علي الحاج: (جيبوا الجنائية وخلوها تحقق في فض الاعتصام)
قالت تنسيقية القوى الوطنية، إن قيام المجلس العسكري بدور معين في التغيير لا يعني أن يتحكم في القوى السياسية. وطالب القيادي بتنسيقية القوى الوطنية عي الحاج في مؤتمر صحفي أمس، بجلب المحكمة الجنائية الدولية للتحقيق في عملية فض الاعتصام.
وأعلنت التنسيقية بحسب الحاج، عن رفضها للمبادرة الإفريقية الإثيوبية لحل الأزمة السياسية، ووجه في مؤتمر صحفي حسب صحيفة الإنتباهة أمس، انتقادات لاذعة للمجلس العسكري بعد إعلانه قبول المبادرة الإفريقية الإثيوبية واعتبارها أساساً للتفاوض.
ورأي الحاج أن قبول المجلس بهذه المبادرة بعد رفضها، فيه نوع من (الطبخة)، وطالب أعضاء المجلس العسكري بالاستقالة حال حصرهم التفاوض مع الحرية والتغيير فقط، وقال: (لو غلبهم يستقيلوا ويجوا عساكر تانين يلتزموا الحياد).
وأعلن الحاج عن تأييد مليونية (30) يونيو والوقوف معها، وقال “نحن مع المليونية السلمية وضد فضها بالقوة”، وشدد على ضرورة تحديد مسارات المليونية ووقتها الزمني.
وطالب علي الحاج، المجلس العسكري بالسماح بإجراء تحقيق دولي في فض الاعتصام حال قبوله بتحقيق الاتحاد الإفريقي، وقال: (جيبوا الجنائية وخلوها تحقق في فض الاعتصام، وما عايزين نغطي على أي جريمة)، وقال إن فض الاعتصام حدثت فيه جرائم كبيرة.
الخرطوم (كوش نيوز)
انت تسكت يا علي الحاج كمان تتفاصح علشان ما قبضوك مع جماعتك يا فاسد يا حرامي الشارع الغربي انت اشتغلت معاهم وقد شاركت في الانقلاب المشئوم وسرقت ونهبت وبعدين عملت معاهم مشكلة علشان ما أدوك فرصة للنهب ثاني ومشيت مع أبوك الترابي وكونت حزب ثاني يعني انت برضو كوز ومشترك معاهم وحرامي كبير وأستغرب لماذا ما قبضوك
لبن سكر بيض سمك … دا شنو هسع المراوغات دي
يعني نفهم من كده لمن دعم المجلس العسكري ليكم ما جايب راس مالو داير تشوف ليك مدخل تاني
الشعبي لم يأتي بجديد وهمه الوحيد السلطة منذ المفاصلة وهو يدور في حلقة مفرغة
نتمنى من المجلس العسكري الا يعير هذه الأصوات إنتباه
يا على الحاج اتقوا الله فى الشعب السودانى اخجل ياخى يوم من الايام تمدح فى المجلس العسكرى بعد ما اختلف مع قوة الحرية وعندما جاءت وساطةة لكى تقرب وجهات النظر لحل هذه المشكلة تجى بكل بجاحة وتقول نرفض راى الوساطة ونخالف المجلس العسكرى للموافقة على الوثيقة ياخى انتم جارين وراء المناصب ربنا ينتقم منكم نجضونا انشاء الله ينط فيها عسكرى ينسفكم انتم والعسكر وقوة الحرية ويستلم البلد لماذا لم تقول تجى الجنائية تتحقق فى مقتل الالاف من دارفور وكردفان وانت تمشى على جماجمهم .قال تتحقق فى فض الاعتصام قال قرففففف يقرفكم كرهتونا الوطن . اللهم انتقم من كل طامع فى حكم السودان لمصلحة خاصة يارب يارب
شيء عجيب انه غير مقبوض؟؟؟؟
نريد أيضاً تحقيق دولى فى معرفة من الذى حطم جامعة الخرطوم ومستشفى الجامعة ومستشفى العيون وكلية الإشعة التابعة لجامعة السودان و مسجد الجامعة وكل هذا الخراب والدمار الذى لحق بالبلاد
انتم معنا كدا عندكم إتجاه معين لأنكم دائماً ترفضون تعليقى شكراً ومع السلامة