سائق ركشة بالخرطوم: من قالوا حظر الدنيا اظلمت في وجهي.. اقسم بالله احسن اموت بكورونا وحالي مستور من اشحد
الجوع بالحظر مضمون.
انا سايق ركشه لزول باليوم بديهو 200 جنيه عندي زوجتي واضعه الان الطفل التاني مأجر بيت بي٤٠٠٠ عندي امي وسبعه اخوان في رقبتي كنت شايل هم لحاجات رمضان وقسما بالله ما عندي في الدنيا دي غير490 في جيبي والله من قالو حظر الدنيا ضلمت في وشي وانا متأكد انو انا بالنسبه لي ناس تانيه ماشاءالله ما تتكلمو ساي وانتو ماحاسين بالناس.
اقسم بالله احسن اموت اسي بي كورونا وحالي مستور ومكفي اولادي واخواني من اشوفهم قدامي مالاقين الياكلو ولا امشي امد يدي اشحد ولا ادين من زول.
لاحول ولاقوة الابالله نتمنى من الجميع التعاون والتكافل والتكاتف يكفي الاهتمام بالجار السابع وحتما ستجد بينهم من يسعدك ان كنت مقتدرا اوالعكس
اللهم ارضى عنا واكرمنا.
نورالدائم سعيد
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
العناية الإلهية أكبر وأضمن وأسرع فلله الأمر ما قبل ومن بعد!الموت بالكورونا أفضل من الموت بالجوع!!! قحت تعنى القحط،،،، مشى سجمان وجاء جوعان!!!! لكن الرجوع إلى الله هو الأفضل للكل لأن الله هو الغني الحميد
افضل تفضل فى البيت وتأكل المتوفر المده اسبوع بدل ما تفتش النفس ما تلاقيهو انت واسرتك
انها الكورونا حيث ينقطع النفس تماما ولا تستطيع ان تقدم العون لامك او اخوانك او اولادك
اجلس فى البيت ووفر ما تستطيع وقول الحمدلله
الى بنى كوز المقهورين ان تموت بالجوع افضل من ان تموت بكورونا وتقتل معك الف شخص بالعدوى التى ستنتقل اليهم منك الزم منزلك وموت جوعا افضل من ان تموت بكورونا وتقتل معك غيرك فتبؤ باثم قتلهم والاعمار بيد الله
بالله الشيوعية ديل حتي في المروءه طافين النور.
حسب الله عليكم
كورونا ما بتكتل يقتل جلوس البيت تقتل صفوف العيش تقتل صفوف الغاز تقتل صفوف البنزين قال اقعد بالبيت الزول بقول راسو بوجعوا الشيوعية يمسكوا ليه رجليه.
اهل الجهل والنفاق والغباء بنى كوز يتوعدون بمناهضة قرار اغلاق المساجد ويستدلون ب لو اجتمع الانس والجن لان يضروك بشئ لن بضروك بشئ الا قد كتبه الله عليك علما بان علماء المشركين استدلوا بحديث الرسول الكريم وامره للناس اذا حل الوباء ببلاد فلا تدخلوها وان دخلتوها فلا تخرجوا منها نعم لقد فهم المشركين الاسلام اكثر من اهل النفاق بنى كوز وطلبوا صراحة بعدم الالتزام بالحجر الصحى الذى امرنا به الرسول الكريم قبل اربعة عشر قرن من الزمان فاهل الجهل هؤلاء يريدون ان يضلوا عباد الله لانهم اهل الجهل والنفاق والتجارة بالدين قاتلهم الله اينما حلوا واسكنهم الدرك الاسفل من النار انه مصيرهم المحتوم والكفار الزموا شعبوهم بالامتثال لحديث الرسول عن الحجر الصحي والنظافة الم اقل لكم ان بنى كوز مجرد تجار دين
بالله العظيم الناس في شنو ، والحمام الغمران( اقتباسا من أمل الكردفاني) في شنو ؟