المعارضة والنشطاء ضد الحكومة حايمين برجل كلب في السايبر يقولوا ما في جثة

انتى يا حاجة مشكلتك شنو مع الشباب الصغار ديل كلما تسمعى بمشكلة واحد لفقو ليهو قضية تجى جارية شايلة ليك حبل مشنقة فى يديك و معاك واحد اسبير للضحية القادمة، زمان وليد ماليزيا داك شبكتينا دا مجرم قاتل يجب شنقه و الناس فى دهشتهم يقولو ليك يا حاجة قولى بسم الله الوليد دا كل القرائن تؤكد براءته و انتى تصرخى بأعلى صوتك مجرم يجب شنقه، و حين قال القضاء العادل فى ماليزيا كلمته و صدر حكم البراءة قعدتى تصرخى و تولولى، وسط دهشة الجميع، لا هذا لا يمكن إنه مجرم،، هسى بقول ليك أصبرى لسع فى مراحل تقاضى كتيرة، بعد أن يتم استنفادها تعالى أقيفى جنب ألشناق و زغردى،، إنتى مش عندك أولاد؟ لو كان واحد منهم لقى نفسو فى ألموقف كنتى حتجى جارية بى حبلك كدا ولا بتقولى ننتظر حكم القضاء النهائى و المتهم بريء حتى تثبت إدانته،، كما تدين تدان يا حاجة وفى رب إسمه ألعدل و ألمنتقم ألجبار

طيب يا حاج نادر خليها هي مجنونة وانت عاقل . . عاصم دا دافع عنو اكتر من 20 محامي من خيرة المحامين ومعظمهم معارضين للنظام . لم يدفع اي واحد فيهم بعدم وجود مجني عليه او عدم وجود جثة . والا كانت القضية انهارت من اول جلسة . ليه ما دفعوا بذلك لو كان في شك ؟ ليه فجأة اتضح انو مافي مجني عليه ؟ لو في مسوغات براءة اخري هاتا لينا عشان نعقلها معاك . وبلاش انتقاد للاخرين .

ههههههها، شنو معارضة مضادة دى؟ دا راندوق كيزانى جديد ولا شنو، ما تقولى انا كوزة و تجى بألدرب عديل، انتى مادام كونك كوزة دى شايفاها عار و مخجلة الجابرك شنو؟

الدولة نغسها اعترفت بقتل اكثر من مائة قتيل مع انو العدد اكثر بكثير و في نفس الاحداث فلماذا اعتبرت الفتلى شهداء و حكمت لهم بتعويضات و اعتبرت الشرطي قتيل و حكمت باعدام قاتله .القضاء في السودان نفسه و الحكم ليس نفسه .