من تبقي ﺃﻡ.. ﻣﻌﻨﺎﻫﺎ ﺗﺒﻘﻲ ﺣﻨﺎﻥ ﻭﺩﻡ..

ﻭﻛﻠﻤﺎ ﺻﻐﻴﺮﻙ ﻳﺰﻳﺪ ﺳﻨﻴﻦ.. ﺗﺰﺩﺍﺩﻱ ﺇﻧﺘﻲ
ﻛﻔﺎﺡ ﻭﻫﻢ…
ﺗﺘﺤﻤﻠﻲ ﺍﻷﺳﻰ ﻭﺍﻟﺠﺮﺍﺡ.. ﻭﺗﺘﻨﺎﺳﻲ
ﺇﺣﺴﺎﺱ ﺍﻷﻟﻢ..
ﻣﺎ ﺇﻧﺘﻲ ﺃﻡ..
ﻣﻌﻨﺎﻫﺎ ﺗﻀﺤﻴﻪ ﻭﺍﻟﺘﺰﺍﻡ.. ﻣﻌﻨﺎﻫﺎ ﻓﻴﻚ
ﺩﺍﻳﻤﺎ ﻋﺸﻢ
ﺗﺴﺘﻘﺒﻠﻲ ﺍﻟﻴﻮﻡ ﺑﺎﻟﺪﻋﺎ.. ﻭﺗﻘﻮﻟﻲ ﺣﻲّ ﻋﻠﻰ
ﺍﻟﻔﻼﺡ
ﺻﻠﻴﺘﻲ ﻓﺠﺮﻙ ﻓﻲ ﺧﺸﻮﻉ.. ﻭﺑﺪﻳﺘﻲ ﻳﻮﻣﻚ
ﻓﻲ ﺍﻧﺸﺮﺍﺡ
ﺿﺎﻳﺮﺗﻲ.. ﻟﻤﻠﻤﺘﻲ ﺍﻟﻬﺪﻭﻡ.. ﻭﺩﻋﻴﺘﻲ
ﺑﺎﻟﻬﺪﻱ ﻭﺍﻟﺼﻼﺡ
ﺣﺼﻨﺘﻲ ﻧﺎﺱ ﺑﻴﺘﻚ ﺗﻤﺎﺍﺍﺍﺍﻡ.. ﻭﺳﺄﻟﺘﻲ ﻣﻦ
الله ﺍﻟﻨﺠﺎﺡ
ﻣﺎ ﺇﻧﺘﻲ ﺃﻡ
ﻣﻌﻨﺎﻫﺎ ﻣﻦ ﻗﻮﻣﺔ ﺍﻟﺼﺒﺎﺡ ﺑﺘﻮﺯﻋﻲ ﺍﻟﺤﺐ
ﻓﻲ ﺍﻟﺪﺭﻭﺏ.. ﻭﺗﻜﺒﻲ ﻣﻨﻮ ﻋﻠﻲ ﺍﻟﻤﻼﺡ…
ﻣﺸﻐﻮﻟﺔ ﺩﺍﻳﻤﺎ ﺑﺎﻟﻌﻴﺎﻝ.. ﻣﻠﻴﺎﻧﺔ ﺑﺎﻟﺮﺿﺎ
ﻭﺍﻟﺴﻤﺎﺡ
ﻛﺴﺮﻭﺍ ﺍﻟﺼﺤﻮﻥ؟ ..
ﻣﺎﺍﺍ ﻣﺸﻜﻠﺔ
ﺩﻓﻘﻮﺍ ﺍﻟﻌﺼﻴﺮ؟ ..
ﻣﺎﺍﺍ ﻣﺸﻜﻠﺔ
ﻛﺒﻮﺍ ﺍﻟﺘﺮﺍﺏ ﻓﻮﻕ ﺍﻟﻌﺠﻴﻦ؟؟ ﻣﺎﺍﺍﻣﺸﻜﻠﺔ
ﻗﻄﻌﻮﺍ ﺍﻟﺤﺒﻞ ﻓﻴﻬﻮ ﺍﻟﻐﺴﻴﻞ؟ ﻣﺎﺍﺍﺍﺍ
ﻣﺸﻜﻠﺔ
ﺑﺲ ﻣﺸﻜﻠﺔ.. ﻟﻮ ﻗﺢّ ﻭﺍﺣﺪ ﻣﺮﺗﻴﻦ ﻟﻮ ﺟﺎﺗﻮ
ﺣﻤﻰ ﻋﻠﻲ ﺍﻟﺠﺒﻴﻦ
ﻟﻮ دمعة ﺳﺎﻟﺖ ﻓﻲ ﺍﻟﻌﻴﻨﻴﻦ…
ﻣﺎ ﺇﻧﺘﻲ ﺃﻡ.. ﻣﻌﻨﺎﻫﺎ ﺗﺒﻘﻲ ﺍﻟﺤﺒّﺔ ﻗﺒﺔ
ﺗﻔﻘﺪﻱ ﺍﻟﻤﻨﻄﻖ ﺗﻔﻜﺮﻱ ﺑﺎﻟﻤﺤﺒﺔ
ﺗﺒﻘﻲ واحة
ﻣﻬﻤﺎ ﺗﻜﻮﻥ ﺍﻟﺪﻧﻴﺎ ﺻﻌﺒﺔ …
ويفضل ﺻﻐﻴﺮﻙ ﻓﻲ ﻋﻴﻮﻧﻚ ﺯﻭﻝ ﺻﻐﻴﻴﻴﻴﺮ
ﻣﻬﻤﺎ ﻛﺒﺮ ﻋﻦ ﻃﻮﻗﻮ شبّ
ﻗﻠﻘﻚ ﻋﻠﻴﻬﻮ ﻣﺤﺎﻝ ﻳﺰﻭﻝ
ﺣﺒﻚ ﺭﺑﻴﻊ ﻛﻞ ﺍﻟﻔﺼﻮﻝ
ﻟﻐﺔ ﺍﻟﻘﻠﻮﺏ ﺗﻠﻐﻲ ﺍﻟﻌﻘﻮﻝ ﺟﻮﺍﻙ
ﺇﺣﺴﺎﺱ ﺧﻮﻑ ﻋﺠﻮﻝ
ﺃﺣﻼﻡ ﺟﻤﻴﻠﺔ ﻭﺍﻣﻨﻴﺎﺕ
ﺗﺘﻤﻨﻲ ﻣﻦ ﺍﻟﻠﻪ ﺍﻟﻘﺒﻮﻝ
ﻣﺎ ﺇﻧﺘﻲ ﺃﻡ ..
ﻭﻣﻦ ﺗﺒﻘﻲ ﺃﻡ.. ﻣﻌﻨﺎﻫﺎ ﺗﺒﻘﻲ.. ﺃﻫﻢ ﺯﻭﻝ
ﻣﻌﻨﺎﻫﺎ إنتى أحن زول…
تلويح:
كل عام وكل الأمهات الراسخات في الأمومة.. والواقفات على عتباتها.. والمشرئبات لها بألف خير وعافية.
اللهم أكرمنا بالحياة الأصلح الأفضل والأنبل لأبنائنا.

داليا الياس – اندياح
صحيفة اليوم التالي