عمسيب: حكومة حمدوك حتوقعها المواصلات .. قبل ما يوقعها رفع الدعم


عبد الله حمدوك

شارك الموضوع :

اذا في عصيان مدني شامل مفترض يتعمل .. فهو مفترض يتعمل لحل أزمة المواصلات ..

حمدوك بيتكلم عن أنتاج والموظف ما قادر يوصل مكتبه .. الطالب ما قادر يوصل مؤسسة تعليمه .. العامل ما قادر يوصل موقع عملو ..
تنتج كيف أنت والبلد مكتفة ومقطوعة ..

البلد دي فيها عمى نخبوي شديد .. حمدوك وهو بيأكل على موائد الرؤوساء .. أو بيتنزه مع حرمه المصون في الشانزليزيه .. محتاج يعرف أنو مشوار واحد من العربي لصابرين أو من الصينية للفة ممكن يأكل يومك كله .. ومحتاج يعرف أنو حكومته دي حتوقعها المواصلات .. قبل ما يوقعها رفع الدعم ..

#المواصلات_أولآ

عبد الرحمن عمسيب

شارك الموضوع :

13 التعليقات

إنتقل إلى نموذج التعليقات

      1. 1
        سوداني

        عمسيب …..
        انت يا حبيب موضوعك شنو مع الحكومة
        انت عايز الحكومة تعالج ليك مشاكل وتراكمات 30سنة من الفشل فى 3 شهور
        خليك موضوعى …
        والحكومة لن تسقط

        الرد
        1. 1.1
          أبوعمر

          لكن ياعزيزى السودانى خلال ال 30 سنة لم تكن هنالك أزمة موصلات مثل التى نعيشها الآن .. بعدين نحن الى متى سندفن رؤوسنا فى الرمال وكل مشكلة بدل نحلها نكتفى بالقول أن 30 سنة من الفشل هى السبب .. بعدين دى مواصلات يعنى بتتحل بى أستيراد بصات فقط يعنى ما مشكلة عويصة ..

          الرد
      2. 2
        حر الراي

        الغريب في الأمر تكلموا في كل شي
        الا
        أمن البلاد
        ومعاش الناس من ماكل ومشرب ومركب

        تسقط بس!

        كان الشيخ فارسنا الاول… كل القوة جوه بعد صلاه الجمعه انطلاق من كل المساجد نحو جهات محدده للتضامن ونصره دين الله وعبده الشيخ عبد الحي.. بالقانون لتكن هي الشراره الأولي للثوره التصحيحه المباركه لنصره دين الله ومحاربه العلمانيه والالحاديه والماسوريه وعدم الكفاءه ووووووووو……
        حق دستوري في العهد الدولي وكل قوانين العالم…..

        الرد
      3. 3
        د/ عمر التجاني

        غايتو يا اخ عمسيب لو جاطت والناس مرقت ثوره تصحيحيه حارشحك لمنصب وزير خارجيه نسبه لفهمك العالي والاستناره بما يدور في ردهات السياسه والساسه وفي التكتيك والتنكيل والبرغمات…وايضا في حراره قلبك ووطنيتك واحساسك بالوطن والمواطن الضعيف…الي الامام يا زعيم…

        الرد
      4. 4
        أب لمبة💡

        عمسيب ده شكله كان مستفيد من حكومة الكيزان
        جدادة مزعوط ريشها ليس الا
        دي الاشكال الكانت البتمشي العمرة و تغشى دبي على حساب الحكومة
        شباب الكيزان المدلعين
        راحت عليكم

        الرد
        1. 4.1
          نزار

          الله ينور عليك
          الهجوم باستمرار علي الحكومه الانتقاليه بالطريقه دي امر مريب ويؤكد علي انه واحد من المستفيدين او بنفذ في اجندة شيطانيه كيزانيه
          بدل كده ادعو بالتوفيق ل حمدوك وربنا يخفف علي الشعب

          الرد
      5. 5
        كاب الجداد

        ايها الانسان السوداني البطل هل تعلم ان قوت يومك يشاركك فيه ست دول محيطة بالسودان: تشاد، وافريقيا الوسطى ، والكونغو، وجنوب السودان، واثيوبيا ، واريتريا بسبب عامل الحدود المفتوحة على كل الجوار الافريقي.

        اذا ذهبت الى اسواق انجمينا وبانقي وكونجوكونجو وسوق الرنك واديس ابابا واسمرا، ستجد كل المنتجات هناك مصنوعة في السودان او مهربة منه مما يحدث فراغا في كمية المعروض داخل الاسواق السودانية، ويتسرب عبره قوت الشعب السوداني ودولاره وبالتالي ارتفاع الاسعار والندرة والصفوف الطويلة

        لماذا التهريب؟؟؟؟؟؟؟
        سعر لتر البنزين في السودان اليوم 0.14 (دولار امريكي). بالقياس، يبلغ السعر المتوسط للبنزين عالمياً 1.10 (دولار أمريكي).

