ما هو الفرق بين السوري الذي يجلس مع فتاة والسوداني الحالق نيمار وقاطع ساطور وداقي سستم ويجلس معها؟
السلام عليكم ورحمة الله وبركاته.
لي فترة عايز اكتب في الموضوع دا بس لانو الموضوع طويل مالقيت زمن كافي الموضوع يخص الشعب السوداني اجمع
وكذلك ايضا يخص اللاجئين السوريين
الأمر الذي شدني للكتابة عن هذا الموضوع، كل ما افتح الفيس او الواتساب او التليجرام بجد مواضيع وصور ورسائل تتحدث عن السوريين وما ادراك ما السوريين ،،،وطالبات الجامعات
واخواتنا وبناتنا،
وصور لسوريين قاموا بمعاكسة اخواتنا وتم ضربهم وتأديبهم..
وآخر صورة لاقتني صورة لشباب عليهم آثار الضرب والتعذيب مكتوب عليها
شباب الكلاكلة ينفذون اول عملية تأديب لسوريين قاموا بمعاكسة اخواتنا
#بالنسبة الصورة صور من السجون المصرية
والتقرير المنتشر عن الشرطة وحظر التجوال مفبرك والاصل من قوات الشرطة التركية…
المهم الاعلام الفيسبوكي والواتسابي انا شخصيا ماقعد اصدقو
اصلا اعلامنا كان الكتروني ولا ورقي كلو فاقد المصداقية ،،
دا ما موضوعنا
المشكلة ما في الاخوة السوريين ،، السوريين هم اخواننا ونرحب بيهم في بلدنا ونكرمهم وماعندنا أي مشكلة معاهم
اذا اتحلوا بالإنضباط وحسن الخلق والمعاملة وأي سلوك مشين منهم مافي زول حيرضی ..
بس ,
دا ما معناهو اذا في شخص منهم عمل مشكلة او ارتكب جريمة نحنا نقوم نعمم الموضوع ونقول السوريين عملو وفعلو ونشن حملة اعلامية عليهم… تارة ننشر صور من النت ونقول شوفو السوريين مع اخواتنا في الجامعات ،،،ولقيناهو مع طالبة سودانية في كافتريا وبيشربوا عصير،
وإن صحت الصور،المشكلة وين هنا
هل المشكلة في إنو السوري قاعد معاها وعزمها؟
طيب اذا كان السوري سبب المشكلة ،،الفرق شنو بين السوري القاعد معاها والسوداني الحالق نيمار وقاطع ساطور وداقي سستم وقاعد معاها،، طبعا حيجي واحد ينط لي ويقول لي السوداني دا زي اخوها وزميلها في الجامعة وووو
بالله!
والله شبابنا البتقولوا عليهم زي اخواتهم ديل نحن بنشاهدهم في اماكن عامة بمشاهد اقبح من غيرهم الاجانب ،
طيب انا بسألك سؤال ، هل السوري البتتكلم عنو دا دخل البيت لقى البت محتشمة وبتصلي في البيت انتظرها بعد كملت الصلاة خطفها ؟
ولا لقاها ماشة في الشارع محترمة ومحتشمة وهددها وساقا
يا أخوي القاعد خلف الشاشة وماسك تلفونك وبتتراجل وبتكتب نحن بنعمل ونحن ونحن….ماشاء الله عليك مابتقصر..وارهبت الناس ديل
بس يا أخوي رجالتك دي ماتبرزها مع السوريين بس ،، طبقا في كل الناس سوداني اثيوبي امريكي وووو
#وأول حاجة طبقها في أختك، أي طبقا في اختك البتطلع لابسة نصف ساقها ونص كم وكاشفة شعرها ومتعطرة دي
ياعزيزي انت ربي بنتك او اختك كويس وبعد كدا اذا في زول عاكسها يبقى داموضوع براهو
المسألة مسألة تربية،، إذاكان البنت انت اديتا حريتها في اي شي .. في اللبس وفي الدين وتطلع وقت ماعايزة وتجي وقت ماعايزة..
مفتكرها حتمشي تشتري نقاب وتجي…ولمن تطلع بعد المغرب مفتكرها مشت تصلي العشا في الجامع وراجعة
ولمت تجي خاشة الساعة 12
مفتكرها جاية من الجهاد مثلا ولاكانت بتذاكر مع صحبتها مثلا!
