فيسبوك

مرثية كديسة لوشي “آلاء المبارك”


علم الدين حمزه قال:-
وجعتني الكديسه بدور اسوي النمه
قدر المولى مكتوب من الاهنا مسمه
يالوشي المبارك شان تخف الصدمه
ببقالك كديستك مابدور اللحمه

محمد ود العبيد قال:-
فرااقها منزل الدمعات وحزنها عمه
نحس بارواحنا من خبر الفراق منخمه
يا لوشي الكديستك من حياتنا اهمه
كل من فينا من فرقاها جسمو انسمه

علم الدين حمزه قال:-
كديستك ياالعزيزه فراقه حار يايمه
وجعتني وبكيت دمعي التقيل اترمه
يارب العباد كاتب مرادا التمه
ترحمها الكديسه الباقي ليك في الزمه

محمد ود العبيد قال:-
الكون كلو في لحظة سكون مفجوع
واخوي ودحمزه حردان الاكل اسبوع
عيونو الكان زمان ما فيها زره دموع
بششوفها الليله بتددمع بلا موضووع

علم الدين حمزه قال:-
بختك ياالكديسه الموتي موتا سعيده
ستك قالو تبكي ودفنتك بي ايدا
المازيني هسع يامحمد سيدا
قالو اسباب دموعه كديسته البتريدا

محمد ودالعبيد قال:-
وين الكنتي يا لوشي بتعظمي شانه
وين المووتها في نار ام لهيب ختانا
وحات المولى يا لوشي الملكتي هوانا
انا وود حمزه حزنانيين بنبكي عشانه

علم الدين حمزه قال:-
وجعي الليله في داخلي اترسم هداني
ولسع يامحمد فوقي ذايده احزاني
بعد ماتبكي لوشي وتنحسر يااخواني
اخير بدل الكديسه نسوي شيتآ تاني

محمد ود العبيد قال:-
بعد ما عليهو من عين الخلوق بتخافي
جاهو الاقسى من عين الضرر يا كافي
اكان الموت بقايط يا الشبييهك مافي
كان نديهو في بدل الكديس عنافي

فيسبوك

وفاة “لولو” قطة عائلة لوشي تشعل سخرية رواد فيسبوك ورد حاسم من “نوسي المبارك”

 


تعليق واحد

  1. الصورة بالهدوم السوداء الفوق دي بتجرح الصيام خصوصا وضعها للطرحة فوق مؤخرتها بهذه الطريقة
    كراعا عاملا زي مرق عنقريب الخليفة
    وصلبا زي القيفة بعد انحسار الفيضان وكدة الخ
    حاولت اكتب فيها شعر لكن يبدو انه صاحبنا مكتف