شرع المجلس العسكري الانتقالي في ترتيبات متقدمة لتشكيل حكومة انتقالية من التكنوقراط تتخطى قوى الحرية والتغيير.
ودعت قوى الحرية والتغيير إلى إضراب عام عن العمل في القطاعين العام والخاص خلال يومي الثلاثاء والأربعاء المقبلين، تمهيداً للإضراب الشامل والعصيان المدني.
ونقلت مصادر مطلعة بحسب صحيفة (الإنتباهة) أن المجلس يتجه لتشكيل الحكومة الانتقالية وتضمين مشاركة الجهات التي ستوافق من قوى الحرية والتغيير عليها. وفي المقابل قال القيادي بالحرية والتغيير خالد عمر (سلك) إنهم لا علم لهم بخطوة المجلس, وأضاف قائلاً: (حال حدث ذلك لكل حدث حديث).
الخرطوم (كوش نيوز)
طاش ما طاش ..
ما طاش وطاش ..
طاش .. طاش
يا سلام صباح يفتح النفس !!
والله هؤلاء الأولاد متشدقين حكومة شنو البتعملوها إنتو يا بتوع الإندومى, لكن حقو تستفيدو من الدرس .خلص باااح راحت عليكم
خبر جميل
انتباه
لاداعي لبرلمان لدواعي امنيه
واذا لابد لازم من كل الاحزاب بقسمه جديده
اي وزير يتم تشريحو زي ما قال رزق لازم اتشرح تشريح جد ويعرف ماضيهو من يوم ولدو ما عايزين اي شيوعي ممكن من اي جهه تاني الا شيوعي
لازم اي وزير اكون ف مجالو فقط
لا تتم الموافقه ع التعيين الا من العسكري وبعد الفحص من لجان مختصه،،
الاعتصام افترتق فورا قبل مباشره الحكومه اعمالها شرط للمشاركيين،
العاصمه خربت لابد من تجميلها ف اول خطوة
ولابد من هديه للمواطن تخفيض كهرباء لحوم خضار دواء مواصلات
ووووووالخ……. هو الوحيد الاضرر من عشرات السنوات لليوم
وماشاف الا لطم وصراخ وعويل وضرب وصياح وتصارع وعنتريات وخطب وكذب ووعود وخزعبلات
الغباء السياسي لقوي الحرية والتغيير اضاع منهم فرصة ذهبية لاستلام الحكم في السودان بدون سند قانوني …لذلك نحن نطالب تجمع المهنيين بان ينسلخ من قوي الحرية والتغيير وان يتفاوضوا مع المجلس العسكري بكل حكمة لتكوين حكومة تكنوقراط مع المجلس العسكري … لحين اجراء الانتخابات
من عقب الرجال اصلك منقى وصافى
وجيشك بركب الارسح حرق العنافي
قبال السلام طالب جوابا شافى
شن خيب رجال مثل البرق بتلافى
سلام ود حدب ناظر المعاليا عموم
سلام متحزم الحرقة وغضب مسموم
ما دام البلد هملت حكمها البوم
نشيل الفاتحة فى سيدها ونقول مرحوم
يا ناظر السهيد شيلك مهيل الفا
والاكل الجراد دفق الصقيع ما بخلفا
الربطو العواصم بالظلط لحلفا
كان دارو العمار فوق البلد مو كلفا
العمدة الوجه بقة الحكومة تهرشو
وما همو البلد بس همو تبلع كرشو
قول للهمل العربان وزود درشو
كان شيلنا السلاح بكرة بنزلزل عرشو
البترول طلع شالو وكتر خضيرنا
ماسكين القرون نحنا واللبن لى غيرنا
ما دام يا بلد نهبوك وقللو خيرنا
بنفنقل جثث فيكي ويجيـــــك طيرنا
السايسين كضب ليهم ضمير ما بشفى
يوم ضاقت خلاص ضاااااااااعو القرب فى الاشفه
ستارين وجيــــــــه المن تحت منكشفه
لا جابو الظلط لا نـــــــــــــور ولا مستشفى
اليوم القبيح نــــــــــسام دعاشو الهبا
نحنا رجــــــــال يا مروبه الزمن كن غبااااااا
بتروووووووول يضخ ما بتلقى منو الحبة
نووووووووووووووقف جاااااااانو
كن جيشنا المحرب عبااااا
خبط الكنقووو فى الغابة وقدل نيشان
بنعرف جــــــــــــورو كن فينا المقدر كـــــــــــــان
خـــــــــبر جـــــــدو يا ابو قلبا حديد مو هان
بنخلى الوظيفة ونعمر الميدان
كـــــــــــم شبـــــــــعنه جـــحمانة وكلاشنكوف
وفى جباهنا البوارق كم رتع قرنوف
بنـــــكسر قرونهم كان عدمنا الشوف
وقراااااااااش العظام ماااااااااببالى من الدوف
إتراخا الحبل بقت القرووووون دجالة
بترووول فى بلدنا وبقوولو مالنا ومااالا
الـــــــــفين مـــــهندس يااااااااااا عمدنا عطالة
والمسكين دخل هاوية وحريق ملالا
بترووووووووول ام حديد
قالد بحيرة شــــــــــــــارف
واتدلى ام ســـــــــر ير دقـــــش الخلاء المتطارف