كدي استهدوا بالله كدا وفكروا واتأملوا
اطلعوا الشوارع…الجامعات …المواصلات شوفوا المنظر البتطلع بيها البنت من بيتا وابوها او امها واخوها شايفنها وهي طالعة
راقب بنتك ،،، وولدك ايضا ماترفع عنهم الثقة لكن اديهم الثقة في الحدود الممكن يصارحوك فيهو باي شي
#معليش اعزروني يمكن سخنت وعصبت شوية
بس الموضوع شداني
والله يا اخواني المشكلة ما في البنات بس ولا في الاولاد براهم
المشكلة مشكلة بعد عن الدين وتهاليمها الجميلة
بعد عن العادت والتقاليد الجميلة واستبدالها بعادات دخيلة …الحل الوحيد هو الرجوع لتعاليم الإسلام،،، الرجوع للحجاب واجتناب النواهي
الشباب اليوم بيعانو من مشاكل كتيرة بتخليهم انهم يتطرقوا لملئ اوقات الفراق باي وسيلة كانت،،،
أما مسألة التشهير باخلاق الأخوة السوريين وتعاملهم معنا ووو والله دي مابتشبهنا…
دي مجرد فتن لاننا الشعب الوحيد الإتعامل معاهم بحسن نية وأخوية..
لعن الله الفتنة ومن أشعلها،، في ناس بتحسدنا على الطيبة وحسن المعاملة وسمعتنا المالية العالم، الصدق والامانة والنية الطيبة
،،لذلك ان جاءكم فاسق بنبأ فتبينوا
ماتنشروا أي كلام بدون ما تتأكدوا من صحته،،
اذا كان في شخص عمل غلط ماتعمموا وتتهموا شعب بأكمله بالفسق والشذوذ،،
#وخليك عارف
انت البتنشر صور لبنت سودانية واقفة مع اجنبي ومبسوطين وتكتب ،،،ديل السوريين الدخلناهم بلدنا
ليه ماتكتب ديل بناتنا الربيناهم وصرفنا عليهم دم عروقنا،،،يا عزيزي انت كدا بتأكد للناس الكلام البيقولوه عن بناتنا ،،وبتفضح في نفسك بنفسك،،
#بالنسبة للصورة المنتشرة لسوريين بيشتموا بلدنا وبيصفوها بالعفن اذا كانت حقيقية ،،،بقول ليهم والله عيب عليكم البتعملوه هذا البتقولو عليه عفن هي الدولة الوحيدة الاحتضنتكم واحتمت بيكم وفتحت ليكم ابوابها بدون تأشيرات واقامات،،،هل هكذا تردون الجميل،،هل هذا هو جزاء الاحسان،،، انما نطعمكم لوجه الله لانريد منكم جزاءً ولاشكورا.
الموضوع للنقاش
#اخوكم فتحي حامد نارتي
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
أولا الشكر للأخ الكاتب نارتي… أعجبتني الصراحة في كتابتك وعدم دفن الدقن كما يقولون .. المشكلة التي نعاني منها باختصار هي غياب الدين من حياتنا .. نحن مسلمين والإسلام دينا ومنهجنا … قل إن صلاتي ونسكي ومحياي ومماتي لله رب العالمين.. يجب أن تكون كل حياتنا مراقبة لله في التربية والخروج والدخول واللبس وكل شئ… أعيش في دولة بوذية منذ سبع سنوات في منطقة أقلية مسلمة فيها حرية اللباس بل بالعكس الشاذة هي التي تلبس الحجاب والله قد لا تصدقون الطفلة الرضيعة يلبسونها الحجاب حباً للإسلام وتطبيقاً لشعائره مع عدم فهمهم للقرآن لأنهم عجم … كيف بنا نحن الذين نفهم القرآن ونتحدث بلسان النبي صلي الله عليه وسلم … فالعيب ليس في إخوتنا السوريين مع الشذوذ في القاعدة العيب كما قال الكاتب في غياب الرقابة والتربية والاهتمام بالفارغة لكم شكري…
السوريون شعب وسخ لا فرق بينهم والمصريين وشعب متعالي وشايف نفسه ولذلك لا تهاون معهم وجلهم فاسق لا ترحمو من يسيء الينا فوالله هذا الجنس غدار وخائن اروهم ما فعلتم بالفلسطينين الافسق من قبلهم السوريون سلط الله عليهم من لا يرحمهم وهو واليهم فكيف بمن لا يعرفهم
لا فض فوك اخي فتحي.
