قال الأستاذ ” خالد سلك” الامين العام لحزب المؤتمر السوداني وعضو وفد التفاوض مع المجلس العسكري الانتقالي: أن اليوم يوم احتفال لما حققناه في المفاوضات ففي كل يوم نتقدم وهم من يتراجعوا، ونصرنا اقترب خلال ٤٨ ساعة مفصلية وسنحتفي في ميدان الاعتصام بالنصر، بحسب مانقل محرر كوش نيوز .
وأضاف “سلك” خلال مخاطبته للمعتصمين بمحيط القيادة العامة بالخرطوم مساء الاثنين: ” اي زول عايز يجرنا الى مواجهات مسلحة دا عايز يهزم الثورة، المفاوضات انتصرت لمطالبكم مجلس السيادة مجلس شرفي ورمزي ليس له اي سلطات، حكومة مدنية بكامل سلطاتها التنفيذية مجلس تشريعي مدني له سلطات تشريعية مطلقة وردد مطلقة مطلقة.
وستبدأ حكومة تباشر مهامها في كنس آثار النظام القديم والعايزين يقودونا لعنف اليوم عايزين يسرقوا مجهودات الثوار لانقلاب مضاد لازم نواجه هذا المخطط لو زول شال طوبة امسكوا وسلموا لناس التأمين لانو دا امنجي لو هناك من تحرش بالجيش او الدعم السريع تأكد ان ذلك هو امنجي لجرنا للعنف.
مضيفا: يا ناس جهاز الأمن مجرد ان نفرغ من تشكيل الحكومة والسلطة المدنية المعبرة عن قوى الشعب السوداني سنفكك هذا الجهاز، مافي جهاز امن تاني بعتقل او يعذب او ينتهك مهمته جمع المعلومات وحماية الشعب السوداني وليس السلطة، حانقفل المعتقلات ونحولها لمدارس ومستشفيات وتشوفوا بعينكم.
وبشر “سلك ” المعتصمين قائلا: نحن على بعد خطوة من النصر وهناك جهات تود تخريب هذا النصر ولن نعفي اي جهة من قطرة دماء سالت وقسما بالله حايتحاسب قدام الشعب السوداني.
وكان الناطق الرسمي بإسم المجلس العسكري الانتقالي قد أعلن الاثنين خلال مؤتمر صحفي مشترك مع قوى الحرية والتغيير، عن التوصل
لاتفاق على هيكل السلطة الانتقالية ومهام السلطات في كافة المستويات في جولة التفاوض اليوم، وستتم مناقشة نسب المشاركة بالمستوى السيادي والتشريعي الثلاثاء.
الخرطوم (كوش نيوز)
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
مجلس شرفي وما عندو سلطه وكمان تفككو الامن والنظام
لو المجلس وبرهان وحمدتي سلموها ليكم علشان تقلبوها علمانيه وتبعدو الشريعه وتفككو الاجهزه الامنيه اعتقد دي حتكون بدايه خراب البلد
الحذر الحذر يا مجلس لا تلعب بالنار الشعب لسه ما طلع والجيش والقوات النظاميه لن ولم ترضي
اكيد بنو علمان بطلعوا الاشاعات ولت نصدقهم
غدا لناظره لقريب
اللهم اني صائم
مؤكد إذا كان هذا صحيحا ما قاله خالد عمر يوسف ، سوف يخرج الشعب السوداني بكامله ضد هذا العبث الذي سوف يقود السودان لدمار وتفكك وحروب اهلية طاحنة وبعدها نقول كان هناك بلد إسمه السودان. الشعب السوداني حتى الآن صامت وينتظر مخرجات التفاوض وسوف يقول كلمته إذا انحرف مسار الثورة عن تطلعات الشعب السوداني وأصبح مغنما لليسار فقط من حركة شعبية وشيوعيين.
ممكن تفند كلامك ؟
حميدتي ما بسلمها ليهم وبكرة حا يفض الاعتصام بالقوة
تبقي المشكلة التحلنا من حميدتي ده زاتو شنو
ده حفتر السودان مدعوم من دول خارجية
حفتر ليبيا لواء لكن ده فريق أول
خالد سلك دا مش العندو فيديو حايم قبل كم يوم وقال لو قامت انتخبات مافي زول حيصوت لينا لذلك نري هذه الحزاب تطالب بمد الفترة الانتقالية ل 4 سنوات حتي تثبت نفسها في الحكم وتنتج كيزان جدد.
هذا الشاب يعتقد انه يخاطب في ركن نقاش طلابي او ما شابه .
يا ابني مشاكل السودان كبيرة جدا وتحتاج لكفاءات ولناس صادقين لحلها .
يا خوفي فترة حكمكم تكون كلها تصفية حسابات…. وتنسوا بناء الدوله والتعمير والنهضه
الكترااااااااااااااااااااااااااااابة والله كترت جداد وذباب حايم هنا..
.اللهم اكفنا اياهم بماشئت وكيف شئت
ياخ انتو30سنة تلعبو بينا لعب انقلعت منكم في3ساعات بس
بطلو جقلبة وورجقة وادخلو قفاصتكم
انتهي الدرس
( ففي كل يوم نتقدم وهم من يتراجعوا )
هل يدار التفاوض بهذه العقلية
يا وهم أنت بأسلوبك ده و هذه العقلية دي بكره تكون في منظومة الحكم
سمعت اليوم أن المجلس العسكري علق التفاوض .. والله ليهم حق أذا كان واحد من المفاوضين يخرج بهكذا تصريح
هذا التفاوض الرابح و الخاسر هو الوطن