النيلين
فيسبوك

لماذا بدأ مسلسل الاغتيال المعنوي من القحاتة للصحفية لينا يعقوب؟


عمود اليوم لاحدى صحفيات الثورة والمحسوبين على قوى الحرية والتغيير الصحفية لينا يعقوب …
وفي القصة بعض مما رويت هنا في بوست الامس…

لاحظوا الليلة لي صفحات القحاته البارزين وعلى رأسهم حبيبنا Said Eltayb حتلقو بدأ مسلسل الاغتيال المعنوي وتدمير الصحفية لينا يعقوب لانها كشفت واقرت بما لا يجب ان يكشف ولا يقر به .. وهو علاقة صلاح قوش بالحرية والتغيير وانو رتب معاها وتنسيقو وكده ..

القحاته عايزين يقولو للناس لقد فعلتم المعجزات عشان تستمر حالة التنويم المخليه ناس ما بعرفو السياسة ودهاليزها مبارينهم الليلة فمشكلة اذا اتضح انو قوش هو العمل الفيلم ده كلو ..

الطريقة البيتم تقفيل القيادة بيها كل ما الجماعة يكون عندهم موكب بحيث لا تستطيع ذبابة ان تصل اللي كل الناس شافوها الليلة مثلا” هل ما كان ممكن تتقفل بيها يوم 6 أبريل السنة الفاتت وتكونو لسه بتنتظرو جدول الاسبوع بتاع التجمع ويا شمبات خففي الضغط علي بري ويا بانت الحقي العباسية .. كان عادي ممكن بشه لسه يكون قاعد في القصر وتكون شغاله اسه حملتو الانتخابية لي 2020 …

الطريقة اللي تم بيها تقفيل القيادة الليلة دي فيها رسالة من العساكر ليكم بيقولو ليكم نحنا الفتحنا ليكم القيادة ونحنا الحميناكم ونحنا الشلنا عمر البشير فحقو تصحو من الوهم يا اخوانا …

#قحت_نكبة_السودان

الصديق محمد احمد

تعليقات فيسبوك
شارك الموضوع :


6 تعليقات

ود بندة 2020/04/06 at 8:50 م

شر البثينة ما يضحك
اذا استطعت اقناع الذباب بان الزهور افضل من القمامة تستطيع اقناع العملاء والخونة بأن السودان اغلي من قحت .

هي خلاص الثورة المصنعة في خواتيمها
وبدات تأكل اولادها. لكل بداية نهاية

رد
مخلايه 2020/04/07 at 9:19 ص

هههههههههههه
قلت لي تاكل بنيها ؟؟؟؟
هههههههه
غايتو يا ود بنده حالتك تحنن
اكتر حاجه تشبه تعليقاتك هي ( دق الحلاوه) 🤣🤣

رد
جدلي 2020/04/07 at 9:55 ص

يا ناس النيلين اتقوا الله كيف تسمحوا بتعليق مخلاية ده احذفوه فيه ألفاظ ناية

رد
موسى الشريف 2020/04/07 at 11:36 ص

صلاح قوش … قوى الحرية والتغيير… عمر البشير
هل الشعب السودانى مجبور على الاختيار من بين هؤلاء الثلاثة ام هنالك خيارات اخرى ؟

رد
زول مشاتر 2020/04/07 at 11:49 ص

الانتهاكات التي مارسها النظام البائد من انتهاك لحرمات البيوت وقتل واغتصاب وتعذيب ودونك جريمة الشهيد الاستاذ احمد الخير والتى لن يجرأ نتياهو على ارتكابها هذه الجرائم وجدت استنكار خفى من القوات المسلحة خاصة وان تلك الجرائم ترتكبها كتائب الظل والامن والامن الشعبى وخلافها من القوات الكيزانية وفى هذ استفزاز للقوات المسلحة وقوات الدعم السريع التى انتقد قائدها حميدتى الحكومة البائدة والمجرم المخلوع البشير فى سدة الحكم
افعال النظام وجرائمه ايام الثورة حفزت القوات المسلحة للتعاطف مع الثورة ودونكم محمد صديق الرهيفة التنقد وكفاية فتل دقون اى ان قوش مثله مثل غيره لم يلعب دور المخلص ولكنه رفض فض الاعتصام حسب قوله انه لن يتحمل دماء وارواح الملايين فضلا لا تضخموا من دور قوش لان فى ذلك تقليص لدور الثوار والشهداء وانتقاص فى حق اعظم ثورة
قوش لم تنسكب قطرة دم واحدة حتى من اصبعه والثوار دفعوا المهج والاواح الزكية والدماء الطاهرة قوش عذب وقتل واغتصب من اجل ان يبقى البشير وهذا وحده جرم لا يضاهيه جرم وان لم يفض قوش الاعتصام فذلك ليس حبا فى الثورة والثوار وليس كرها فى المجرم المخلوع البشير انما خوفا من الحساب وخوفا من اتهامه بجرائم ابادة جماعية

رد
الواضح 2020/04/07 at 12:56 م

انا مستغرب احيانا نكتب تعليقات ولاتنشر من ادارة الموقع . يعني انتو بتسنسروا ما لا يتفق مع افكاركم وتتركوا البذاءة وياقط القول مثل قول الاخ مخلاية دا ؟
ويا مخلاية ربنا يهديك ليس المؤمن بطعان ولا لعان ولا فاحش ولا بذيئ

رد

اترك تعليقا