كيف تقدم الدعم للجميع الغني منهم والفقير وتسمي هذا عدالة؟؟!!
في الدول الديمقراطية الغربية مافي حاجة اسمها سلعة مدعومة. تمشي تكب بنزين الليلة تلقى سعز اللتر ١.٢ دولار بكرة تجي نفس المحطة تلقاهو ١.١٧٨ وهكذا في مختلف السلع. كل يوم على حسب سعر البورصة وحجم العرض والطلب. في المقابل الدعم بدل ما يمشي للسلعة بيمشي مباشرة للفقراء في جيبهم، كل شهر الزول الفقير عنده مبلغ محدد بينزل ليهو في حسابه البنكي أو يمشي يستلمه كاش من الدولة. المبلغ ده بيختلف من شخص لآخر ويحسب بمعايير دقيقة حسب الحالة الاجتماعية وعلى حسب عدد افراد الأسرة والوضع الصحي وان كان يعمل أو عاطلاً و و و الخ. ويتلقى الفقير ايضاً دعماً في الغذاء ومواد تموينية مجانية كما يتلقى مبلغاً خاصاً لايجار بيت اذا لم توفر له الدولة بيت حكومي. ويتلقى الفقراء ايضا تخفيض خاص بهم دون غيرهم في اسعار فواتير الكهرباء والموية والنفايات وتذاكر المواصلات والعلاج المجاني والتعليم المجاني لهم ولأسرهم و و و الخ. الدعم الحكومي ده ذاته بيخضع لمراجعات دورية تقرأ السوق ومعدلات التضخم والحد الادنى للعيش الكريم وايضاً التغيرات التي تطرأ على متلقي الدعم مثلاً ان بجد وظيفة أو ان تتغير الخالة الاجتماعية من متزوج الى مطلق الى ارمل ….الخ
في تقديري هذا النظام اكثر فاعلية من دعم السلع واكثر تحقيقاً لقيم العدالة. كيف تقدم الدعم للجميع الغني منهم والفقير وتسمي هذا عدالة..؟؟!!! المساواة بين غير المتساوين في اوضاعهم ليست عدالة.
د. أسعد علي حسن
زماااان لما قالوا ليكم الكلام دا كان ردكم شنو؟؟؟؟
رفع دعم مااااااااااااافي
او الشاااااااارع بس
جهزوا اللساتك يا شباب
في الدول الغربية في مؤسسية في شغل منظم كل زول موكل له عمل يقوم به على اكمل وجه والا المحاسبة وتطبيق القانون فيه اما نحن الله المستعان والمواطن زاتو لو عرف انو في دعم لو عندو عمارات يحتال على الحكومة عشان يأخذ الدعم مشكلتنا مشكلة عدم ضمير عدم وازع ديني عدم امانة نسأل الله السلامة ناس بقت صعبة المسؤولين لا احد يهتم بالمواطن اذا ادى واجبه كأنه يتفضل عليك ربنا يصلح حال البلاد والعباد ويبعد عننا الاحزاب وشرها ويولي فينا من يصلح
الزول ده من القطيع بقي
زمااان ما كان شغال فيهم ردم سكتوا ولاشنو
قحط تسقط بس
الناس جعانه والقطيع يقولو رفع دعم
رفع دعم اكتر من ده يا هذا
الشارع بس
السودانيين الحشاش يملا شبكتو فى الاحتيال واللف والدوران والفهلوة … واذا بقت ذى دعمك البتقولو ده .. البلد نصها رمتاله يصرفو ليهم على حساب منو .. الانظمة البتتكلم عنها دى وعاجبك فيها موضوع الاسعار .. المتغيره كل يوم دى .. فيها ضرايب على الرواتب .. والتهرب من الضرائب عندهم جريمة جنائية .. واذا صرفو ليك قروش دعم وانته نايم فى بيتكم بكره بيخلصوها منك بالدبل .. والاوربيين والامريكان اى شخص اصولو ما اوربية ( يعنى لاتينى ولا مكسيكى ولاعربى ولا حتى اقريقى ) مصنف درجه تانية حتى لو الكلام ده مابيتقال .. لكن التصرفات بتدعمو وديل ماليهم الا الاشغال والمهن الهامشيه .. وماتقول لى اوباما ولا زعيط .. لانو ديل شواذ قاعدة ظروفهم ووضعهم ومراجعهم تختلف ، وبكده ماممكن بسببهم نعمم الاحكام ..