غابات الهشاب الكان ترابها مخارف
قطعة عرووووقها الالة ام خشيمن جاااارف
ناضم جكا وجيش العقاربه خصوص
شان نحنا بنقوووووووول الحق بقينا لصوص
عقب ماااااخلد التاريخ علينا نصوص
ضاااااااقت فينا شباكا وصبح لاصوص
زمااان راضينا عااااااااااصينا وتبعنا الدولة
وهسى بدينا فى السايسين نجر الصولة
اما يــــــــشــــوفوا حاجاتنا وتكون هى الاولأ
ولا ندقوووووووو زندية وتزغرد خولة
القنطور مهما طال برجع حقيقتو واصلو
والزول البقود واجبنا نعزل فصلو
الشابين غلط قبل القمم بتنصلو
والارقض ببين فوق المحاين خصلو
أووووووووووووووووووووووووووه
ترابك خراااااااااا يا بلدي وصبح وسخان
ونقعو رجاااااااااالك التبر جنى النسوان
وقت الحارة تكتم ووتنشبك نيران
بتعرف اصلك الساااااااااحة وتقيف اركان
بـــــــــــــــناااااااااااااااااااااااااااااضمك
جــــــــــــــــــــــــــــــكا
مـــــــــــــــــاااااااااااااااااااااااااااااااا لك نسيتى
الفيــــــــــــــــكى
افلتى القبيل يوم التهب واديكى
الولد الزمان للموت بيعرض فيكى
شبعتىه زل لمن قطع طاااااااااااااريكى
هملتى العشانك بعزفو ابو طفاقااااااااا
واديتى العسل قوم الكروش والفاقا عقب
ماااااااااا تحلحلت عقدك نحرنا الناقة
باااااااااااااااعو ترابك الخاااااااايبين
بقوووووووووولك عاقااااااااا
قاااطعين العقب قاااااااااابضين سلف
مقدمنا
كيف نصبح تبع وامس القريب مأتمنا
بلد خانت الماتو وعدوها
حكمنا
كن شاااااااااترنا يوم الشينة
ما بتلزمنا
ما بناصر العملاء ونخون اوطااااااانا
وحقنا بالضراع نحن بنجيبو برانا
قول لل الوعود بالكضب هاريانا
ولو فشل الكلام
تتكلم الجبخانة
ضرب الجيم وقطيع الرقاب فى الدوسة
منو بدابر الوليد البخيب دهنوسااا
وقت الكتمة والـــــــــــــــعركة المعلقة كدوسة
نحن نفابل الدوشـــــــــــكا ونكمل عوساااااااا
خبر فحول ضكره وشبابنا النايم
صحو النوم ياااااااااا سادة وكفانا هزائــــــــــــــم
يبقي علينا ميعاد البواسل قايم
وفيه نوفى ما دام العمر مو دايم
اهــــــــــــــــلى البـــــــــعرفهم بـــــــــــادية شقاق
او حلـــــــــــــة ماااااااااابرضو الهوان فى يوم
ويبقووووووو ازلــــــــــــــة
بــــــــــــــنــــــــــقابل ام لهيب حتى العدد لو قلا
والديش الالوف فى لـــــــمحة بس بنشـــــــــــــــلا
اهلى الثروة والنعم البيرزم مااااااااااااات واهلى
الليهم العز والسبيدر زاد
كن دارو السمح
بتحلحلن عقاد وفى اليوم
القبــــــــــيح بلوه وهبايب عاااااااااد
ماضهبت اقول لقيتك
انتي فى كل الخواتم والمياتم
والنجيمات والعواتم والمغنين المطاليق
ما حزنت اقول بكيتك
نحن فى حزن المخاليق
الفرح جاييك وعد
غنوة اولاد التحاريك
كنتى فى ليل الخوابى
تهاتى بينات الطوابى
تحاكى جقليب السعى
الوليدات خلو حجرك ريح يفوفى
وعين مزرزرة من شقى الفرح المرابى
منية الوعد الداعى
انت في خوفك تكاتل رفة الطير والحفيف
انت فى شوفك تخاتل عينة الجلب الخريف
انت فى اللالوبة مصلبة البنيات النسيمات الهفيف
انت فى اللالوبة مشنقة الوليدات ناس نجومى
محبس النفس الرهيف
بطنك كرشت غى البنات نافى
دقنك حمست جلدك خرش مافى
وكت الوهم وافيت ..وكت العلم جافي
صدق الوعد نافيت .. مر الصدق وافى
يا ديارى الوين ….نى
تور عفينة الشينة ….. نى
ما اضينة وزينة…..ني
تور عفينة الشينة….ني
سنتاً والعيش بالقبضة
قلبك شابايل النبضة
جوني العشاء ملقوني
جهدية ماكلة أكتوفي
يا امونة شن بتشوفى
يا عيونى شن بتشوفى
شدرا تال اليمامة
ولا الصقر الحمامة
ولا البطن التفوفى
يا امونة شن بتشوفى
يا عيونى شن بتشوفى
جهدية وسيف وراية
تبروقة وخيل وشاية
اذان بالجوع اذن لى
ام خوفك فايت خوفى
يا امونة شن بتشوفى
يا عيونى شن بتشوفى
جهدية الاورطية
جهدية الحلبونا
شدو جمالم جونا
جلبنا ليهم سمسم ………. السمسم ما كفاهم
جلبنالهم سعية