والله اوسخ شعوب العالم هم الشوام من العراق لي سوريا وفلسطين ولبنان شعوب جهلاء فوضوين اوساخ التعامل مع اليهود ارقي وافضل ١٠٠ مره
واكبر اخطاء البشير السماح لهم بي الدخول وتمتعهم بي كامل حق المواطنه كسودانيين والكل يعرف كم ريال اخذ في سبيل ذلك
فصدام والاسد ونصرالله هم الوحيدين القادرين لي التعامل مع الزباله دي
والله الضيف مفروض احترم نفسو م اخترم نفسو ارجع بلدو
فتحي ؟
اسمها عطبراوية يا مسطول
اخي العزيز لك التحية والتجلة لاثارتك موضوع مهم جدا واعتقد انه اهم من اي موضوع اخر .. واقول للذين عرجوا للسب في السوريين الراجل ما جاب الموضع لانهم بيعملوا كدا او في دليل على انهم بيمارسوا كدا الراجل اتى بموضوع هو ان ننتبه الى بناتنا بدل ان نرمي الناس جزافا .. اي مجتمع في الدنيا فيه الصالح والطالح وفيه الغني والفقير وهذه تؤثر على مجريات الحياة والمعيشة فكثير من هؤلاء البنات يرضخ لضغط المعيشة وسلوك المجتمع فتلجأ للاستعاضة باشياء غير حميدة .. السوري زيه وزي اي فرد او ذئب يبحث عن المطرفة ويصطادها وكما سالكم ماهو الفرق بينه وبين سوداني يمارس نفس سلوك السوري او المصري ..
وبعدين تعالوا نسالكم منكم كثير بيمشي سوريا وبيمشي مصر ولبنان وبلونكم الاسمر وشنات شعركم المجعد دا الواحد يكون معاه فلوس وتلاقيه سايق واحد طالع نازل بيها من مرقص لمرقص او من فندق لفندق يعني انتوا ارجل منهم .. ولم الواحد يمشي الهند وكل يوم سايق واحدة وطالع بيها وممكن تجي تسوقها من بيتها فاكر نفسك منو يعني ..
لا احد يقولي نحن ناس على خلق ودين وهم هذه تربية مجتماعتهم لا يا فالح ليه انت ما تكون على الخلق والدين ديل.. لم تمشي عندهم ..
بعدين الاخ الفاضل طالبكم بتقويم انفسكم لتنتهي الحاجة الى ما يقوله البعض وذلك بحفظ البنات ومراقبة لبسهن الفاضح ..
وانتوا ما شفتوا الاسوأ امشوا الامارات وامشوا ديسكوهات عجمان ومراقص الحبش شوفوا السودانيات بيعملن شنو ؟؟ وقالوا شنو طالبات منهم الطبيبة والمهندس وجاية تفتش عمل ..جات كيف والجابها منه وساكنة وين وقاعد مع منو وبتصرف من وين .. والاىسوأ تلاقيهم مجموعة من اربعة او خمسة بنات باحدث ملابس السهر الصارخة ويحتسين الخمر ويغازلن كل من هب ودب باكستاني سوري فلسطيني المهم تقضي ليلتها وتطلع بخمسية او الف درهم .. اوقفوا سفر البنات المفردات لدبي اوقوفوا سفر البنات لوحدهن للقاهرة اوقفوا خروج البنات بملابس لا ترضى اختك ان تلبسها وتاكدوا لن يجد السوري او غيره فريسته
الفساد اصبح يشمل الجميع والخلط والطبق وال …….. اصبح شيء معتاد والأفضلية حتماً لصاحب الون الابيض من بعض فتيات بلادي مع اخنلاف اجناسهم ومستوي تعليمهم فهذه هي الحقيقة انظرو إلي الامكان العامة كفتريات حدائق وبعض المنتجعات الخاصة واطراف النيل سوف ترون اشكال والوان وسوف ترون السوداني طابق السورية والاثيوبية وغيرهم والعكس كذلك هذا هو الحاصل في الخرطوم والمصيبة لما تلقي ليك بنقالي ولا …. اسود طابق لي وحدي زي القشطة .
