النيلين
فيسبوك

رشان: مواكب الخميس دعت ليها لجان المقاومة وتجمع المهنيين ،قحت قالت ديل كيزان

رشان اوشي

عايزين تطلعوا الشارع نظموا صفوفكم وشكلوا قيادة جديدة ،وحددوا اهداف التظاهر ، لانه القمع الجاي ابشع وانكى، والثوار حتى الان هم في نظر الكتل السياسية ادوات لتنفيذ اجندتها، مواكب امس دعت ليها لجان المقاومة وتجمع المهنيين ، ق.ح.ت قالت ديل كيزان ..
وخليكم عارفين انه العقلية بتاعت النظام البائد موجودة جوة عقول ق.ح.ت ، وافتكر التجربة حتى الان اثبتت انه الفرق ما كبير ، حتظل لجان المقاومة اداة في يدهم لو ما البنج فك والناس وعت زيادة، لمن تكتم بنادوكم تحرسوا الافران ، ولمن تطلعوا برة عبايتهم بقولوا ديل كيزان، طبعا كيزان دي تماثل مندسين.

الناس تعرف هي دايرة شنو ذاتها، دايرين تسقطوا النظام الحالي رتبوا روحكم وحددوا اهدافكم ،وقدموا قيادة موحدة لانه مافي كبير على الوطن ،وقحت مافي زول انتخبها ولا فوضها ركبوا فيها سلفقة واستهبال وخم ،اما البحصل هسي ده هرجلة وحتودي لفوضى وتمكين العسكر القاعدين هسي ديل ..

رشان أوشي

تعليقات فيسبوك
شارك الموضوع :

3 تعليقات

حسين عبد الله 2020/02/22 at 12:30 ص

كلكم على بعضكم مجموعة من العفن و القرف و لو السودان راجيكم تقودوه انتو واطاتو اصبحت
قدر و ابتلاء من رب العباد الله يخفف عنا و يكفينا شركم.

رد
الواضح 2020/02/22 at 6:26 ص

ولما زمان قلنا انتهازيين ومصلحجية برضو قالوا علينا كيزان . وكأنما السودان ليس فيه غير هذين الصنفين كوز او قحت . مع ان اغلبية الشعب السوداني غبر منتمي لأي منهاما . وشباب الثورة ووقودها وشهداؤها لم ينتموا لأي حزب . اتحدي اي حزب ان يكون قد نعي شهيد منتمي له . باستثناءاحمد الخير وللمفارقة منتمي للمؤتمر الشعبي . شقيق الوطني . ولم يستحوا ان ينصبوا له السرادقات حينما اكتشفوا انه الوحيد الذي يحمل لافتة حزبية

رد
ساخرون 2020/02/22 at 11:59 ص

طائية الساخط الكوشي

المغسة ما بتمرض
تمرض أكاذيب قحط

وين الصلاح وينو
ماهو الفساد مشتط

وين الوعود وينا
غير لت الكلام والمط

لا عيش ولا بنزين
ما شفنا غير اللهط

ضاع البلد يا ناس
في إيد عصابة قحط

لملم ذبابك هش
جيب ليك بديل لو بط

رد

اترك تعليقا