النيلين
فيسبوك

طبيبة تحكي عن وضع كارثي للمستشفيات وتكشف تفاصيل الاعتداء عليها من مرافق في امدرمان


لم اكن اعلم انه حان دوري اليوم في سلسلة الاعتداءات علي الاطباء
ويؤسفني ان اخبركم بما حدث في ظل الظروف الصحية التي تمر بها البلاد
شخصي الضعيف د/نسيبة محمد ، نائب اخصائي الجراحة العامة بمستشفى ام درمان التعليمي
اليوم29/4/2020 عند الساعة الثالثة وربع ،خرجت من سكني للمستشفى ، اذ لدي مريض قد اجريت له جراحة في البطن قبل يومين واتيت لكي اغير له الجرح(نسبة لعدم وجود تمريض) واكتب له كرت الخروج ، وبعد ان مريت عليه وجدا انه لا يوجد ادوات غيار جرح ولا شاش ولا قلوفزات في العنبر فكتبتهم للمرافق في روشتة وذهبت لكي انتظره في مكتب التمريض ، جلست واذا بمرافق مريض لا اعرفه ولا اعرف مريضه يدخل ويقول لي(تعالي فكي لينا الدم انتهي)
جاوبت : انا م شغالة هنا وم لابسة قلوفزات ،ما بقدر افكو
رد المرافق: انتي مش دكتورة ودا شغلكم م تجي تفكيه(بنهرة)،انا وصفو لي المكتب دا وجيتكم.
رديت : دا مكتب تمريض ودا شغل ممرضين وانا زاتي عايزاهم وم لقيتهم ، ولو الدم انتهي وصفت ليه يقفلو من وين ويفتش الممرضين.
رد المرافق : انتو الدكاترة ديل الايام دي بقيتو قليلين ادب وما شايفين شغلكم وم عندكم انسانية(كان واقفا في نص المسافة بين الباب وطربيزة التمريض التي اجلس خلفها)
رديت ليه : لو عندك مشكلة امشي المدير الطبي
ورجعت اكتب في كرت المريض ، انتظر المرافق لحظات وقال لي انا بتكلم معاكي ،قومي فكي الدم دا
رديت : كلامي واضح، انا م بفكو
رد المرافق : انتي مرة ( امراة) بتردي علي يا مامربية وحتفكي الدم دا ورجليك فوق راسك وطوالي جا علي
اولا جرا الشنطة قطع جزء منها ومسكني من يدي وضربني كفين وبقى يضرب فيني في رقبتي وراسي وبقيت بدافع وببعدو مني فقام مسك يديني الاتنين ، لانو في المكتب ما كان في زول ،بعد صرخت وصرخت جو رجال وفكوه مني
والله العظيم في حياتي لم يهينني احد مثل هذا ولم يمد ابي يده لي مثل مافعل هذا المرافق.
قلت له (خليك راجل وم تشرد)
ذهبت واخطرت وحضرو معي افراد من أمن مستشفى ام درمان وحجز عندهم
وذهبنا انا ودكتورة سارة(نائب المدير العام ) واتنين من مشرفين الامن بالمستشفي لفتح البلاغ
تم فتح البلاغ عندالساعة السابعة والنصف ليلا
وبكل برود احضر المتهم اجاويد للصلح وقال الموضوع بسيط شديد وانا م فاهم في شغلكم دا
ثم اعادها وهو في القسم يادكتورة الموضوع دا بسيط و خلاص قلنا انتهي !
سيظل المرافقين يعتدون علينا هكذا ،لطالما ليس هنالك رادع ولا قانون ينص علي حمايتنا ،الكل يعلم جيدا انه عندما يهان ويضرب طبيب ،ستمر الحادثة مرور الكرام ك غيرها
الجيش لكي يحارب يحتاج لي عتاد ودافع نفسي يا د.اكرم
اسفة جدا للاطالة
د/نسيبة محمد

تعليقات فيسبوك
شارك الموضوع :


10 تعليقات

عمار 2020/04/30 at 6:06 ص

أكرم ده ناشط سياسي ما طبيب ولا إداري خليك من يكون وزير صحة ولسة بتكلم لينا عن النظام المباد الشلناهو نحنا وهو كان متجدع في القاهرة وهو ما قادر يوفر قشة لي مستشفى ولا حقنة لي مريض.
والله مأمون حميدة الكوز المخلوع الكان وزير ولائي مقنع أكتر من الزول ده ومافي مقارنة وكمية المستشفيات العملا حميدة ده ما شافها بي عينو خلي يشغلا.
ناس قرف وحيدفع الشعب السوداني تمن حكمهم على داير الزمن ومبروكين عليهو.

