النيلين
فيسبوك

هل محمد عصمت قادر على اثبات “أموال الكيزان في ماليزيا 64 مليار دولار” أم هو كلام مجاني من رجل يتكلم بما لا يعرف؟


قوى الحرية والتغيير جايبة ناس محدودي القدرات تحت مسمى كفاءات ..
محمد عصمت بتاع بنك السودان بيقول أنو أموال “الكيزان ” المنهوبة في ماليزيا 64 مليار دولار ..

محمد عصمت ما عارف أنو لو كانت أموال النخبة الأنقاذية تبلغ هذه الأرقام فسهل جدآ أنو يتم تعقب هذه الأموال وتجميدها خصوصآ أنو البلد كان بتخضع لعقوبات قاسية جدآ طوال 20 عام ..

محمد عصمت ما عارف أنو لو كانت النخبة الأنقاذية تملك هذا المبلغ لما تخلت عن مشروعها ليسقط والبلد تحتاج 25 مليون دولار للوقود ذهب البشير يستجديها من السعودية ..

محمد عصمت ما عارف القوة الشرائية لمبلغ زي 64 مليار دولار ممكن تكون قدر شنو .. يعني حتى حساسية لأرقام بالضخامة دي بتطلع من خشمو بدون حساب شئ مثير للسخرية ..

محمد عصمت ما ورى الناس كيف قدر يصل لتحديد المبلغ ب 64 مليار دولار .. يعني ليه ما 63 مليار و 500 مليون و 462 الف .. مثلآ .. مصدر المعلومة جاء لمحمد عصمت من وين ؟ هل لمحمد عصمت مصدر في المخابرات الماليزية أطلع الرجل على سر من أسرار الدولة الماليزية فرضآ ؟
هل محمد عصمت قادر على أثبات هذا المبلغ أو الرقم أم هو كلام مجاني من رجل يتكلم بما لا يعرف ؟

في فساد في السودان .. نعم .. لكن فساد مضخم ومبالغ فيه .. والفساد ده موجود من رجل المرور في الشارع .. لحد الناس البتبيع الخدمة الوطنية داخل مقرات المنسقية .. وتجربة الحرية و التغيير اللي بدت دي بتورينا أنو الأنقاذ ما شذت عن القاعدة الأساسية .. ممارسة السياسة في البلد دي قائمة على النظر للبلد دي كغنيمة .. كفرصة للأثراء ..

عبد الرحمن عمسيب

تعليقات فيسبوك
شارك الموضوع :


11 تعليق

Hazim 2019/09/20 at 9:58 ص

دا راجل مخرف جاهل للاسف وانتسابو لي بنك السودان يدل علي ان بنك السودان سبب عدم قدرته مثل هؤلاء الجهلاء … الاحتياطي النقدي لأعظم اقتصاد في العالم سنقافورة هو ٧٧ مليار والاحتياطي النقدي لي ماليزيا البتكلم عنها دب ٦١ مليار والاحتياطي النقدي لمصر في اخر تقرير للبنك الدولي هو ٤٤ مليار

رد
sudani 2019/09/20 at 12:07 م

اي زول ضد الكيزان بعد الثوره يخرف وبقول اي كلام فارغ طبعا نحن عارفين تماما انه الكيزان حراميه لكن ما تكذب علينا ياخي نحن ما اططفال دغدغع مشاعر الجماهير والقاء كلام بلا مسؤليه واسلوب الاشاع دا ما بيخدم السودان والله مفروض يستضيفوك في التلفزيون وتورينا اثبات لكلا مك دا ارقام حسابات الناس ديل والمبالغ الفي الحسابات السودان داير مسؤلين جادين واحد زايد واحد يساوي اتنين ونسه المصاطب دي خلوها

رد
جميل بثينة 2019/09/20 at 12:40 م

عندهم اكثر من ذلك والرجل يتكلم عن معرفة وكان موظف كبير فى بنك السودان
والمبلغ 64 مليار دولار طوال 30 سنه لعدد كبير جدا من الحرامية وقروش البترول
الطلع والصمغ العربي والثروة الحيوانية وبيع مشروع الجزيرة وبيع الاراضى والفنادق
وحديقة الحيوان لم يتركوا شئ والا تكسبوا منه اكاد اجزم انو المبلغ اكثر من ذلك
وان شاء الله الايام تثبت لنا ذلك والحساب لكل الحرامية من الصغير الى الكبير 30 سنه
سرقة ونهب وقتل الله ينتقم منكم فى الدنيا قبل الاخرة

