الكيزان لو استطاعوا حل مشكلة الوقود كان حلوها بدل ما هم مجدعين في السجون يبلعوا في حبوب الضغط والسكري
موضوع الوقود ده لا دولة عميقة .. لا دولة غريقة ..
دعم الوقود ده مجرس الحكومة .. بيكلفها مبالغ ضخمة جدآ شهريآ .. والخزينة فاضية .. و كل رحلة الشحدة الحمدوكية صفت ليها علي 66 مليون دولار .. ما أستلمت الحكومة منها شئ .. والحكومة بتدعم الوقود فقط ب 150 مليون للشهر الواحد .. يعني شحدة حمدوك دي وقود 15 يوم للبلد .. ده غير القمح طبعآ ..
الواحد لما يكون ما فاهم ياهو طوالي بيقعد يتكلم عن حاجات كده غريبة .. يقول ليك الدولة العميقة وبتاع .. ما هو أزمة المواصلات ولا الوقود و لا الخبز موجودة من عهد البشير .. و الكيزان ديل موجودين لو قادرين على حلها مع ضمان سلامتهم كان حلوها بدل ما هم مجدعين في عنابر السجون يبلعوا في حبوب الضغط والسكري ..
الأزمة دي أكبر من أنو يعملها طرف في الداخل .. حكومة حمدوك دي تشيل شيلتها .. والشماعة دي ما بتشيل مزيد من الدجاج القحتي ..
عبد الرحمن عمسيب
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
فحت.. كما قالوا للناس في منصات اعتصام القيادة لما نستلم السلطة الوقود مجان والرغيف مجان والعلاج مجان والتعليم مجان والعرس من الكنداكات مجان وقالوا للعطالة كل واحد مرتب ١٥٠ دولار كل شهر حتي يرتبوا له عمل .
يا جماعة الناس تصبر حتي تتحقق الوعود دي كلها سنه والناس تعيش الخيال القحتاوي المجاني دا.
شاطر.
لكن يا… الكيزان كانوا حرامية أي مساعدات او هبات بلهطوها.
هنا الفارق بين اللصوص والحرامية
اليسمع شماتتكم يقول كنتو معيشننا في نعيم يا حرامية يا وسخانين … كمان ليكم وش تتفاصحوا … الالم الالمتوه للشعب السوداني تلقوه دنيا واخرة
حكومة ما تمت شهر مما استلمت عاوزها تحلها ليها في فترة شهر وانت تخرب 30 سنة ،،، كلامكم كلام مغص من انتزع منه الثدي الذي كان يرضع منه ولن يعود اليكم موتوا بغيظكم اشربوا من بحر المالح .. تفو عليكم
يا عمسيب اخجل من جهلك و لا تبديه
المشكلة تراكمية بدات قبل 30 سنة و العالم و المجتمع الدولي لسة زعلان و مبوز من قلة ادب الميزان و هتافهم الكاذب لخداع الشعب ولا جابوا هبرهم لانه عارفين كيسم فاضي فقط قاطعوهم و عاقبوهم
و المجتمع الدولي ما زال يشك في ذهاب الكيزان لانهم خبيثون ماكرون و ينفذون خطة ممزمس و مبسبس حاليا لان التعوسية وعدت حميرتي و البرهان برفع الحطر و ليس ست الشي امريكا التي تعلم خطة الكيزان و مسرحيتهم
على الاقل اعدموا الخضر و المتعافي الماكيشة عشان يمكن يصدقوكم
المجلس العسكري و حمارته هو العقبة الجايبة لينا الهوا
بتعرف يعني شنو تراكمية تراكم فوقك ركام بيتك
يا ود بنده..كل الأحلام ممكن تتحقق لو الكيزان و الثورة المضادة بطلوا الحفر و تحبيط الناس ..لو اجتمعنا علي حب الوطن و العمل لأجله سنصل حتما