        امثلة لسعر لتر البنزين (بالدولار الامريكي) في بعض دول الجوار (خلّي بالك السعر في السودان 0.14)
        اثيوبيا 0.73
        تشاد 0.87
        أوغندا 1.15
        الكونغو 1.35
        يعني البنزين المهرب من السودان يُباع في الكونغو بعشرة أضعاف سعره

        يؤدي تهريب الوقود والدقيق الى دول الجوار الى معاناتنا من الندرة والوقوف في صفوف طويلة للحصول على ابسط حقوقنا والسبب هو – لا أقول ضعاف النفوس – إنما السبب هو نحن.

        رفضنا ان ندفع لصاحب السلعة وللحكومة الثمن الحقيقي لسلعته فذهب ليبيعها لمن يدفع ثمناً منصفاً.

        ماذا لو نتنازل قليلاً ونتحمل معاً تبعات النهوض الاقتصادي ونرتضي رفع الدعم عن هذه السلع حتى لا يتم تهريبها وننعم في المقابل بالآتي:

        1. وفرة المعروض من الوقود والدقيق وغيرها نقول عندها وداعاً لصفوف البنزين والرغيف
        2. الثمن المجزي المدفوع في هذه السلع يتحول الى طرق ومطارات وسكك حديدية ومدارس ومستشفيات بمواصفات عالمية وغيرها من الأصول الثابتة التي لا يمكن تهريبها الى دول الجوار
        3. نتحول من دعم السلع الى دعم مرتبات محدودي الدخل من الموظفين الحكوميين والمعلمين والمعاشيين وغيرهم

        عندما خرجنا في ثورتنا الظافرة أردناها ثورة ليست كسابقاتها وكنّا ندرك ان الثمن سيكون مؤلماً وباهظاً

        أقترح (حملة رفع الدعم لوقف التهريب ولإقامة البنية التحتية) لتكون ثمناً ندفعه عن طيب خاطر لأن رفاقنا الذين استشهدوا أرادوها ثورة حقيقية وليس مجرد تغيير نظام بنظام آخر مكبل اليدين يمارس نفس الفشل
        الحمدلله لقد منّ الله علينا بحكومة مدنية من الكفاءات الذين نثق بوطنيتهم وثوريتهم ونزاهتهم فلماذا لا نعينهم بمزيد من الصبر والتحمُّل
        والله الموفق.

        الرد
      6. 6
        ابراهيم طه

        من اين اتيت يا عمسيب ؟؟ ومن اين ظهرت؟ لم نسمع منك صوتك القبيح هذا ايام التمكين ويبدو ان مصالحك الخاضة تضررت مع اهداف الثورة وسكت الله صوتك يا بلطجي

        الرد
      7. 7
        عارف

        عمسيب للضرس عرديب ..اعصر ولا يهمك كلامك كلو صاح وحقيقة والماعاجبو ما يقرأ نحن ..عشان الحقيقة حااارة

        الرد
      8. 8
        ود بندة

        يا ناس كل من قال الحقيقة اليوم ديل يقال علية وهو كوز أو منتفع أو كتائب ظل أو اوو..كلام لا يخدم شي انما هروب من الواقع المعاش وتعليق فشل علي الآخرين

        اذمت المواصلات في الخرطوم لا ينكرها إلا جاهل أو قحتاوي. دي ما حصلت في تاريخ السودان.دا غير باقي الأزمات المرتبطة بالمواصلات. رغيف وقود وغاز ومصارف خريف ومصارف قروش.
        إلي متي نظل في الوضع البائس دا دا في الإنقاذ ما حصل.

        الرد
        1. 8.1
          جميل بثينة

          ود بندة كل ما ذكرت السبب الاول فيه هى الانقاذ وحكومة الكيزان والا لماذا
          خرجنا الى الشوارع وانت وعمسيب كنتم نائمين فى العسل كلنا يعلم
          وانت تعلم هذه مشاكل تركتها الانقاذ والان احسن من اول بالف مره يا كيزان
          خليكم صادقين لكن كيف تكونوا صادقين وانتم اهل الكذب والنفاق لن تسقط
          مع الحومة حتى نزيل الكيزان من السودان نهائيا

          الرد
      9. 9
        كرنقو

        ياعمبلوك شح المواصلات سببو انو اسيادك الكيزان اخوان الشيطان ماخلو شي كويس في البلد دمرو حتي الانسانية الفينا دمروها كل سوداني بقي اكعب من التاني النفوس مريضة والناس بقت طماعة كل زول عايز انهب التاني .. ياخي انتا زول مقرف ومحبط ياريت لو تبطل كتابة وتخلي الناس تشتغل اتفو عليك

        الرد
      10. 10
        زول ساى

        بنى كوز سلمونا السودان جثة هامدة ويريدوننا ان نجعله شابا فتيا فى ليلة وضحاها فقط فعندما طلبت الثورة اربعة سنوات للحكومة الانتقالية فهى مدركة لحجم الدمار والخراب الذى يحتاج لمعجزة للخروج منه في فترة ثلاثة سنوات يا بنى كوز جهلكم وضحالة فكركم لا يخفى على احد وانتم شاطرين فقط فى السرقة والفساد الاخلاقى والمادى والدينى ولو أن لاحد منكم ذرة حياء لقطع لسانه حتى لا يستفرغ كلاما ممجوجا يزكم الانوف ويعكر الصفو
        انت كوز اذن انت غبى

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *

    This site uses Akismet to reduce spam. Learn how your comment data is processed.