سيد الطيب: الكيزان الراجين الحلو وعايشين على ان الحاصل في السودان كله خيال علمي، حا يفوقوا من الصدمة شوية شوية

منذ بداية الثورة في ناس كانوا مركزين على تصميم الشباب وشجاعة البنات ومشاهد البسالة والصمود في الطرقات، ادب وفن وابداعات الثورة اغاني اشعار لوحات بوسترات .. الخ في ناس حرمت نفسها من اي لحظة جميلة وكانت عايشه في الجو المسموم بالاشاعات والكيزان قوة لا تقهر والشعب السوداني كلو كيزان، وناس الامن خطيرين والكيزان اذكياء وقصص فارغه كتيرة زي قصة الغزالة بتاعت اسحاق الكانت بتتونس معاه في الجنوب.
الناس العاملين للكيزان راس وقعر حتى الان ما قادرين يستوعبوا انو المؤتمر الوطني كان صرحا من خيال فهوى، الكيزان ما اذكياء الكيزان مجرمين واسهل حاجه في الدنيا الزول يبقى مجرم، هو سفك الدماء والقمع والارهاب ونشر الشائعات ونهب المال العام من متين كان عايذ ذكاء خارق. الكيزان قياداتهم في السجون والقاعدين برة مشغولين بي احداث ربكة في المشهد العام عشان يكسبوا اكبر وقت يتلفوا فيه الوثائق ويسرقوا وينهبوا وكان لقوا طريقه يهربوا.
انهزموا بالسلمية والمصداقية والصمود وبسالة وشجاعة اولاد وبنات الشعب السوداني
انتصروا عليهم بالدم والدموع رحم الله الشهداء.
الكيزان الراجين الحلو وعايشين على انو الحاصل في السودان كلو خيال علمي، حا يفوقوا من الصدمة شوية شوية وحتسمعوا اصواتهم قاعدين يجعروا بالليل وطبعا بكاهم شين. تبكوا بس ، البشير في كوبر بعدما ياخد بكيتو حا يحاول يدخل في المساجين والدخلة معروفة انا اخوكم عمر زمان كنت مسجون زيكم كده.

يقلم
سيد الطيب
فيسبوك