وزير العدل الملقب ب”بيكر”كان عامل مطعم بامريكا وفشل في الحصول على شهادات عليا من شيكاغو !!!
السيد/ ابوبكر حمد عبد الرحيم المعروف بي ( بيكر) في بوسطن في ولاية ماستيوس.. كان يعمل في سلسلة مطاعم ماكدونالد الرخيصة للفقراء.
منذ سنه ١٩٨٨حتي سنة ١٩٩٠ مع ابرهومه ومجدي شريف وجمال مكي ومعاويه وبقيه الأخوة الأعزاء من اولاد العزوزاب…
وكان يسكن مع موافي في جمايكا بلين،،، وبعدها قرر الذهاب لمدينة شيكاغو لمواصلة الدراسات العليا،،،
وبعد ان فشل في الحصول عليها ؟؟؟ ذهب الي قطر ارض الأحلام،،
يُزعم انه متحصل علي الدكتوراه في القانون، فاكشف أمره ورجع الي السودان… الوهم ارضي الأحزاب الصوفية لينال من كعكة البشير تحت مظلة حزب الختمية الصوفي التقليدي!!
حيث يفتقد هذا الحزب للكوادر المثقفة المتعلمة وكان له فرصه طيبة ليتسلق هذا الحزب بحجة ادعائه
علي حصوله علي شهادات في القانون من الولايات المتحدة الامريكية!! ”
وهو يفترض يصبح وزيراً للعدل في حكومة الوفاق الوطني الجديده..
ملاحظه::- تم ايقافه من لحظة مراسم اداء القسم؟؟
حتي تتضح الروية في ما يدعيه من حصول علي شهادات من الولايات المتحدة الامريكية !!!!!
( من غشنا ليس منا)
حديث شريف
(وهذا زمانك يا مهازل
فامرحي). ………
مهندس :- طلال ادريس مقيم في بوسطن من ١٩٨٩
الي يوم كتابة هذه السطور… الله يستر علي وطني وحبي الاول والأخير
السودان..
يعنى كلامك دا نميمه والا وشايه … يتضح من كلامك انك تحمل على الراجل حقد دفين .. والله اعلم
مهما يكن من أمر أو ما قيل عنه ، فهو متأكد من التعيين وأداء القسم ، ولا بد أنه ( رطن باللغة النوبية الدنقلاوية ) مع بكري واتفق معه على ذلك ، ولكن بعد هدوء العاصفة الإعلامية !!
غايتو رطن دي مبااااالغة ضحكتنا من الصباح
يعني الحكومة شغال بالرطانة
يا شيخ يا ريت يكون رطاني
على الأقل ما بيسرقوك…
و بعدين العالم كل مليان نوبين مؤهلين …
خليك من العالم شوف القضاء الفي السودان 95 في المائة منهم دناقلة بالتحديد….
ما يجيبو زول منهم …
الزول دا جابوهوه ناس سيدي الحسن…
أ
طلال ادريس .. الله يشفيك.. بس ياها حركاتكم يالرطانة…
يا زوول أمش العب بعيد من الرطانه انت ما قدرهم…
الشغل ما عيب
اليس غدا بقريب .سوف يكشف المخبي والمخبي
عندو ولا معندو ..
ناس بتتوهم علي الرجل ساي .ولا كلامهم صاح.
كل بوكره..
طريقه التاكد من ايتها شهاده جامعيه بامريكا، امر ساهل جدا، معظم الجامعات عندها تلفون مجاني للاستفسار عن الخريجين، المعلوم الطلوب الاسم بالكامل، ومنها اذا كان خريجا، بكلمو المتصل، سنه التخرج، ونوع الشهاده، اما بالنسبه للتعين كمحاضر في اي جامعه، الجامعه الموظفه تتصل بي جامعه الخريج لترسل لها كل الاوراق من شهادات التي تخص التعليم والاخلاق، الجامعه الموظفه لاتستلم اي شهادات اصليه من طالب الوظيف، انما صور منها، وبدورهم بتصلو بالجامعه، ان اعمل في الجال الاكاديمي واعرف ذلك عن تجربه
عامل مطعم وزير عديل بءس العدل والعدالة باللة عليكم ماذا يسمي هذا العبث هل وصلت المهازل لهذة الدرجة عمال مطاعم في العدل وغدا عمال النفايات في الثقافة يالها من فضيحة اذن اي عدل نرجوة من هذا
ماهنت يا سوداننا يوما علينا
والله الكلام ده ياجماعه خطيبيسير. (التور ان وقع بكترن سكاكين)والتقريرى لو صح دى مشكله (الزول كرت حرق )الزول ممكن عادى يجن ياخ والله الحاجه بتجنن عديل. ولكن نرجع ونقول الكلام البيحصل ده تمام حتى اى زول مزور ما يخدع الناس ويوهم نفس.
أنا ما عارف ليه الناس القاعدة تكتب وتنتقد في الاخ طلال صاحب المقال الراجل يظهر عليه لديه معلومات عن الوزير المرتقب بحكم اقامته في امريكا فالواجب علي الناس وخصاصة المسؤولين التحقيق في مؤهلات هذا الرجل وهذا ليس بصعب فاذا كانت مزورة يكون هذا الرجل ليس جدير بتولي اي منصب فالسودان غير ناقص
طلال لصفي في حساب يبدو.. ويعني شنو كان شغال في مطعم كلنا اشتغلنا في مطاعم واتمرمطنا وهسه حملة شهادات عليا و وظائف جيدة.. وبعدين الرئيس دا زاتو ما كان شغال طلبه.. كلامك ما عندو قيمة وفيهو شكل من أشكال المرض المزعج نسال الله لنا ولَك العافيه
يا خرده، الزول مرق منكم وعمل شهادات تقول ياليل، انت عملت شنو؟ لسه سايق تكسي؟؟ عملت ورقكك ولا لسه حايم غير قانوني؟؟