صراحتاً اصبحت قيمنة في خطر تحت شعار العصر الحديث يتطلب الانفتاح ومجارات الحاضر
وأما فيما يتعلق بالشعب السوري فقط إنهم سليطي اللسان وربما هذا عائد للبيئة ونشائتهم واما غير ذلك فهم اصحاب كرم وشهامة عند الشدائد ويبقي ان نقول في كل مجتمع به الصالح والطالح
اي سوداني عندو شوية نخوة ما بيرضي لي بت بلدو تمشي مع اجنبي انشاء الله بي رضاها هي لانو في النهاية اجنبي
وبعدين الشر يعم
نحن السودانين دئما لنا الكرم لكن ما بنرضى الكعب بلدنا مفتوح زى المزرعة المافية حوش كدا شوف الدول الافريقية التعبانة لو مشيت ما بتلقى كرم لكن السودان يا حليلو بلد كل الاجانب موجود لا تاشيرة لا اقامة حتى العمل ليهم موجود لكن السوداني جيت العاصمة تشعر كانك ما سودانى
كلام زي الورد
گٍلّآمٌگٍ صِحً آخويِ فُتٍحًيِ بتٍمٌنيِ آلّآبآء وآلّآمٌهًآتٍ وآلّآخوآن آلّعآقلّيِن يِسمٌعو نصِحًيِتٍگٍ ديِ ويِعمٌلّو بيِهًآ ..
حزب البعث والشيعة هم اللي وراء هذه الوشاية للتضييق على السوريين اللاجئين .
والله نحن شعب طيب لكن البقل ادبو بنربيهو وندقو دق كان اي جنس سوري كان مصري كان قبلنا عليكم كعبين شديد
والله لك كل الاحترام والتقدير عزيزي فتحي
وقد اثرت موضوع في غاية الاهمية وياريت كل الشعب السوداني يقرأ كلامك ده
السلام عليكم
ياااخ في الموضوع دا ما اتوفقتا نهائي ياا استاذ مهما كانوا اولادنا بيعملوا ، يعني بالدارجي كدا نحنا نعمل اي شي في بلدنا لكن ما يجي زوول من برا يفسد وينبز وكونوا يجي واحد سوداني يبرر موقف السورين بي موقف الشباب السوداني الحالق نيمار وشايل الساطور دي ما موضوعية ودا زول يفتقد لاشياء كثيرة يا استاذ
موضوع حلو بس هم اجانب في النهايه ممكن يعملو كل حاجه عشان مابلدم وما بناتم ولا اخواتم وكوننا نعاين لي اجنبي مع بنت من دمنا ونسكت بتكون شينه شديد والله
ااولت آسف على الانقطاع
المهم الناس عارفة الحقيقة وبتتضارا بي انو دي بلدنا نعمل زيما عايزين
الدين ماقال ليك اعمل اي حاجة في بلدك
الدين قيدك بي حدود وامرك باصلاح اهلك اولا واسرتك وابناءكم
وكلكم مسؤول عن رعيته
بالنسبة للناس القالت كلامي غلط
بقول ليهم البيحصل من بناتكم دا شي عادي ودا حصاد تربيتكم
من زرع الشوك لايحصد قمحا
اخوكم فتحي حامدنارتي
عمار بيقول في الموضوع دا ما اتوفقت نهائي
والله يا استاذ انا اتوفقت الحمد لله
والتوفيق من عند الله
انت الما اتوفقت تتقبل الحقيقة
انا زيك سوداني وبيهمني الامر بس الساكت عن الحق شيطان اخرس
كم من جريمة قتل وجرائم اخلاقية حصلت من شباب سودانيين
جرائم اغتصاب اطفال وزواج عرفي وسفر وانضمام لداعش
يا اخوي اذا ما قدرت تتقبل الحقيقة
قل خيرا او اصمت