رد
معاذ 2020/04/30 at 6:40 ص

الحق اقول … الراجل ما غلطان … الغلطانة انت يا دكتورة …
ده شغلك …
وبعدين تقولي ليهو انا وصغته ليهو افكو من وين …🤣🤣🤣🤣🤣🤣🤣🤣🤣🤣

رد
Moaaz 2020/04/30 at 6:44 ص

اجي يا دكتورة اخجلي…
معقوله بس … انا % كنت مكانو بضربك مليون كف لانك ما عندك اخلاق

رد
الضو 2020/04/30 at 7:02 ص

ياخى زول ما وصفهم واحد بانهم اتفه شريحة وظيفية…وواضح جدا انهم غير مدربين كفاية خاصة نواب الأخصائيين ديل اللى بيصلوا لدرجة النائب دى زى شراب الموية..غير كده الواحد لو طبق الشى الدرسوهو ليهو فى الجامعة عن كيفية معاملة المريض ومرافقى المرضى ما كان وصل الموضوع للدرجة…لكن سيادتها طوالى جاريه يا اكرم الحقنى…
الغريبه كل المشاكل البتحصل بتكون مع الأطباء ما حصل يوم سمعنا بمشكلة مع ممرض او كادر طبى اخر..ياترى ده جاء من فراغ…
بعدين الشى المؤسف انها وصفت ليهو يفكو كيف…طيب هو بعرف قدر دا كان جاك وطلب منك…ولو غلط فى الاجراء مشرخطر على حياة المريض…غير كده الراجل ما طلب انك تعملى عملية كل الطلبو انك تفكى الدرب…ياخى عالم غجر…انا فى اعتقادى انهم حا يفضلوا ينجلدوا كده لحدى ما يعرفوا درب الله واحد.

رد
wad elhooba 2020/04/30 at 8:12 ص

الناس فى شنو أطباء السودان في شنو؟؟؟؟؟ الأطباء يعيشون عمرهم الذهبى الإنسانى!! من الإشادة والتصفيق والتحية والسلام الجمهوري!إشادات رسمية وشعبية في كل مكان حتى من شرفات المنازل والطرقات والمستشفيات!!!بصراحه الأطباء أنتم أزفت شريحة فى مجتمعنا السودانى عقود من الزمان لم تستطيعوا التعامل مع المجتمع السودانى (البسيط) هذا،، تتعرضون للضرب بكل مكان فى الولايات والخرطوم!السؤال: مجتمعنا الطيب البسيط الذي ينادى يا دكتورة بكل براءة وعفوية” هل يقصد إيذاءكم وأنتم تقدمون خدمة إنسانية لأعز شخص له؟ علماً بأن الرابط العاطفي والتمنيات له بالشفاء عندو أعظم شيء؟؟؟؟ أنتم من دمرتم الإنسانية في البلد وأنتم خطاوى مسرعة للخلف أنتم من جعلتم الناس كلها تذهب للعلاج خارج السودان،، أنتم الوجه السيء والقبيح لكل مستشفيات البلاد،، أنتم من أحرقتم قيم التواضع والمبادئ بوضع فى أذهان الناس الشك في مهنيتكم وانسانيتكم!!! الأطباء في خارج البلاد إلى جانب الطب يدرسون علم النفس والإدارة ودورات تدريبية في كيفية التعامل مع الآخرين والتواصل الفعال،،،تجد منه:الابتسامة الترحيب مهارة التواصل الجودة والآيزو في كل شيء!!!(أخيرا الفرق بين طبيب بلدنا والأجنبي مثل:حامل المسك ونافخ الكير)

رد
أحمد 2020/04/30 at 8:38 ص

النيليين مرتع للكيزان، دغري سيستو الموضوع تصرخو بس

رد
ادريس 2020/04/30 at 8:52 ص

انتى مش فتحتى بلاغ…طيب شنو جاريه تكتبى فى الوسائط الاجتماعية…شكلها كوزه ولا تربيه كيزان..ياهى دى حركاتهم 30 سنة بيعملوا فيها…
تانى البل…يا تشتغلوا عديل ولا تتبلوا بس.

رد
كامل 2020/04/30 at 8:55 ص

الزول لمن طلب منها تفك الدرب …الكلام ده كان فى موقف جاكسون ولا فى المستشفى

رد
ابو ليان 2020/04/30 at 9:14 ص

بصراحة الدكتوره قصدها نمشى نقراء تمريض ونجى عشان نعرف نفك ونربط ونعالج مريضنا … بعدين وصفتة ليهو دى شنو ؟؟؟؟؟؟؟

رد
خستكة 2020/04/30 at 5:19 م

يا جماعة في اي بقعة في السودان في دكاترة انضربو ما ممكن المجتمع السوداني كلو يكون غلطان. الحاصل الواحدة من يقبلوها في كلية الطب واهلها الدكتورة جات الدكتورة قعدت الدكتورة قامت بينفخوها بتقيف قربة بس وبتبقى شبه التامبيرة، والعجب الداخلين طب ب قبول خاص و قروش ديل كمان سيبهم ساي.والغريب يمشو دول الخليج يشتغلو بكل ادب ليل نهار وبرضو بيدقوهم زول بيفتح خشمو ماف. شنو يعني الا يكون عندنا بترول وقروش عشان تاخدوا الدقة بروح رياضية😎😎.

رد

اترك تعليقا