النيلين
فيسبوك

ابراهيم الميرغني يكتب في شأن لقاء المجلس العسكري والاتحادي الأصل

سبحان الله السودان ده كلو لاقا المجلس العسكري الأحزاب والقبائل ..وناس الكورة .. وناس الغنا .. وحتى الجمعيات .. شيوخ. وحيران وفقرا مزارعين ورعاة وتجار و ( مهنيين ) يسار ويمين ووسط وبين بين يبقا لى مافى كيان حقيقى وله خيالى ما التقا بيهم ربما مافى زول ما لاقاهم .. بعد تلاته شهور آخر جهه تلتقى المجلس العسكرى القيامة تقوم … الناس دى ما قاعدة تفاوض وتجتمع وتتضاحك وتتقالد وتنكت وتشجب وتدين وتستنكر وقيل بعضهم يخمس ويتقاسم حقة التنباك دعك من السلطة والحكم ومصائر البلاد والعباد

بعدين نحن آخر ناس حاجاتنا بره فى السهلة وماعندنا اسرار ..وظاهرنا كباطننا .. وأعلنا زمااااان عدم رقبتنا فى السلطة الانتقاليه السيادية والتنفيذية ( أول ناس ) لكن بالجد ما بالكضب .. وأبلغناهم رغم تخفظاتنا الكبيره عليه شكلا ومضمونا وإجراء لكننا بتقبلو وبندعمو وبندعم الطرفين وندفعم عشان يتفقو لانو الاتفاق ده هو الفرصة الوحيدة المتاحة الان لتجنب الصدام وهى الخيار السياسى الوحيدالموجود الان فى الساحة وغيره مزايدات ورعونات وانبطاحات سواء أعجبنا ام لم يعجبنا لا يهم المهم الان هو السودان فقط لل غير .. وندعم المجلس وقحت حتى يتفقا وتبدأ الانتقالية وعندها لكل حدث حديث.

” يا شباب ما تشفقو ما فى زول مداقركم فيها ولا مزاحمكم عليها بالصحة والسلامة ان شاء الله” .

بقلم
ابراهيم الميرغني
فيسبوك

شارك الموضوع :

3 تعليقات

حر الراي 2019/07/14 at 10:45 م

ويظل
الاتحادي هو من كبار البلد شاء من شاء وطرش من طرش
وحزب الوسط وحزب الوسطيه وحزب التدين والتقوي والايمان حزب الوطن
” ش و ش وغ وج”
لكن مشكلتنا
نحن الان في عالم اللامعقول لا معقول
اي شئ نظيف وطاهر ومصدر فخر وقوه للبلاد مستهدف من عملاء او جهلاء
الجيش الامن الدعم الشرطه الدفاع الاتحادي الامه القبائل الاداره الاهليه الدين
الصوفيه وووووو
ما انتم يا عملاء؟ من انتم يا جهلاء؟
هذا ديننا وهذا بلدنا وهذه ارضنا وهؤلاء اهلنا !!! اذا انتم مننا مرحبا بكم
واذا لم تكونو مننا وقصدكم الفتنه ف الي الجحيم
@
وجب الدفاع عن ركائز الوطن !!!
هناك هجمات شرسه تستهدف كل تراب وانسان ودين البلاد!!!!!!

رد
Khalid 2019/07/15 at 5:08 ص

إنت شخصيا ساهمت في قتل البلد… وإنت أصلا علاقتك شنو في البلد… عشت ذيهم… ركبت مواصلات معاهم… عشت معاهم… بعدين مؤهلاتك شنو عشان تبقي وزير.. البلد المليانة خبرات.. العالم كلو مليان سودانيين متعلمين.. ارحمونا يالحزبين الاتحادى والأمة المتخاذلين واتمنى من الله تكون خاشى في واحدة من مصايب الهيئة القومية للاتصالات… يا مرتزقة.. إنت ما وقتك مافاضيين ليك الان

رد
الكوشى 2019/07/15 at 11:54 ص

أقتباس : وأعلنا زمااااان عدم رقبتنا فى السلطة الانتقاليه السيادية والتنفيذية ) أنتهى الاقتباس
رغبتنا بالغين مش رقبتنا بالقاف يا بتاع الفتة الله يفك رقابنا منكم

رد

اترك تعليقا

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.