ،،،،،،السودانيين بالفطرة مسلمين و نحن كلنا رجعنا للحق وناسكم هم ذاتهم كبرو و عقلو و بقو مسلمين ..

? الإشاعات و الأكاذيب انقلبت عليكم .. مليتو الواتساب كلو و الفيسبوك و الأنترنت اشاعات و كذب .. كلو راح وظهرت الحقيقة الواضحة والواحدة طلعتو كذابين و الكذاب غير جدير بالاحترام ..

? عيييييييييييب عليكم …

شيوعي تائب الي الله
متداول على فيسبوك