رد
الهمباتى 2019/09/20 at 2:41 م

خلينا من ال 64 مليار دولار يا كوز
انت قلت المشكلة 25 مليون دولار بس..هل تنكر ال 123 مليون دولار القبضوها فى حاوية فى بيت الكوز رجل الامن عبدالغفار الشريف لو فعلا حريصين على حل مشاكل السودان يعنى دى اموال عند كوز واحد فى البيت فقط ناهيك عن الاموال فى الخارج

رد
sudani 2019/09/20 at 4:22 م

والله ياريت يكون عندهم حقيقي ونقدر نرجعها لمصلحه البلد اي كوز حرامي نصادر قروشه ونطلع من ازمتنا والله نشجع ومعاه ميه الميه لكن الكلام الساي ما بنفع الزول دا مسؤل في بنك السودان ودا كلام مهم شديد يطلع في التلفزيون يورينا الحسابات دي ارقامها كم والقروش الفيها كم مع اني اشك في ذلك دي معناها انه اخترق النظام المصرفي الماليزي وجاب حسابات الناس ديل غايتو البضايقني شاعر انه والله في استخفاف بعقولنا السودان دا والله فيهو سبهلليه اي زول يقول اي كلام ننفعل ونتونس بيهو كم يوم وهو يطلع في الكفر والناس تعيش شويه في احلام وتنسي

رد
Mamoun 2019/09/20 at 6:57 م

المصدر رئس ماليزيا شخصيا” مهاتير محمد وهى ليست نقدا” انما استثمارات

رد
فيصل الغالى 2019/09/20 at 9:23 م

محمد عصمت هذا لم يأت بجديد فقد سبقه الشيوعيين والبعثيين حين سقط نظام المرحوم النميرى في أبريل 1985 وقالوا بأن النميرى سرق من خزائن الدولة 16 مليار دولار ووردها في بنوك سويسرا ، إتضح في ما بعد بأن الخبر كاذب وأنه مجرد كيد سياسى لاغير ، ويعرف الجميع بأن المرحوم نميرى حين سقط لم يكن يملك ولا دولار سواء في الداخل أو في الخارج ، ويعرف الجميع بأن المرحوم نميرى وزوجته بثينه حلوا ضيوفاً حين قدموا من أمريكا على الرئيس مبارك بمصر وتكفل مبارك بسكنهم وإطعامهم ولولاه لماتوا جوعاً وظل في مصر وفى ضيافة الرئيس مبارك حتى عاد للسودان حيث سكن في منزل والده بودنوباوى حتى لاقى ربه ولم يكن يملك منزلاً خاصاً به ، تلك فريه أطلقها محمد عصمت هي الأخرى من باب الكيد السياسى وفقط .. نسي عصمت هذا المثل القائل بأن ( حبل الكذب قصير ) وهو فعلاً قصير وقصير أكثر من ما يتوقعه محمد عصمت !!

رد
mohdamed hassan 2019/09/21 at 4:19 م

خليك من قروش ماليزيا وقيمتها.
يعني حسي الكيزان ما حراميه وما سرقو قروش البلدّ؟
ولا ما فهمت انت داير تقول شنو بالضبط
طيب القروش اللي لقوها في بيت البشير عديل بتاعت محمد بن سلمان انت مصدق حنك انها اعمال خيريه يعني ولا شنو

رد
الجعلي 2019/09/22 at 5:27 م

الثورة الثانية آتية لا محالة
هذا دجل و استخفاف بالعقول لا يؤيده الا الجبناء الفاسدون الذين يحاولون تغطية فسادهم باسم الثورة…

رد
صلاح محمد احمد 2019/09/24 at 2:32 م

محمد عصمت رجل حسابات وارقام.. و رجال الارقام يتحدثون بأن 1+1= 2….. ليه نحدث عن هذا المبلغ المهول؟؟؟ هل من فراغ و خبط لزق ام لديه و ثائق و مستندات …. الحكاية عايزة توصيح…لازم والا سيضحى اى كلام …. فشوش!!!!!!

رد
Sudani 2019/09/26 at 11:45 ص

ياريت لو اورينا محمد عصمت الاجراءات والخطوات التى تمن لاسترجاع هذه الاموالظ

رد

اترك تعليقا